老公已經蘊釀要過返結婚前既難玩生活 XD
奈何我堅持 任何假期我都唔會掉低阿女
所以攀山涉水活動開始唔到~~~
復活節4日假又好天
冇旅行去 唔去郊遊邊對得住自己
2011年3月到而家 整整3年
終於可以帶小芊芊去訓街啦 XDXDXD
HAPPY EASTER FAMILY CAMPING
19-20 APRIL 2014
小芊芊‧18MONTHS 8,9DAYS
我們家第1次Camping
gogogo~~~
一身郊遊look 出發喇~
經已黎過無數次camp
不過今次係特別既第1次
小芊芊正在監管uncle們起壇
(好專注咁望到佢地起好個營為止…)
大功告成!
假期第2日 成個camp site基本上set晒營
幾驚冇位 好彩好多都係2日1夜
呢片地係成個camp site最高點
亦係我地老地方
算平算少碎石算係靚地
昔日我和老公既小橙屋已經唔夠住
老公臨時買左個4人營
闊落好多呀~
BBQ x CAMP一向係perfect match
今次好正 有海鮮!
大扇貝同埋超大蜆
有大廚主理 very yummy!!!
有佳餚梗要有美酒
芊芊話：有奶奶就夠!
XDXDXD
小芊芊都不停食
大個左 見到我地食乜佢又要有份
其實成爐食物都係得呢塊面包比得佢食
唯有不停燒面包
飽到佢兜晚飯一啖都唔肯過口
原來母女情都可以就咁靠面包 哈哈~~~
雖然得小芊芊一個豆釘
但佢依然獨領風騷 不停圍住D uncle aunt轉
係咁聊叔叔同佢玩飛飛
玩到daddy mami都唔記得咯!
叔叔同佢飛左一轉
屎都唔肯落黎
一放佢落地就lur晒地叫
好彩呢度叔叔多咋…
識叫姨姨之後
呢排成日嗲阿姨
仲成日主動走去阿姨度要佢抱
我的可愛芊!!!
超級大愛呢幅相呀!!!
叫佢咪咪眼 豬咀 伸脷脷 happy face
全部即做兼做到7情上面
仲有好多古靈精怪既表情
tum屎媽咪喇!!!
錫完我再錫阿姨
勁hyper!!!
玩自拍
一望到mon入面個自己就勁開心!
除左聊大人玩 佢都有自娛既時候
其中玩呢個水袋開關掣玩左好耐
經過咁多位叔叔姨姨開開閂閂咁洗手之後
佢由唔識用力開研究到識為止
不過識開之後
就比阿媽將佢地隔離左 :P
小芊芊勁鐘意D營 係咁將D門口開開閂閂
偏偏唔搞我地果個
人地果啲就入晒蚊 卡卡卡卡!!!
唔知點解
以往每次唔同組合既camp
都係9男女組合
全靠小芊芊
我地終於打破9男女既宿命
哈哈哈哈!!!
入夜 冇街燈
其實小芊芊有驚驚的
事緣太陽落山時佢訓左
咁我就將佢抱入營 我地就係營外繼續bbq傾計
入黑佢醒左
太黑+陌生地方+身邊唔見爸爸媽媽既關係
爆喊係理所當然的
好彩佢都算適應力好
係黑媽媽既環境之下好快又唔怕喇
訓覺質素仲好過d uncle aunt
除半夜輕輕醒過一次嘈左幾聲
跟住一覺訓天光喇
連野豬係我地個營側邊咆哮同野狗狂吠
冇被嘈醒過
(可憐佢阿媽就驚餐死…
仲狂諗應該要點樣保護我個營入面果兩隻大小懶訓豬!!!)
第2朝 大人有大人整早餐同收營
佢有佢吹泡泡
呢支咁既泡泡真係好襟吹
唔鐘意捉泡泡只愛拎住支野吹泡泡既bb仔
一次比一次吹得好
今次仲可以一口氣吹左好多泡泡出黎呢!!!
都唔明點解次次camp都要買杯面
但次次買左都係要拎返屋企咕喎…
臨走時同佢換片
無啦啦 lur地爆喊
我兩公婆真係唔知佢乜事喎!
仲唔比我地同佢換衫
大個左識扭計左
佢一扭我就想打
不過未了解佢喊乜之前都係唔打得…
到底佢想點呢?!?
即使係水泥路
雖然佢都唔算好重 (但都有20磅架)
抱住佢係咁行都唔野少
佢又醒喎
見到條路咁長就點都唔肯落地
老公同叔叔們大把野拎理唔到佢
得返我同青青姨輪流抱佢
camp後指定動作 - 落川龍飲茶
呢個family camp好開心好滿足呀!!!
抱住個女去露營真係好累架
以前飲完茶會落山唱k
今時今日既我地真係唔認老都唔得喇
飲飲下茶已經想返屋企訓
奈何返到屋企仲有一大輪功夫要做
小芊芊就最他條啦
返到屋企即刻捧佢入toilet沖涼
沖完涼pat佢入房
佢即劇爬上床碌黎碌去卡卡笑
好唔抵得呀!!!舒服到佢吖!!!
