♥ 千千媽與小芊芊 ♥: 37 Weeks 6 Days - 38 Weeks 5 Days ♥ 廣華醫院7天催生記

文章日期：11/7/2012 09:53 pm

37 Weeks 6 Days - 38 Weeks 5 Days

因為胎位唔正 + 羊水多

本來我的14天產前大假被逼取消

要被困在醫院病房裡渡過

原本定好的Shopping大計就這樣泡湯了

10天在醫院的生女過程

5天等待 + 2天催生+ 3天產女及產後檢查

這樣的時間對我來說是何等難過

但小寶貝的誕生又令我在這裡充滿了回憶

所以這10天我要好好的記錄下來

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

廣華醫院7天催生記 DAY 1

37 Weeks 6 Days ♥

2012年10月5日星期五

早上媽咪陪我入院入住南翼產前房
房間有6張床我前邊和旁邊的都是產前孕婦
聽說是有蛋白尿要留院觀察
我換好孕婦袍後就駁機聽小芊芊心跳
再等醫生睇我

醫生要求我明天飲糖水驗糖尿
我想明天上午飲糖水下午有報告後可以出院吧
小芊芊的胎位仍然是傾斜
所以醫生說再等明天看看胎位情況再決定

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

廣華醫院7天催生記 DAY 2

37 Weeks 7 Days ♥

2012年10月6日星期六

因為6人房裡有3人經已生了BB
所以房內有3個BB整晚在三重奏…
我還可以接受整晚半睡半醒

天未亮有姑娘就走進來跟我抽血
然後把一大杯葡萄糖水放到我桌前
千叮萬囑叫我飲時〝千祈唔好嘔呀如果唔係要明天再黎過…〞
這句話不只一位姑娘跟我說
我努力地飲的時候每位經過我床的姑娘都跟我說一遍…
到第4位姑娘跟我說的時候
我kidding地答了她一句：你地越叫我唔好嘔我就越想嘔 !!!
(其實真係好想嘔晨咁早天未光就比人叫醒仲要飲d咁甜既野)

姑娘話下晝就會出報告
於是我就滿心歡喜以為今晚可以出院
不過到最後下午醫生巡房時話報告未有
夜晚再問姑娘時先話報告沒問題…
結果因為晚上沒有醫生巡房
所以不讓我今天出院 :(

和對面床的媽媽傾計她剛剛生了個男B
不過因為媽媽臨盆時血壓高
她陣痛時姑娘都建議她聞笑氣
更因血壓高的問題不讓她出盡力生B
最後寶寶是用吸盤吸出來
我也看到BB的整個頭頂都紅紅的要過一段日子才會退
BB的頭也被拉長了她說醫生姑娘不讓她初BB的頭
她說她回家後才幫BB初頭
還好最緊要媽媽沒事 BB健健康康

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

廣華醫院7天催生記 DAY 3

38 Weeks 1 Days ♥

2012年10月7日星期日

上午醫生巡房問醫生幾時可以出院

醫生：點解你要入黎呢?
我：羊水多 BB胎位唔正
醫生：係lor 所以我地要日日觀察住你胎位既情況直到生得為止
我：生得為止啊？我仲有2星期先到預產期咁我咪要住兩個星期？
醫生：最好係咁啦如果你係出面穿羊水BB就會好危險
我：我家離醫院唔遠坐的士都係15分鐘以內既車程
醫生：就算你係醫院門外穿羊水 BB都係好危險
我：但係我係醫咁耐好悶又唔知BB幾時出世
醫生：咁啦比你放幾個鐘返屋企休息下啦

(醫生前這不對後語又話即使我係醫院門外穿羊水bb都會好危險
但係又批我放假返屋企得幾個鐘比黎做乜呢？
不過好過冇返娘家抖下都好)

那個醫生手繪的蝌蚪圖

就是小芊芊在我肚子裡的胎位現況

結果醫生比我由中午開始放
明天早上要8時返到醫院
好過冇 :p 可以回家好好睡一覺

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

廣華醫院7天催生記 DAY 4

38 Weeks 2 Days ♥

2012年10月8日星期一

早上返返醫院
中午再跟醫生請半天假明天回公司
小芊芊胎位仍然沒變 -_-

斜對面床來了一位新準媽媽
跟我一樣是胎位不正不過她的BB是360度轉
聽到一位護士長與她對話
知道她很擔心要開刀
護士長還說：開刀很平常來這裡生BB的 5個著3個都係開刀
(下！！！…冇咁普遍架咩…)

雖然由我知道有左開始經已有晒心理準備要開刀
直到脊骨覆診時醫生又說我可以順產
心裡始終想順產 因為看資料才知道
原來開刀生的話係用個拑拑個BB出來
所以我也很不想開刀喔

對面床的媽媽還未出院
我還以為她昨天出院了
原來她的BB要到樓下兒科照黃
她也因為太擔心血壓本來正常的
因為擔心BB 血壓又上升了所以醫生不讓她出院

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

廣華醫院7天催生記 DAY 5

38 Weeks 3 Days ♥

2012年10月9日星期二

早上等醫生巡房過後 10am我就回公司
回到公司同事都不停問我情況
我又再把我的情況重複幾遍…才去工作
雖說是交接不過因為只得一天不到的時間
把最重要的交接就算了其他可以遲點做的
就等我放完產假回公司才算

一做就做不停
本來還想和媽咪青青食埋個下午茶才回醫院
醫生批了我今天10am-4pm的假
我4pm時才由公司坐的士回家樓下
媽咪和青青上車後我就收到醫院的電話

姑娘：你還在外邊?
我：不好意思我現在坐的士回來在公司忙得不知時間
姑娘：你知唔知你一定要聽醫生話醫生要你4點回來你就要4點回來ga 如果你唔接呢個電話我地會即刻報警ga (有冇咁誇張我先唔信你唔識打電話搵我老公!)
姑娘：咁你而家係咩地方?
我：九龍灣
姑娘：咁你要係半小時內返來坐的士半小時一定到啦

就係咁本來想去添好運食點心
結果要媽咪和青青自己去食再take away比我…

回到醫院我前面側面和斜對面的床位都沒有人
我間M房靜得不得了
姑娘進來跟我說有人逃跑了
然後馬上找醫生睇我
出一出街果然有動靜呢
醫生摸一摸肚子跟我說

醫生：咦! BB個頭落左喎！
我：咁我係咪生得啦?
醫生：你既子宮頸未變薄想生都生唔到ga
我：但係我BB個頭落唔到子宮頸口位置咁我都好難會見紅喎
醫生：要睇定D情況先 如果明天頭仔都係呢個位置會考慮催生

我忽然好期待好想小芊芊快點出來

原來姑娘說逃走的那位媽媽
就是斜對面床胎位不正的媽媽
我們見完醫生一起聊天
原來她才26歲但這胎經已是第2胎
她上1 胎是女這1胎也是女
但情況是個很有趣的極端：
第1胎囡囡 她胖了很多皮膚變差但其他一切正常BB順產出生
第2胎囡囡 沒有變胖皮膚也好了但這次驗到有妊娠糖尿+BB胎位不正
還有1胎是肚圓 1胎是肚尖

我一直被人說我肚裡的BB是男的
算出來好看肚子尖的又好
最後醫生還是斬釘截鐵的說是BB女
誰說生仔生女睇得出?

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

廣華醫院7天催生記 DAY 6

38 Weeks 4 Days ♥

2012年10月10日星期三

早上見主診醫生召了我去照u/s
跟我說胎位跟昨天一樣
BB的位置應該穩定了 (2日冇移位就肯定穩定???)
問我想出院回家還是留院催生
然後高級醫生進來跟我建議還是即時催生比較好
最後顧問醫生走來肯定的叫我留院催生
因為擔心我羊水多這個問題 BB位置會因羊水移位
我當然想催生 胎位不正BB始終很難自然作動
就這樣醫生馬上就給我放藥入子宮
所以今晚就只有等待
希望明天催生成功啦

我既最後一幅大肚照哈哈~~~

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

廣華醫院7天催生記 DAY 7

38 Weeks 5 Days ♥

2012年10月11日星期四

主診醫生給我check子宮
可惜子宮口未軟未變薄
要落第二次藥再多等1天很失望呢
又很擔心落第2次藥仍沒有反應
因為落藥不能落太多次說最多只可落2-3次
如果字宮頸仍未變薄的話就要開刀生B

下午來了一位很年輕的準媽媽
就在我對面床她好像是因為有蛋白尿而進的
跟我同樣要落藥催生
但是人家落第1次藥晚上已有反應了
見她M痛好像越來越厲害臉色都變蒼白…
我呢??? 痛都沒痛一下喔…
很擔心很擔心很擔心…

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

廣華醫院7天催生記 DAY 8

38 Weeks 6 Days ♥

2012年10月12日星期五

一早主診醫生就來check子宮
她說我的子宮頸〝軟晒〞可以推入產房
(推入產房??? 咁快??? 突然間一d心理備都冇…)
護士站馬上已開咪叫〝M6準備入產房〞
兩位阿姐很快就走來叫我收拾好所有物品
電話都未來得切打我就被推離我睡了7天的M6床…
同房的幾位準媽媽在我被推出去的一刻
都叫我加油祝福我一切順利…

離開AN房往產房走去時
我問姑娘：唔知今日可唔可以生到BB出來呢?
姑娘很快答我：你點樣都係今晚之前一定生到架喇 唔洗咁擔心!
好緊張呀我今晚就可以見到小芊芊啦~~~

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

廣華醫院7天催生記

♥♥♥ THE END ♥♥♥

廣華醫院3天產女記 DAY 8-10

♥♥♥ TO BE CONTINUE ♥♥♥