小芊芊 ♥ 19 Months成長印記

小芊芊‧19Months
2014年5月12日-6月11日
Week 83 - Week 87
584days - 614days

Height : 78cm

Weight : 9.2kg (20.2lbs)
Foot length : 12.5cm
No. of teeth : 9 (1 more growing up)

出牙仔

上下4邊一次過同一時間出4隻大牙

上個月4邊牙肉仔突起準備出世

出足1個月 有3隻小臼齒出來了

仲有下排右邊未肯出來

發牙痕

出牙仔牙肉痕

小芊芊多數咬公仔咬枕頭咬被被

仲有...咬媽咪同爸爸.......

同佢玩玩下 佢會叫你攬住佢

呢個時候通常就會一個唔覺意咬你一啖

膊頭 手臂 手指 大脾 小腿 無一倖免!

仲試過咬我塊面 >_<"""

出左大牙既小朋友

要開始學習用牙刷刷牙仔咯

餐食

-   奶奶 : 早5安 晚5安

                想減至4安 but比婆婆同爸爸阻止

                (咁留返20個月戒囉!)

-   早餐 : 在婆婆家時 通常skip奶奶 煮雞蛋麥皮佢食

                我有時比佢食鈣思寶+粟米片

-   午餐 : 11am 3餸軟飯 / 通粉 (1星期3日)

-   茶點 : 時間冇定 訓左就唔洗食

                蕉蕉 面包 芝士 餅餅

-   晚餐 : 630pm 3餸軟飯 / 通粉 (1星期3日)

-   水果 : 蕉蕉每日 / 隔日吃 (1隻), 其他水果唔多肯食

-   零食 : 呢排比佢食紫菜 (少鹽的) 每次食兩小片

               最愛食芝芝 (芝士) 尤其美心的芝士糙米包

               仲有烚粟米 烚蛋都愛吃 

               係咁多 ~
-   外食 : 外出食飯, 只要她想吃的, 都給她試試
               出街會繼續帶飯仔 再大點才讓她全餐吃外食

-   飲品 : 水肯飲好多 (可能近來天氣熱出汗多)

               湯水都少飲 (兩邊都唔多滾湯…)

               湯水奶奶以外就鈣思寶 / 無甜豆漿

               跟我地出街食野時就飲酸酸水 (檸水)
-   只愛吃有口感 (有咬口) 的食物
-   最愛吃魚吃菜 芥蘭菜心波菜莧菜 喜愛吃厚切既莖部
-   lur魚骨好叻 又細又幼的都lur到出黎
-   正餐平均食1小時 快的話8個字
    有時候食得太慢 出街趕時間 會暫時放棄比佢自己食
-   自己食都唔係咁食得出樣 食10啖左右佢就覺悶
-   雖然食得慢 但會食清所煮的 份量為標準飯碗滿碗

小芊芊都愛吃雜糧

通粉 字母粉 意粉 河粉 烏冬 麥皮 胚芽

全部都愛吃

覺覺豬

-   上床 : 10pm > 1030pm-11pm入睡

               晚上依然最愛媽媽陪住訓 初時會不停講野

               同佢傾左一陣 我就話 "唔傾計喇 媽咪眼訓喇 一齊訓啦"

               佢就會靜靜地慢慢訓著

               同時連我都訓埋 (甚至早過佢訓著...)

-   起床 : (平日) 7am左右扭醒食奶 食完再訓 > 9am起身

               (假日) 同我地一齊訓到 8am左右醒

-   午睡 : (平日) 3pm-5pm   (假日) 不定

               媽咪湊 - 自己訓 不過冇婆婆湊咁勁可以一上床就訓著

               婆婆湊 - 自己自動自覺上床訓

               嫲嫲湊 - 嫲嫲抱到訓著

               試過叫嫲嫲比佢自己訓 但唔成功 可能習慣左......

媽咪話我細個訓覺個樣

係半開眼同埋打開口 (諗到都覺樣衰…)

我覺得小芊芊睡覺樣子好靚

有時趁佢訓到好lum時

想打開佢個口望下d牙仔

係一件好難既事 XD

weewee & poopoo

-   weewee : 未肯自己去weewee 叫親佢去potty / 換片都擰頭走佬

                    朝早訓醒, 婆婆會同佢除片擺佢係potty, 未賴片的話會shu到

                    放假我得閒就次次同佢除片去potty, 都shu到

-   poopoo : 今個月情況良好 次次都自己去到

                   不定時候不定日期 有時連住幾日有 有時隔日有

                   最長3日 總之見昨日冇就提佢去 多數佢都聽的

                   次次poopoo完都唔出聲

                   仲可以好奔放咁yap住塊屎片又坐又跳

                   我地發現臭臭要換片佢就走佬

媽咪一去toilet

佢又唔蝕底跟埋黎

我坐係個塔度佢就褲都唔除就坐係potty度

叫佢除褲仔坐

跟住佢就si si si咁自己發聲

si完見我未起身

佢就繼續坐係度搞搞震

 

認知能力 - 明白大人說話 + 反應快 

基本上我地同佢講乜佢都明

差在佢肯唔肯 / 識唔識做

- 同佢講訓醒教見到人要叫人講早晨

   講過1次 以後見到婆婆嫲嫲姨姨都主動叫佢地+早 / 晨

   但硬係唔會主動叫爸爸媽媽早晨 -_-"

- 有次我同公公對話 講佢唔夠高坐飯桌

   公公話墊張櫈仔係sofa比佢坐

   轉個頭就見佢擔左櫈仔上sofa試坐

   好amazing佢聽得明我地講野之餘仲反應超快!!!

- 而家一見到小朋友就會話我知 然後同佢地say hi

   我讚佢叻叻 佢就會好開心

-  餵佢食野時我地多數都會吹兩下 同佢講因為熱熱 

   而家自己食野時佢都會吹兩下先放入口 XD

保護自己 

最近我見過兩次

1.   行街街 有個男仔差DD撞到佢

      佢好惡咁大叫

      仲即時舉起隻手講 " 打! "

2.   我係地下執左兩塊大葉子比佢玩

      去到會所有個姐姐走埋去搶左佢一塊葉

      佢又係好惡咁大叫

      我行埋去佢身邊 佢望住個姐姐舉起手講 "打!"

實在好懷疑佢之前真係比小朋友撞到 / 打過

所以有個咁惡既反應 (佢講 " 打! " 講得好恨架...)

btw 平時見到小朋友唔會咁樣的 會say hi~

似係protect自己既行為

要慢慢耐心咁教佢唔好咁惡先得喇~

說話能力

-   大部分字都識講喇 一教佢就跟住講

-   已經教佢講詞語 佢自己就暫時仲係講單字或者疊字

-   未講到兩個字 分開就講到 夾埋一齊就未識

    但間唔時會快速彈一兩個詞語出來 不過叫佢再講就講唔到喇\

-   最叻叫哥哥 姐姐 弟弟 妹妹 姨姨 por por

     見到成年女性就叫姨姨 年紀大既就叫por por

     見到小朋友男仔就叫哥哥 女仔就叫姐姐 手抱就叫BB

-   仲未識 叔, 粟, 龜, 瓜, 呢幾個發音

-   識讀ABCDEOTUVY, 都認得呢幾個字母

-   1-10識數1, 2, 3, 5, 8, 10, 其他要我講一次佢先發到音

    (我數1佢話2, 3,我數4佢講5, 我數6,7佢講8, 我數9佢講10)

活動能力

-   跳 : 識跳喇 每次跳都好開心 (不過唔係次次跳得起)

           每次係床聽 Five little monkeys jumping on the bed

           佢就會好興奮咁企係床度同d monkeys一齊跳

           有時仲會摸下個頭 話比我知monkeys跌親個頭 XD
-   畫 : 渣筆好有力 不過鍾意渣住筆尾畫 正宗右yau妹
           經常塗鴉 趁嫲嫲唔覺意 用原子筆畫檯 仲畫到件衫花晒
                            趁婆婆唔覺意 用蠟筆油果塊白雪雪既地板 XD
-   跳舞 : 成日跳舞 聽到音樂即刻全身左右扭 仲好有節奏感
               去到大空地既地方 就唔會比人抱 手舞足蹈走唔停
               唔洗去遊樂場玩 陣係係空地都可以玩足成個鐘
-   游水 : 我地多數帶芊芊去舅父舅母屋苑個會所玩水
               佢知道要去游水就會話 : 虎虎 母母 游游
               佢唔怕水 而家唔會帶水泡 爸爸就咁扶住佢落水
                佢而家會fing手fing腳好似游狗仔式咁架

自己拎d筆出黎畫

畫完婆婆塊地之後

帶我出廳指比我睇然後走都走唔切

知自己唔岩又要做 好搞笑

畫到件衫花晒但嫲嫲完全唔知道

放工返黎見到問佢做咩件衫花晒

佢話 : 畫畫畫... -_-"

之前一直懶冇買到桌椅

見佢成日係大檯油書書油得咁辛苦

終於的起心肝捧左呢套野返黎

小芊芊 : 我終於有私家檯櫈啦!

去到大空地 / 球場就會好hyper

仲手舞足蹈咁走黎走去

玩水浸親都唔驚繼續要玩

爸爸抱佢去深水區時

佢仲會fing手fing腳扮游水

-   對形狀拼圖 : 19個月初 所有形狀對得到 但未識放好位置

                            19個月底 已經好熟練地放好所有位置

-   對數字拼圖 : 一直覺得數字板板本身design唔好

                           因為數字塊與板塊位置的顏色與圖案不一

                           咁細個未必識拼 但原來我諗多左

                           小芊芊玩兩日已經熟晒點玩

                           唔係靠記憶唔係靠認color 而真係識得對形狀呢!

-   用水樽倒水 : 兩個月前已經識 而家已經玩到唔玩

                           由一隻杯倒水去另一隻杯

                           到而家由一個小樽仔倒水去另一個小樽仔

                           唔會倒瀉 手眼協調能力幾好

-   搯細件小物: 上playgroup用食飯spoon搯水果形擦膠仔

                           老師讚佢左手右手都搯得好好

呢塊板唔覺唔覺都幾多野學

對形狀 對位拼圖 認顏色 認形狀

學中文 學英文 認動物

圖塊上的白色釘釘仲可以拮痛你腳板

所以一定要教好佢

玩完就要將d塊塊收埋入盒度~

小芊芊好鍾意我咁同佢玩

腳板貼腳板 然後佢就好大力yang你

佢都真係好大力架

搯細細粒既野係佢至愛

佢一向做乜都用右手多

老師唔講我都唔覺

佢用左手搯野都搯得好順啊!

話咁快又上完10堂playgroup喇 拎左人生第2張証書

由bb級第1次上playgroup 事隔半年已經變左個小朋友喇

時間真係過得好好好好好好快~~~~~

觀察力強 + 想像力豐富

-   煮飯仔 : 

     1.   炒餸 : 媽咪廿幾年前玩既煮飯仔終於可以傳宗接代喇

                      一開封小芊芊已經識晒點玩咁滯

                      竟然識拎個煲放d魚入去擺上個爐度用鑊鏟炒 !!!

                      炒完仲用隻碟載起比我食

     2.   檸茶 : 放個檸檬落隻杯度 用隻匙羮篤兩篤再比我飲

     冇教過佢都識 平時見到d野記晒入腦 完全知d野點樣用喎

-   吹泡泡 : 拎起個空樽仔 掉轉隻瓷羮放支柄入樽仔度

                    再拎返出來係咁吹比我睇 好好笑 !!! (超好想像力啊!)

-   斟水 : 食buffet見過次我地去水機斟果汁之後

               而家一見到類似水龍頭既物體 (例如 : 雪櫃個開門手柄)

               就搵隻類似杯既物體隊埋去扮斟水 之後 " 咕 " 一聲扮飲~

一邊森林一邊海洋

比小芊芊認識下腳腳同尾尾既分別先

不過初初貼出黎果時

小芊芊最大興趣係森林果兩塊葉

同埋海洋果兩粒珍珠囉!!!

拎住個長條形膠盒同煮飯仔隻spoon

用spoon放入膠盒度拎返出黎

就可以吹泡泡架啦~~~

基本動作

1.   上樓梯 - 好自如 平衡得好好

多級樓梯如果佢唔行咁急的話

可以放下手比佢慢慢上

2.   落樓梯 - 要自己落唔比我地扶

一級半級比佢自己來

佢自己都驚跌 每級都諗過先落

不過佢落樓梯落到好似飛咁

睇少眼都唔得

3.   擒 - 佢手腳一向都靈活

有得擒最開心 唯媽媽成日覺得佢咁樣唔斯文

女仔唔需要擒囉!!!

我有同佢講架

擒唔係唔得 但一定要問過媽咪先

即係我在場先可以擒

當然我不在場時佢睬我都傻啦!!!

4.   凌空掌上壓 - 呢個係新招式

佢知擒檯係唔做得既行為

所以佢做出呢個動作

仲不斷望住我 (請示我睇下可唔可以做)

XDXDXD

欠耐性 懂知錯 明事理 會撒嬌 的小朋友
欠耐性 : 小芊芊的脾氣一般 但總算話得聽

               玩玩具時有做不到既時候 就會憫憎掉玩具

               零耐性既媽媽變身發揮無限耐性教佢慢慢做

               so far都ok 會跟住做唔再憫憎

懂知錯 : 呢個好好笑 一知自己做錯事會話我知

               然後9秒9狂奔到老遠 驚我罵佢 XDXDXD

               有次佢整爛婆婆d野
               跟住佢拎返去比婆婆然後話 "曳曳" (話自己曳!)

               婆婆覺得奇怪咁話 " 咦? 爛左既? "

               跟住佢即刻走都走唔切 XD (驚婆婆罵佢)

明事理 :  如果佢做左D不當既行為 我會同佢講nono

                再同佢講道理 佢聽得明會肯做的

                以往朝早扭醒食奶奶 佢會發惡亂叫

                我曾經好惡咁罵過佢 話發脾氣冇得食 要乖先有得食

                同埋話朝早起身要叫人同埋笑笑先得人錫

                而家朝早起身都唔再扭喇 仲會望住我地笑
                (重溫 : 教育篇‧ 不要 "打打" 要 "叻叻" )

會撒嬌 :  最最最可愛既一刻

                有時見到我會撲埋黎話 " 攬攬 "

                有時無啦啦話 " 媽媽靚靚 "

                問佢錫唔錫媽咪 佢話 " 錫 " 然要我錫佢 XD 

                有時雙手捉住我塊面 然後望實我笑得勁燦爛

                係屋企玩玩下 行行下街 佢會無啦啦隊佢塊面過黎要你錫佢

                你唔比反應時佢會一路隊一路叫 叫到你錫為止
                好感性 - (重溫 : 感性小人兒)

 

19個月既小芊芊

各方面都發展神速

很多方面只提到冰山一角的事情

還有很多很多得意舉動真係記唔晒

更開始覺得自己唔夠時間去教佢

教兒女既事情 除左靠自己

我明白唔可以靠任何人

小芊芊呢個階段

日日都係唔同人/事中吸收好多野

有好既方面又有唔好既方面

學到唔好既野好難避免

我都只好調整下自己心理

再諗方法教好阿女

其實我都好enjoy教女既過程

我自己會有得著

見到阿女聽話又會有成功感

今日做左媽媽既我

係事業上冇左成功感

能夠係阿女身上搵得返

都總算有返d人生意義啦

XDXDXD

 

19M4D - 跟婆婆買面包

而家知道媽咪比左錢錢D野就拎得返

所以佢幾鐘意呢個包都好

最後我叫佢拎比婆婆比錢佢都肯比

19M8D - 小芊芊一向唔鍾意有野係個頭度

上個月拎隻夾仔出黎同佢講靚靚

佢都未有興趣

今個月拎出黎問佢要唔要戴

佢自己擺隻夾係頭度話靚靚

我幫佢夾上去之後比塊鏡佢照

佢照左好耐仲好鐘意

(不過都係戴唔耐 好快又比佢抓甩 :p)

19M7D - 呢日去左黃金海岸high tea

地方闊落 小芊芊玩得好開心~

daddy話佢自己個女好有taste喎!

19M10D - 地方太舒服喇

見小芊芊玩得咁開心

事隔3日 我又同我既姊妹去呢度再嘆tea

今次佢隔住個3層架同姨姨玩到不亦樂乎~

19M16D - 係床玩玩下 拿起件衫話我知佢有臍臍 -_-"

不過sexy芊好夏日feel呢~~~

19M20D - 見到阿姨見衫話靚靚

要我幫佢著

19M22D - 夾夾仔look

扭計仔 比我用腳夾住左佢個黎影曳曳相 XD

小小姑娘是日濕平

19M24D - 最愛同daddy mami玩窗帘

每次玩都笑到卡卡聲

19M25D - BB樣還在

19M27D - 叫佢訓低換片片唔肯

想反轉起身走佬 所以媽媽要用絕招震壓

你睇開心到佢 XDXDXD

19M28D - 幾有少女味道~~~

19M+ - 呢個月同小芊芊影左好多合照 攬住佢影相寧舍開心的~~~