♥ 千千媽與小芊芊 ♥: 小芊芊 ♥ 28Months成長印記

小芊芊 ♥ 28Months

2015年2月12日 - 2015年3月11日

Week122 - Week126

861 - 887days

最愛小芊芊一笑時出現的月亮眼
總覺得有月亮眼的人都是性格開朗的^^

Height：87cm

Weight：11kg (24lbs)

Foot length：14.5cm

No. of teeth：16

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

飲食方面
奶 - ILLUMA 3 早晚各1餐每餐5安
正餐 - 都係咁食得晒但食飯要食1小時或以上
食粉粉面面就肯自己食下通常半小時食晒

而家比小芊芊食既野放寬左好多
可能糖同朱古力都未比佢食過既關係
佢都唔扭食有時見我食朱古力
佢會好可愛咁講
〝朱古力媽媽食芊芊唔食得架！〞
我有時食零食比佢見到
我話佢大個先食得佢就走開架喇
見佢咁乖佢鐘意果D栗子花生腰果餅餅蛋卷芝士
我都比佢食多啲

而家好鐘意飲柯華田
試過成杯飲晒剩返一啖比我-_-"

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

VVPOOPOO
VV好叻計上個月自己識叫去potty VV後
而家係1日1塊片 仲要係塊片冇濕片果隻
看來佢VV都control得好好
不過佢未肯去toilet 仲係驚驚
所以出街冇辦法都係要係片片度去VV
但係呢呢位小妹妹似足佢媽咪
我出由細到大出街唔肯去public toilet
所以忍功好了得…

小芊芊而家堅持唔係片片VV
有片片都唔去VV toilet又唔夠膽去
BBQ果日佢真係由下午2點同我忍到夜晚10點
返到屋企即刻衝去potty叫VV
條片丁點濕氣都冇！！！
我都不得不佩服我個女喔！

POOPOO都係咁差囉
唔係日日有得去囉
唔食水果飲水又唔夠多
又係似媽咪囉…我記得我細個都係咁
佢試過因為POOPOO太大舊
佢去POOPOO時痛所以之後唔敢去
我都唔敢逼佢所以唔係太耐冇POO的話
我只會提佢要去但就唔會管佢
咁樣反而急既時候佢就會POO

呢個小妹妹去vv都古露精怪人細鬼大
佢話〝去potty要蹺腳坐架！〞

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

能力與發展
講野實在太叻最令我意想不到
好多野平日係我地身上吸收晒
得閒無啦啦就將學到既野做晒 / 講晒出黎
我承認我呢個媽媽都有D其身不正架喇
但有時又無可避免嘿嘿…

講野語調學足大人
理解能力超乎大人想像
對答更是有文有路完全充滿邏輯
身邊各人見到佢既行為都紛紛和我說
〝你個女把咀太得喇〝
我諗我從此個腦唔可以有一刻遲緩
而家開始要practice下點樣同佢鬥智鬥力
仲要徹底地決心練好EQ
如果唔係我條命唔知可以last幾耐
XDDDD

而家要自己刷左先肯比我地刷
一邊刷一邊唱向上刷向下刷不可放入胡亂刷…
雖然都係胡亂刷不過而家真係識將牙刷刷去D牙度既~

畫橫線比畫直線及斜線好

小芊芊畫既攣攣三角形 XDDD

手指仔好有力喇
大D既髮夾仔都按得開
仲夾到去個袋袋度封口

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

小芊芊實在有太多語錄
不能盡錄呢~~~
有古惑野有激氣野
咁當然又會有得意野
同埋SWEET SWEET野啦
自己個女心肝寶貝喎
點曳都係咁錫架啦 ^v^

孭起個水桶然後同我講
〝媽咪睇下我幾屬利！〞

有時好淘氣叫佢唔好做佢特登做比你睇
我同佢講〝你係女仔黎架！要斯文啲好喎！〞

跟住佢就話
〝我唔要斯文~我要打開腳…〞-_-"

有日佢同我講〝媽咪我想要藍色指甲油
我可唔可以搽藍色指甲油架？〞
見新年就到小寶貝有咁既要求
我當然想完成佢既小小心願啦！

難得有時間敷下mask
daddy幫我鋪塊mask係面度
小芊芊一邊睇一邊問咩野黎有咩用…
放好塊mask之後小芊芊望住我講
〝哇~你好型喎！〞 XDDD

小朋友創意無限
小芊芊揀左隻杯去玩泡泡浴
呢晚做左雪糕妹不停畢雪糕比我同daddy食
〝媽咪你睇下~ 我整左杯雪糕呀~ 比你食架！〞
仲大叫在toilet外的daddy〝daddy, 我請你食雪糕吖！〞

見ladybug甩左隻腳小芊芊走去呵呵ladybug
然後同我講〝媽咪, 我地返屋企要幫ladybug痴返隻腳~〞
除此之外佢係屋企會餵ladybug飲水食飯
仲好好心機咁要daddy同佢一齊幫ladybug枺鞋呢！

有時候daddy會教佢做埋d古靈精怪既表情 / 動作
哈哈~~~小芊芊見到我笑得開心佢會好樂意做多幾下氹下媽咪^^

唔係次次肯用牙膏刷牙
但有時小芊芊失驚無神話要用牙膏刷牙的
呢個階段我唔會逼佢用
佢話要用先會拎出黎用

有次同小芊芊玩玩下佢bu口水
叫住佢唔好佢都仲要bu
daddy拎起隻手問佢〝你係咪想掌咀仔〞
小芊芊即刻拎隻手仔出黎回應 〝yeah啦！〞
跟住一野拍落daddy隻手度 〝YEAH！〞
我在旁忍住笑但daddy有笑之餘仲係拎起隻手冇比反應
小芊芊隨之話〝我地十指緊扣吖~~~〞
跟住就同daddy隻手十指緊扣
daddy果下真係投降甜笑了