JNU Happy Gathering 2015

2015年3月8日   星期日   陰天

小芊芊 ♥ 28Months 25Days

JNU BBQ Gathering @ 大棠郊野公園

一年一度既 JNU BBQ

今日遇返好天氣

大家又重返大棠郊野公園團聚喇

朝早小芊芊肚仔痛要睇醫生

所有事情由非主搞手負責安排

我唔係搞手 my hubby先係

所以我只負責帶個女去活動場地

同埋負責食食食 :D

出發啦~GO~GO~GO~~~

去到爐剛剛透好

可以拎住支叉叉拮野食燒喇

小芊芊一見到個火就話要食腸

剛剛先腸胃炎好返

朝早又屙爛爛又肚仔痛

煮左pang白粥 帶左支寶礦力溝水

加多包栗子同一盒仔手指餅

食d野咁清見到有腸又點會唔叫食

於是燒左兩條腸比佢送粥食

之後燒左d面包比佢食下

小妹妹胃口不錯 食得好開心

雖然肚仔間唔中仲痛下

但次數少左好多

困左係屋企成個星期

比佢去郊外抖下氣

總好過繼續困係屋企悶吧！

次次黎大棠 都冇行過呢條徑

呢度有好多爐 我地下午先到都唔會冇位BBQ

不過想要好位置 都係要早黎先有既

我地落腳果個位 算唔算係個好位呢 ?

其實我一去到就問朋友〝做乜揀個位咁開『陽』呢 ?〞

雖說今日陰天 但其實舊雲行一行開

個太陽都幾有力架…

於是朋友們爭相答我

〝XX話呢個位有樹遮陰喎！〞

相中所見 就是那棵所謂可以用來遮陰既樹囉-_-"""

開餐！

呢個BBQ場好好風景架 望到成個元朗大平原

今日天好清 遠處都望好清楚

腸腸丸丸同雞翼

係小芊芊知道BBQ一定燒既食物

深藍姊妹花 XDDD

我地要擔住遮BBQ~~~

3月係香港最多花開既月份

尤其大帽山大帶的宮粉洋蒂甲

成棵樹都係粉紅色

去郊野公園一路上都係呢d樹

開到好似櫻花咁

所以每到春天我好鐘意去大棠

小芊芊出世果年我地發現左呢個地方

之後每年都來一次

BBQ我不愛去人工燒烤場

去呢度最好 又靚又舒服

小芊芊四圍騰 圍住個爐位走黎走去

BBQ場有少少休閒設施

呢隻係其中一隻草蜢仔

呢個男人係咪好慈父呢 XDDD

另一邊開滿一排宮粉花呢！

呢度影相都好靚~~~

我都來一幅單人照先~~~

有粉色有白色 仲有間小屋 (public toilet來的--")

這幅背景很不錯吧！:)

小芊芊一向不怕陌生人

但唔識既人抱佢佢當然會say no啦

現在只要知道係daddy mami都識既人

如果你逗佢玩5-10分鐘

佢就會肯比你抱肯同你玩

我地呢班common friend好幾個係行山鐵腳

所以大部分小芊芊都認得

陪佢同d姨姨姐姐玩左一陣

我已經可以好舒服咁hea住等食 XDDD

個個爭住抱佢影大合照

小芊芊都好樂意被影 :)

集下郵先！

來一幅全女班~~~

A姨姨抱住影大合照一幅~

K姐姐抱住影大合照又一幅~

M姐姐抱住再影大合照一幅 XDDD

本來係B一個下午

點知B下B下B天都入黑但仲未有人想走

一入黑又冇街燈四周黑媽媽

加上明天星期一d人唔會燒到咁夜

所以成個BBQ場我地玩晒

D行山腳個個拎住支專業電筒

唔會黑蚊蚊乜都睇唔到

見個火越夜越美麗

於是把所有食的都B晒清晒落肚

離開時經已晚上9點啦

入黑了

四圍黑媽媽 只有馬路有街燈

好彩我地好幾位有帶光過街燈既電筒

咁我地就可以望得清清楚楚咁繼續BB蕉喇~

燒茄子永遠係我地JNU人BBQ既重點！

個個望到 食到飽飽果個見到都會流口水~~~

燒茄子7人組 XDDD

超好味的~要搶食咯~~~~

個火越燒越靚 最後拎晒所有食物出黎

一網過炭燒燒清光 XDDD

呢度既夜景真係好靚架 ^0^

☁☁☁  THE END  ☁☁☁