我懶 + 爸爸又忙又累
我只為阿女代筆左呢幅畫
送比深愛既DADDY
最近爸爸工作太太太忙了
忙到這幾星期的假日都唔想太操勞
加上又熱又落雨
於是爸爸節實在冇咩搞作
總之入左圍城就邊度都遠邊度都唔想去
不過 近近地都有得玩既~~~
有爸爸陪玩咁過爸爸節
一向對呢D節日冇咩feeling既爸爸
唔知有咩感覺呢???
1日走兩場
上午玩左1小時
返屋企食lunch教教豬
下午再出動又玩左差唔多兩小時
再去aunt屋企玩貓貓
爸爸節真係好好玩
AM第1場 - 漫遊太空
呢度唔多人 全地軟墊
真係任佢碌任佢走都好放心
有得爬高爬低
有得jump jump jump
有得照哈哈鏡
有得sir滑梯
有得跳彈床
有得攀太空 XD
有得玩伏lay lay
仲有同齡既朋友仔同小芊芊玩
小芊芊玩到超級hyper
並進入忘我境界
叫佢扮訓覺 佢真係扮訓覺 XDXDXD
哈哈哈哈 扮訓覺扮左一段時間~~~
幾hyper!!!
有幾忘我? 有圖為證架!
咪就係忘我到咁囉
同隔離個仔仔係咁鬥碌
兩隻野係度典下典下勁好玩
我同爸爸同埋仔仔個媽媽笑到碌地 XD
PM第2場 - 海洋世界
訓醒就有得爬擒走跳梗係開心
唔知咩事係度O咀呢?
而家學人咁樣sir sir
要由滑梯爬返上去
爸爸出場喇 又擒又跳 爸爸捉到實
一見到我就起勢跑過來
呢隻海豹好搶手
D哥哥姐姐好好
見小芊芊想玩即刻讓比佢玩
(其實個衰妹仔係個場度都幾惡下
佢想要D玩具比人捷足先登時
佢就係度尖叫 真係失禮 -_-")
一有小朋友埋身就笑都唔笑
起晒槓咁驚人霸佢地盤 XD
要warm up左先識笑
見到D蟹蟹魚魚勁開心咁搬黎搬去
要訓係海豹度叫爸爸搖佢
小芊芊係全場至細 (無論年紀與身形)
好受D哥哥姐姐歡迎
佢地一見到老公搖
即刻走過黎搶住搖 哈哈
D小朋友好可愛呢!
(btw 我心裡都好怕阿女跌到 XD)
玩到超累 連行都行唔穩
挨左係隻鯨魚度抖抖先
老積妹老積到爆
叫佢都唔睬你
呢件I LOVE DADDY Tee
係爸爸節專屬
不過佢全日通場走
冇張影得到清楚既正面
著到藍噹噹都冇人認錯佢係男仔
長腿妹終於有返bb女既味道喇
終於都有幅相有我份…
爸爸 I LOVE YOU ^3^
老公 I LOVE YOU TOO :)
後記 :
玩完去睇貓貓
小芊芊很喜歡小動物
媽咪最怕既螞蟻同甲由佢都唔驚 (係街見到會追住佢地…)
貓貓狗狗更是喜愛
一見呢隻黑貓就話 "摸摸"
但越摸越大力 次次摸摸下貓貓都走開
佢就叫 同我講貓貓 "走左"
同貓貓玩左個半小時就走
我抱住佢回家 下樓時見有幾滴雨
諗住衝去有蓋走廊唔開遮
點知越滴越大
芊芊大叫 "媽媽 開遮 有雨 滴眼(雨滴到眼)"
都係媽媽衰啦 好彩滴濕少少姐~
夜晚陪佢教教豬時同佢傾計
媽媽 : 今日玩得開唔開心呀?
芊芊 : 好玩
媽媽 : 鍾唔鍾意同小朋友玩?
芊芊 : 意
媽媽 : 記唔記得曹姨姨呀? (my姊妹, 貓貓主人)
芊芊 : 得, 姨姨, 玩
媽媽 : 有冇同貓貓玩呀?
芊芊 : 有, 貓貓, 黑, 豹豹
(貓貓係黑貓, 叫阿豹, 佢記得貓貓叫豹豹)
芊芊 : 爸爸 (指門口叫爸爸)
媽媽 : 爸爸係出面做緊野 掛唔掛住爸爸呀?
芊芊 : 掛, (然後叫)姨姨
媽媽 : 姨姨唔係度喎, 係婆婆屋企, 係咪掛住姨姨?
芊芊 : 掛, 婆婆
媽媽 : 婆婆咪係婆婆屋企囉, 係咪掛住婆婆?
芊芊 : 掛, 母母 (舅母)
媽媽 : 母母係虎虎屋企喎…
全屋人比佢掛晒之後
好快就訓左 :)
沒有留言:
張貼留言