今日朝早請半天假去廣華照結構
在廣華可以被安排到後期照結構 都不知是不是1件好事
以這家什麼都回覆額滿未能安排的政府醫院
不是被他們認為緊張 / 嚴重的地步
應該都不會為我做點事情…
有小芊芊的初期 在梁醫生那裡照到兩個肌瘤
於是第1次廣華產檢時就跟醫生說了
因為這個record 所以當時醫生說待我臨生之前會安排做1次u/s
這次不是去4樓的婦產科門診
今次去北翼10樓 等得算快 (因為人不多) 20mins左右就入去見醫生
不過 這裡的1切給我帶來了不安…
醫生在我肚皮上左照右照
我訓床的位置和老公坐的位置都看不到mon的
醫生說她做好她要做的事就會給我們看小芊芊
最後醫生把大牛龜 (mon) 移向我們向方 指了指黑白2d的畫面
講給我們知哪裡是頭哪裡是腳 (不過看了=沒有看 因為我們什麼都看不清楚…)
這次u/s 發現了幾個情況
1. 小芊芊的頭仔向下 已lock實
- 我：但係我近來總覺得小芊芊的頭仔好像有點移位喔…
- 醫生：(沒給我解釋) 我而家睇到就是向下 位置正常
2. 小芊芊的頭圍比正常細 但身體其他部份size正常
頭仔是肚中小寶貝最重要的身體器官
代表了整個body的生長和發育情況
頭圍細有可能是小寶貝腦部發展有問題的
聽到當然10分緊張 想都沒有想就有1大堆問題要問醫生
- 我：比正常細幾多週? 現在頭圍是多少?
- 醫生：我要check一check先話到你知 (咁唔pro???…………)
- 我：點解頭圍會細? 係咪我本身身體欠缺什麼提供唔到比bb?
- 醫生：要check下先知 (咁都要check下先知???)
- 我們：(…………)
3. 小芊芊偏輕 2.5kg
- 醫生：而且bb過輕 而家先得2.5kg
(而家36週 5.5lbs都係輕左少少姐 講到過輕咁嚴重
仲有4週 以我既食量 bb要增多1 lbs唔難卦!)
但跟住咩都冇提 連叫我食返多d野既忠告都冇…
4. 胎水多
- 我：上次見私家醫生時已這樣說
- 醫生：醫生點講? 你見邊個醫生? 叫咩名? (其實都唔知佢問醫生名黎做乜…)
- 我：醫生話羊水多左少少 但冇話有大影響 只係建議我做test
- 醫生：咩test? 抽血定飲糖水?
- 我：飲糖水 但報告話正常
- 醫生：今日有冇帶報告黎? (冇) 下次帶份copy比我地keep record (上次帶左 醫生又話唔洗keep…)
- 我：其實點解會有呢個情況? 同飲食有冇關? 有咩可以改善?
- 醫生：主要都係可能你有糖尿但係自己唔知
- 我：但係報告出左黎話冇野喎 (同埋上次都比佢抽左血驗血糖啦 之後都冇話過我有問題…)
- 醫生：所以我地對你都有d擔心 要同你約期去專科覆診
- 老公：咁胎水多對bb有咩影響?
- 醫生：都係生既時候會多d胎水流出黎咁… (佢到底知唔知自己up乜…………)
最後醫生取消了後天給我預約好的門診覆診
改了37週去妊娠專科見醫生
(姑娘係度問醫生high唔high risk呀
醫生話high risk la…
結果我張新約既覆診紙地點就係呢度10樓既
High Risk Pregency Clinic…)
醫生除了改了我的產檢預約
還要我留低上病房聽小芊芊心跳
等了幾個字 有位阿姐帶我上11樓的日間病房
放了兩舊心跳儀器係我肚皮處
還給我手掣 叫我feel到小芊芊每動的時候按1下
小芊芊今早明明就1直沒停的郁動
但1來到聽心跳 竟然什麼動靜都沒有
聽了10分鐘 姑娘見我沒按掣
將我的肚大力的左右搖了幾下 *o* (虐待喎佢…)
還好 最後報告小芊芊的心跳正常
給我出院紙 沒收我們的150元 還蝕了1餐飯給醫院 :p
這樣1搞 又1個上晝 回到公司又遲到……
ooo...我小芊芊的情況到底係點ga? 我真係咩都唔知…
最O咀的 是醫生照完u/s後回覆我小芊芊頭圍的問題
- 醫生：剛才睇書check左 而家bb既頭圍係32週既大小
(我和老公不禁對望 下??? 唔係下話…要睇書先知???)
醫生問我們還有什麼問題 我見老公經已連問的意慾都沒有
我當然知道問來也是浪費口水 (唉…)
離開醫院後 馬上book了星期三見梁醫生
在我入院聽小芊芊心跳的時候
老公在病房外邊已在找關於bb頭圍的資料來看
老公叫我不要想太多 不要太擔心
因為老公bb時的頭圍都是比正常細的
我也看了一些資料 bb的頭圍大小
也跟父母的頭圍大小有直接關係
而且小芊芊咁活潑 時時刻刻都在我肚子裡郁個不停
應該是健健康康的bb啊~~~
小芊芊 千千媽懷著你9個月 快足月架喇
千媽千爸只希望你會平平安安地出世 健健康康地成長
我地就好開心好滿足架喇~~~
我的孕事記 ♥ 產前檢查篇
33 Weeks 3 Days ♥ 廣華醫院第5次產檢
33 Weeks 3 Days ♥ 廣華醫院第5次產檢
30 Weeks 3 Days ♥ 廣華醫院第4次產檢 + 抽血驗血糖
28 Weeks 7 Day ♥ OGGT結果正常 + 我的第2份準媽媽禮物
28 Weeks 5 Days ♥ 第1次血糖測試
27 Weeks 4 Days ♥ 羊水偏多與糖尿
26 Weeks 3 Days ♥ 廣華醫院第3次產檢
28 Weeks 7 Day ♥ OGGT結果正常 + 我的第2份準媽媽禮物
28 Weeks 5 Days ♥ 第1次血糖測試
27 Weeks 4 Days ♥ 羊水偏多與糖尿
26 Weeks 3 Days ♥ 廣華醫院第3次產檢
我的孕事記 ♥ 小寶寶成長篇
我的孕事記 ♥ 準爸媽期待篇
27 Weeks 1 Day ♥ 廣華醫院產前運動班尖肚子圓肚子 真的有性別之分嗎?
28 Weeks 7 Days ♥ OGGT結果正常 + 我的第2份準媽媽禮物
小芊芊食邊隻奶粉好呢?
30 Weeks 1 Day ♥ 廣華分娩講座 & 小芊芊的第2份大禮
31 Weeks 1 Day ♥ 準爸爸媽媽產前工作坊1
34 Weeks 1 Day ♥ 準爸爸媽媽產前工作坊4
34 Weeks 5 Days ♥ 靚芊芊 vs 型芊芊
沒有留言:
張貼留言