小芊芊誕生記 @ 廣華醫院
38 Weeks 6 Days ♥
2012年10月12日 星期五
推入產房後
一進入產房
第1感覺是 好像進入了另一個世界
房間6個床位 其中我對面及左邊的準媽媽叫得最淒厲
我在床上呆了一呆 助產士看到我的樣子
跟我說：呢度跟產前房唔一樣架 氣氛係會緊張少少…
然後再說：如果在產房催生後都冇反應 我地會帶返你去產前房
(下??? 入到產房催生都會催生失敗??? 又話我今日一定生到???)
安排好床位後 第1件事要做的
是先問姑娘借電話 打給老公和媽咪
產房的探病時間是下午1點到2點
而且只可以1位親友探病
電話打過後 就等醫生給我做催生準備
期間對面床的媽媽叫得聲斯力歇
幾位姑娘同時走來安慰她
(佢叫得咁淒涼 我都仲對陣痛未有咩感覺…
只係知會好痛 但完全想像唔到會係點痛法…)
而左邊床的媽媽在對面被推進產房後又開始越叫越大聲
她不停說：好痛…好想痾…
姑娘：等你唔痛既時候都想痾先生得架
隔了不夠5分鐘 就聽到她大叫：唔痛都想痾啦!
即刻被人推了進生產房…
第1步──穿羊水
主診醫生和高級醫生都來了
還帶來了一堆工具 先幫我穿羊水 在床鋪好了床墊
我見到他們拿著一支未拆包裝的超級長較剪準備拆封
我：醫生 呢支野唔係會放入我度吧??? 咁長既??? 好恐怖…
醫生：係呀 要幫你穿羊水嘛 唔洗驚 係會有少少唔舒服
行到這地步 驚都要頂硬上…
兩位醫生隨即行動 把長較剪伸進我的子宮頸位置
很快我就feel到一股暖流很洶湧地湧出來
主診醫生跟我說：你d羊水真係好多下喎! (……)
第二步──移正胎位
跟著 就是要把小芊芊的頭仔移去正確位置
很簡單的說 是兩位醫生合力把bb的頭推去子宮頸口位置
(都幾大力 我feel到醫生很用力推)
第三步──插入天線接駁BB心跳
然後我又見到醫生拿來了一條很長的棒子
我又問醫生：呢支又係咩黎架? 用黎做咩架?
醫生：天線黎既 用黎勾住bb頭部位置 聽bb心跳
我：要插入去架? 會唔會整親bb架?
(明知係唔會整親既 但真係幾得人驚 支野真係好長 仲要勾住BB個頭喎…)
醫生：我地會慢慢放入去 唔會傷到bb 唔會痛的
放入去之後
醫生又說：而家勾住左bb個頭 聽到bb心跳喇 條天線就這樣由心跳機經我的下面駁到去bb頭頂
醫生：你好叻喎 都好忍得痛 一直望住都冇出過聲
(其實 痛都唔敢嗌啦 插歪左咪大獲…
不過 真係得少少唔舒服 醫生手勢好好 唔覺痛)
最後1步──吊催生針 等陣痛等生
醫生再幫我吊催生針
所以我是完全不可以下床
看一看鐘 才早上10:30 未有什麼反應
我平躺了一會 姑娘已把我的床頭較起要我坐著
右邊床的媽媽 一直叫痛 痛到典來典去
幾度要求醫生姑娘給她打止痛針 都不得要領
左邊床媽媽被推去痾bb後 來了一位穿了羊水的媽媽
由於她早已預約了開刀生b 但現在早了三天就穿羊水
因為手術房生產每天有限人數 所以她未能立即開刀
只知道她堅持要開刀 最後是如何就不知道了
12:00左右 開始feel到痛 很有規律的痛
13:00 老公來的時候 經已痛得很辛苦
因為平躺舒服些 我要求姑娘給我平躺 但不得要領
姑娘：平躺bb心跳慢左 你就冇咁快可以生
姑娘：你唔落得地 坐係度最好 bb容易d出黎
其實當時我左腿坐到很痺 動彈不得
期間又聽到右邊床的媽媽的老公要求姑娘打止痛針
媽媽在投訴：笑氣又話冇左冇得聞 而家針又唔比我打…
姑娘：大家都知你好痛 但你子宮都未開夠度數
唔好成日係張床度 出去行下 玩下fit ball 行多d就生快d架喇
然後係咁叫d媽媽出去行
(我心諗：好彩我唔落得地 咁鬼痛仲叫我落地行 自己去toilet
真係攞命…)
14:00 老公要走 真係好唔想佢走
之後來越來越痛 要開始跟陣痛呼吸
還好我捉得到陣痛頻率 運用呼吸都頂得順 (不過真係好痛!!!)
14:30 主診醫生走來看我情況 check了度數 只開了2度…
我：而家咁痛先2度 幾時10度呀?
醫生：要問下bb先知喇 我答唔到你呀 你唔行得坐多d啦 好快可以生架喇…
咁我唯有坐啦 隻腳幾痺都好 那刻我只想快d生!!!)
雖然不停看鐘 但又不會覺得時間過得好慢
可能因為我不停好專心地捕捉陣痛
大力輕力呼吸 都要運用腦力
有時候用錯呼吸 到最痛的時候真的痛得不得了
有好想好想痾的感覺
錯過了最痛時的大力呼氣 會變相用錯力去痾
bb未夠時間出來 好幾次被我弄得不能抖氣
生得喇生得喇！
好快過了兩個小時
16:30 姑娘給我check子宮
(我仲以為要等醫生巡房先有得check 見姑娘主動同我check 希望來了啦~~~)
姑娘：得喇喎!
我：得?!? (好突然好興奮~~~) 咁我係咪生得喇?
姑娘：老公係唔係附近呀? 你call左佢黎未架?
(我都冇電話 點call佢黎? 不過我那刻都痛到唔記得自己老公係邊
其實老公係係附近 佢lunch黎見我時話佢會係出面等到我生為止…)
我好鬼痛 經已什麼都不想理會 只想快點生!!!
生產房有位了 我可以推入去
姑娘：你等唔等你老公呀? 不過佢只可以入生產房見你一陣
因為你羊水多 兒科醫生要監場 所以你老公冇得陪產
(…又唔D早講 不過去到果個moment
真係老公陪唔陪產都冇所謂 最緊要快d比我入去生)
我：唔陪得呀?!? 咁唔等啦 我想快d生
於是姑娘馬上推我入生產房 推我入去那一刻
我不忘說：但你記得都要打電話比我老公喎！
小芊芊的誕生經過
入到生產房 先要過床
隔左一陣仲未見醫生 以為未生得
我：姑娘 醫生幾時黎?
姑娘 (其實係助產仕)：我地係助產仕
唔係醫生接生架 係由我地接生
產房裡面既姑娘全部都係助產仕
(係呢一刻 我先怳然大悟 原來接生係由助產仕接生-_-"
我一直以為助產仕係負責協助醫生接生 好低B 哈哈哈哈!!!)
過床後 就沒有人理我 我見姑娘掛住寫文件(好似)…
幾個字後老公來了 在兒科醫生未來前 他都可以在場
擺好準備生仔的姿勢 就是不停等陣痛頂尖的一刻
每到陣痛頂尖 我才可以出盡全力 (但我卻想不停用力)
每過了頂尖 他們立即叫停我不要用力
搞到我覺得我D陣痛黎得好慢…
很快老公要走了 他只可以在外邊等我
姑娘：見到BB頭髮喇 做得好好 加油！
(聽到見到BB頭髮 即刻好想出盡力痾！)
所以一到陣痛來臨 助產仕叫我用力 我就不遺餘力的痾
10分鐘後 小芊芊的頭終於出來
我想放鬆的時候 他們再叫我用力
小芊芊的身仔都出來了
見到姑娘抱起一隻有頭毛的小人仔
我的第1感覺是：終於生左啦~~~
看看鐘 很快！(比我預期中快很多很多！)
我前後只用了15分鐘就誕生了小芊芊
陣痛後的另1種痛
看了一眼小芊芊 錫過她頭仔一啖
寶貝就被人拿去給兒科醫生做檢查
而我就要接受第二層皮肉之苦──縫針！
人家說生完後已對縫針沒有感覺
點解我唔係呢? 她每縫一針 我都好有感覺
仲覺得慘過生BB的時候…
我沒有被剪會陰 不過曾經一度痾得太用力
有少少位斯裂 傷口有點歪
我：我冇剪會陰 咁縫針係咪會縫少D?
姑娘：唔係咁計架 個個都要縫3浸
我：咁3浸即係要縫幾多針呀?
姑娘：冇得計咕喎… (原來唔係冇剪會陰就會縫少D針ga…)
我：咁幾耐先拆得線呀?
姑娘：呢隻線唔洗拆既 d線會自然溶係縫合口度
我：咁幾耐d線先溶晒呢?
姑娘：一至兩個星期左右啦 因人而異咕喎
這1part進行了不知多久(應該半小時以內)
姑娘很好 一邊幫我縫針 一邊和我聊天引開我的注意力
很風趣的主診醫生
縫針期間我的主診醫生進來看我情況
醫生：哇！你有冇咁快呀? 生得咁鬼快既
我仲諗住做完手術過黎睇下你搞成點 同你打氣
點知咁鬼快就搞掂左…好！等我過去睇下bb點先
隔了一會 醫生回來跟我說
醫生：bb好健康呀 不過我已經鬧左佢
佢係你個肚度咁唔乖 我鬧佢做乜係媽咪個肚度咁唔乖
又唔移岩個位 又搞到媽咪羊水多…
大個左呀 要健健康康 錫多d媽咪呀~~~
(估唔到小芊芊一出世就比人鬧
仲要第1個鬧佢既人唔係爸爸媽媽 而係一位醫生 哈哈!)
等完生仔等床位
因為產後房未安排到床位
我唯有在生產房休息 直到有床位為止
等了20分鐘左右
產後房的姑娘就把我推去產後房
老公一直在產房等我出來
我出來的時候 小芊芊就在我身旁
姑娘很好人 讓老公跟我和小芊芊拍第1幅最貼心的合照
我和小芊芊從產房出來的珍貴一刻
住了南翼產前房7天
其在有點不捨得這裡的醫生和姑娘
還以為生完有機會返回南翼
姑娘跟我說要去東翼的時候
我：可不可以返南翼住呢?
(雖說南翼是產前房 但都有產後媽媽在南翼住)
姑娘：東翼好 東翼病房新d靚d架
東翼是比較新的 而順產又生產順利的媽媽一般都安排在東翼
我和小芊芊在東翼安頓好後
剛好是晚上的探訪時間
很多親戚朋友來看小芊芊
探訪時間到時 老公還跟我說很不捨得走呢~
38 Weeks 6 Days ♥ 小芊芊誕生記
♥♥♥ THE END ♥♥♥
我的孕事記 ♥ 小芊芊誕生篇
37 Weeks 6 Days - 38 Weeks 5 Days ♥ 廣華醫院7天催生記
我的孕事記 ♥ 產前檢查篇
37 Weeks 5 Days ♥ 廣華醫院妊娠專科覆診
36 Weeks 7 Days ♥ 豆釘小芊芊
36 Weeks 3 Days ♥ 廣華產前評估 + 半小時聽心跳
33 Weeks 3 Days ♥ 廣華醫院第5次產檢
37 Weeks 6 Days - 38 Weeks 5 Days ♥ 廣華醫院7天催生記
我的孕事記 ♥ 產前檢查篇
37 Weeks 5 Days ♥ 廣華醫院妊娠專科覆診
36 Weeks 7 Days ♥ 豆釘小芊芊
36 Weeks 3 Days ♥ 廣華產前評估 + 半小時聽心跳
33 Weeks 3 Days ♥ 廣華醫院第5次產檢
30 Weeks 3 Days ♥ 廣華醫院第4次產檢 + 抽血驗血糖
28 Weeks 7 Day ♥ OGGT結果正常 + 我的第2份準媽媽禮物
28 Weeks 5 Days ♥ 第1次血糖測試
27 Weeks 4 Days ♥ 羊水偏多與糖尿
26 Weeks 3 Days ♥ 廣華醫院第3次產檢
28 Weeks 7 Day ♥ OGGT結果正常 + 我的第2份準媽媽禮物
28 Weeks 5 Days ♥ 第1次血糖測試
27 Weeks 4 Days ♥ 羊水偏多與糖尿
26 Weeks 3 Days ♥ 廣華醫院第3次產檢
我的孕事記 ♥ 小寶寶成長篇
我的孕事記 ♥ 準爸媽期待篇
27 Weeks 1 Day ♥ 廣華醫院產前運動班尖肚子圓肚子 真的有性別之分嗎?
28 Weeks 7 Days ♥ OGGT結果正常 + 我的第2份準媽媽禮物
小芊芊食邊隻奶粉好呢?
30 Weeks 1 Day ♥ 廣華分娩講座 & 小芊芊的第2份大禮
31 Weeks 1 Day ♥ 準爸爸媽媽產前工作坊1
34 Weeks 1 Day ♥ 準爸爸媽媽產前工作坊4
34 Weeks 5 Days ♥ 靚芊芊 vs 型芊芊
