2015年1月18日 星期日 晴
小芊芊 ♥ 27Months 5Days
清邁FUN Trip‧DAY 4
TIGER KINGDOM
3日2夜既奢華生活
今日要結束喇
下午我地就會離開山區
不過呢~ 今日仲有一個重點節目
我同daddy都好興奮好期待呢！
朝早收拾好行李就check out
食過早餐就在lobby family selfie 下
book左包車我地去下一站
玩完再車我地返出巿區
一早起來 走出露台看日出
山區resort真係好舒服
住左兩晚叉足晒電
還好當初堅持要住山區
與以往的旅行完全有不一樣的體驗
如果有更多假期
我會選擇多住一晚
那就可以享受更多的resort設施
resort的服務好好
美中不足是天氣不夠熱
小朋友未能玩水玩個夠
唯有期待下一次啦~~~
所以我地自己影喇~~~
他的產品返出巿區都找不到了…
這台就是我們今天的包車 很大很舒適
我們來住resort的時候 也是這台車子接我們的
湄林山區除了有著名的梅沙大象營
按地圖看其實還有很多好玩的戶外活動
都很近我們住的resort
其中一個地方我們即將出發
昨天帶小芊芊騎大象
今日帶小芊芊摸老虎
GO~~GO~~GO~~~
TIGER KINGDOM
Tiger Kingdom離resort半小時車程
離巿區也是半小時車程
我們是非常順路的
resort最初說會車我們去Tiger Kingdom
之後出巿區就建議我們坐雙條車
因為一路上要放行李在車子的關係
我們想坐同一台車先玩老虎園再出巿區
於是他們幫忙問了包車司機
最後4000BHT / 4hours
在山區有resort幫我們找車子感覺安心很多
其實resort給我們找的包車
就是resort本身的車子
到了Tiger Kingdom
先看看內裡環境
一進去就看到被鐵絲圍欄欄著的大老虎營
看到有幾位外國女子又企又訓的與大老虎拍照
在這裡只見到大老虎
其他size的老虎營在離開遊客出入口較遠的園區內
包車司機著我們一下車
就把6張buffet lunch餐卷交給我們
可以在這裡解決我們的午餐
小芊芊一早知道今天會見到老虎
心情都很興奮的 仲話要摸老虎和老虎合照
來到這個老虎王國當然要比錢錢啦
價格有分大老虎 中老虎 小老虎 和 老虎BB
每種size獨立價錢 不同的combination價錢照計
沒有額外discount的
我們想和小芊芊一起影
大老虎和老虎BB
staff聽到後瞪大對眼對我們說NO NO NO…
原來2歲小朋友只可以跟老虎BB合照
我們這對父母是否太勇呢！？！XD
我手上的是我和hubby的大老虎票
至於朋友們一家
因為他們女兒害怕老虎在大哭
爸爸朋友無奈地只好入餐廳邊吃邊等我們啦
這樣當和小芊芊影完老虎BB後
我們就請朋友幫忙照顧小芊芊一會兒
我們可以安心去和大老虎怕照啦！
我們先去與老虎BB玩
等叫號碼 就按批次跟staff進入被封鎖的老虎營
進入後就按園內的指示牌去我們選擇的區域
登記後就排隊等候 等了10分鐘左右
進入前先要洗手及換上拖鞋
每組由一位帶領員帶領及指導
我們有15分鐘的拍照時間
老虎BB很可愛很可愛
根本就係乖乖貓咪仔一隻
小芊芊見到老虎BB很開心呢！
好幾次想自己走去摸老虎都被帶領員阻止 哈哈~
起初我們要和老虎BB混熟
先由老虎BB的後半部開始
我們都要坐到老虎BB的pat pat位置 才摸牠的背部
小芊芊更要由我們攬住先有得摸
之後可以摸肚仔 餵奶奶 摸手仔
小芊芊一見到支奶樽就好開心話要餵老虎
餵完就係場內面跟住老虎BB走
見到老虎BB坐定定就自己走去摸佢
摸左一下就一支葥標去我度攬住我話驚
見到佢咁開心我同daddy都好開心
不停咁同佢影相
由佢見到呢支野開始
隔一陣就問我幾時可以餵老虎
嚇得帶領員叫我地捉佢返來 哈哈~~~
不過要影相時又會乖乖咁伏係度比你任影
最後帶領員教我地同老虎BB一齊訓覺
呢個moment真係個個都好hyper
其實唔來這裡又邊會有機會同老虎咁近距離接觸呢~
所以我地都影相影到冇停手
小芊芊仲訓完起身隔一陣又走埋去訓
仲要摸住老虎BB隻手訓呢！
佢真係一啲都唔驚
問我可唔可以攬住老虎虎隻手訓 :)
問我可唔可以攬住老虎虎隻手訓 :)
仲同老虎bb一樣咁專業
兩個都咁可愛 XDDD
兩個都咁可愛 XDDD
影完老虎BB
就先把小芊芊交給朋友照顧
事前已跟她說好daddy mami會去同大老虎影相
〝因為你唔入得所以要跟住姨姨叔叔先
daddy mami好快就返黎架喇〞
當時小芊芊仲話〝知道〞
點知…
大老虎營區係open to public的
餐廳對正這個園區
所以朋友和小芊芊都可以看到我們和大老虎一起
當入到大老虎營沒多久就聽到bb哭聲
然後聽到朋友大叫我們
抬頭一看原來小芊芊在大哭
我們還很奇怪為什麼小芊芊見到我地都仲大哭…
我們一邊拍照就一邊聽到她的哭聲
心情都由興奮變得很想快點離開…
大老虎們都沒有老虎BB那麼有活力
牠們都是伏係度任我地影 冇走來走去的
還好都做左好多唔同既表情比我地睇 XD
匆匆影過就出返去接寶貝女喇 XD
是有點點掃興啦 不過還是寶貝女緊要
我們總算近距離見過摸過影過嘛^^
在餐廳吃點東西就離開老虎園了
下山向下一家酒店出發咯~
係清邁見得最多就係雙條
〝媽咪 幾時可以搭雙條車啊？〞
後記：
對於小芊芊大哭一事
老公估計是因為跟姨姨叔叔語言不通
但我們都覺得應該不會因為咁而哭
於是下午到酒店時和寶貝女聊天
就隨便問她為何在老虎園大哭
千千媽：你當時都見到daddy mami啊？
小芊芊：驚…驚大老虎…大老虎好危險~
千千媽：唔洗驚啦~ 大老虎困住左 小芊芊唔會有危險架~
小芊芊：見到daddy mami同大老虎一齊…驚…
然後又一副想哭的樣子
我聽到這一句的時候
著實無限的感動呢！
心情真的很激動……
馬上就要攬實我的小寶貝
可知我連問佢的時候
都沒預過她會懂得回答我啊
但她回答我的竟然是這麼的老練…
我聽到的當時是很震驚的！
她除了真正理解得到危險是什麼
還把擔心這個行為都表現了出來
是我將小朋友諗得太天真
還是我的小女兒太老練…
我真的搞不清楚…
清邁FUN Trip‧DAY 4
~ TO BE CONTINUE ~
REVIEW：
