生日飯局 ♥ 旦王花

2015年3月15日 星期日 陰

我與hubby的生日飯局

旦王花 - 泰越鍾情

這天節目很豐富

朝早與奶奶出荃灣飲茶

中午上大帽山川龍拜年

下午約了曹姨姨庭叔叔去石崗睇木棉花

夜晚就由石崗行去錦上路食晚飯

是晚我們由石崗行去錦上路148號

旦王花 - 泰越鍾情

這是我姊妹與hubby兄弟

為我們而設的生日飯局

這家餐廳多年前已聽聞過

是一家很有名氣的泰式餐廳

很多有錢人家會專門駕車到這裡吃飯

我聽過這餐廳是因為早些年

話說Hubby在舊公司做時

同事們經常一起去食好野

那兩年hubby每次食完好野後

都話會再帶我去食

當然有些餐廳佢真係有帶我去

可能因為錦上路是一個不太方便的鄉郊地方吧

呢間霸王花佢真係講完就算

婚都結埋都冇帶我黎過

一入餐廳 小芊芊已好想係呢度玩

好錫小芊芊既曹姨姨

旦王花一家泰式露天餐廳

坐在裡面很舒服的

真的很有泰國feel

我本身嘛…除了海鮮和壽司拉面

泰國菜也是我的不二之選 :)

一聽到話去旦王花

即刻好開心 :D

小芊芊食晚都幾乖乖

起初食左隻烚蛋

食食下見到我地D食物上菜

佢就蛋都唔要要食泰國菜喇~~~

食左雞肉串 牛肉串 菠蘿炒飯 蝦蝦

仲有泰式簿飯點花生醬

佢都食左唔少野呢！

好岩小芊芊食既炒什菜 有佢至愛既蘿蔔同菇菇

菠蘿炒飯有好多蝦蝦

呢個豬牛雞泰式醬汁串好好味呢！

小芊芊最愛正方形果碟花生醬汁

我地同時叫左薄餅 小芊芊不停用〝包包〞點兜醬食 :D

來了個沙嗲牛尾

D牛尾啖啖肉 睇個煱好似好細 但好足料好full呀！

呢兜咖喱牛都係好好食

尤其d咖喱 點薄餅食到停唔到口

小妹妹都食飽飽喇 自動話要飲水水

哇哇！本小姐期待已久既至愛甜品呀~

兩個月前去清邁6日都食佢唔到…

等到今時今日先有得食吖！

好大陣仗…其實呢個係西米露黎架

估佢唔到上面加左堆刨冰

好有賣相~

你睇下幾吸引小芊芊~~~

渣住隻匙羮想畢又唔畢既古靈精怪樣 :D

其實佢玩下架咋 畢埋去佢口度都唔肯食呀…

我的好姊妹真係好抵錫

好知我心意呢~~~

其實呢餐生日飯早在過年時經已約我們了

今天實在係一個timing好夾既時候

荃灣→川龍→石崗→錦上路→回家

整個行程都極之順路呀 :D

不過由石崗行過去

足足行左我地9個字

由天光行到天黑呢 =)

♥♥♥ THE END ♥♥♥