重溫：
2014年1月10日 星期五 晴
小芊芊 ♥ 14Months 30Days
We love 清邁‧DAY 3
閒逛夜巿
Summary
0900am 早餐buffet
0100pm 游水
0300pm 午睡
0600pm Wat Buppharam
0700pm Anusarn Market步行街
0930pm Thai Foot Massage
DAY 3‧續上篇
小芊芊醒左就ready出發喇
小芊芊醒左就ready出發喇
先係 resort 附近行下
resort出大馬路 就有間寺廟
布帕壤寺 先入去拍拍照
然後在附近的owl owl手信店睇精品
佢門口隻巨owl owl太突出喇
粉紅色好可愛 即刻同小芊芊標左去影相(!)
裡面d精品好靚 由老闆娘既男朋友design及手製
件件都係獨一無二既hand-made精品
老闆娘見到小芊芊愛不釋手
又讚佢beautiful又抱佢
仲比左好多discount我地
哈哈! 有芊在手真係好~
布帕壤寺
西元1497年由King Muang Kaew建造
正值蘭那王朝彿教最興盛的時候
是座混合緬甸和蘭那兩種風格的寺廟
小芊芊 企定定望鏡頭影相啦~~~
見到附近有D外國人影相 佢又周圍望
接住影左好多張全家福合照
集郵 ing~~~
係大馬路見到佢
就抱住小芊芊一支箭咁標過去
咁大雙粉紅色owlowl好得意呀!
小芊芊見到都好開心
成日想摸佢
小店好簡潔好貼心
門口仲有檯櫈顏色筆同自家郵筒
比遊客寫明信片寄手信呢!
d手作仔擺設全部都係老闆hand made架
tee係老闆自己design的
我同老公終於都找到合心水既情侶tee喇
不過可惜冇小童碼呢
老闆娘抱住小芊芊好開心
佢同我傾計
話佢好喜歡小朋友的
可惜佢身體有事 醫生話佢唔可以有bb
佢為此唔開心左一段長時間
聽完當時我都唔知比咩反應佢好
不過有呢間小店寄托一下
希望佢同佢男朋友生活過得開心啦~
因為有個別人口中beautiful既bb女
(身為媽媽既我好受落架
不過都唔可以咁細個就讚壞佢 XD)
d product本來已經唔貴而家仲有discount
所以我地袋手信真係好抵買
之後去夜巿行街街喇
坐雙條車又平又方便 帶bb車都唔怕麻煩
其實resort勁近 坐雙條5分鐘左右到
我諗行路應該10分鐘內
不過唔識路 拖住架車費事諗咁多野
聽說 清邁有3個夜巿
1個day day都有得行
1個係saturday night market 係老城外圍附近
1個係sunday night market 係老城裡邊的
今晚行既夜巿係每天都有得行既night brazza
Anusarn Market 步行街 好似女人街咁
馬路邊的攤檔比較窄 推bb車有點煩
好彩芊芊冇訓覺 可以摺起架車行
去到入邊就地方好闊落 行得幾舒服
我地冇買d乜 淨係買左件衫仔同裙仔比芊芊
同埋食dinner 泰北真係冇咩好食
我地都係食菠蘿炒飯d簡單野
聽說明天的星期六夜巿仲多野買而且更平
所以買野就留返明晚買
夜巿好熱鬧 外國人為主
但又唔係好擠逼
推住bb車行都冇問題
上網聽人講話千祈唔好買d一樽樽彩色既果汁
因甜到嘔 全部都打左糖水同埋好重防腐劑
所以我地陣係買椰青
個夜巿有兩邊 不過行到呢邊
唔知係d檔攤未開晒定點
好靜好少人同埋好似冇咩野睇
買左條泰式裙仔比小芊芊就走喇
夜巿周邊既大商場
不過大而無店 好多店都close的
可能係平日既緣故吧…
行左一圈冇咩岩食
在這裡找不到正宗泰國菜
(嗜辣的我們本來想吃辣呢…)
就隨便找家闊落少少又冇咁多人既食店
簡簡單單食個晚飯
影呢幅相時有個little story :
話說老公見到架咁既巴士 (擺設來的吧…)
無啦啦叫我行埋去影相
咁我就抱住芊芊行埋去影 (其實我覺得冇咩好影 :p)
果度太黑 老公見冇咩人就慢慢調光
跟住老公後面來了一pair外國夫婦 (大年紀的)
那個女的望住我既方向
碌大對眼用好誇張既音調同埋好大聲咁講 :
OOOH!!!! SO BEAUTIFUL!!!!!
老公都轉過頭望左佢一眼
我心諗 : 架咁既巴士有咩咁beautiful呀?!?
老公影完我就動身喇 怕阻住佢地影相
點知個女的走埋黎我度
再向住我個女重複左佢之前好浮誇果句讚美
我受寵若驚地講左句thank you
雖然我係覺得我個女ok可愛既
但佢咁樣讚美又真係誇左d喔 XD
Anyway 有人讚我…個女
我都好開心架~~~
沿路行都見到好多街邊既thai massage
老公成日腳痛 比較好做massage
由於我一向不太喜歡
加上帶住小芊芊唔係咁方便
所以老公冇話做
反正有時間又見價錢好平
我同老公建議一齊做foot massage
最多小芊芊坐係我大脾我邊做邊陪佢玩
我地揀左間係商場入邊既
當時人唔多 主要都係外國人
反正只係按腳所以開放式都冇咩所謂
不過老公按全身 (不過不用脫衣的啦 哈!)
同我按腳既係一位阿姨
小芊芊見到阿姨抽起我褲腳幫我按摩時
佢又要我同佢除鞋仔
然後自己提起雙腳仔 仲想抽起條褲腳
阿姨見到佢不停話佢好beautiful好lovely…
今個夜晚佢不停咁被讚 搞到我都飄飄然 XD
於是阿姨幫我按 我就幫小芊芊按
坐成個幾鐘
小芊芊當然有耐煩啦
按摩檔既姐姐見狀
就幫我抱住小芊芊陪佢玩
就幫我抱住小芊芊陪佢玩
仲帶佢去睇隔離D外國人比魚魚食腳皮 (!)
佢抱走小芊芊 我都有D驚驚地架
但又唔好意思唔比佢地抱
還好清邁人係純樸熱情
小芊芊都係我地視線範圍內
仲玩得好開心呢!
(題外話 : 小芊芊當時剛15個月
仲係邊個都抱得既時期
以前我見到咁都會好擔心阿女邊個都跟好危險
今日佢20個月喇 早係17 18個月果陣
已經唔會邊個抱都得
去到陌生地方陣係比爸爸媽媽抱
去到陌生地方陣係比爸爸媽媽抱
我地既朋友 都要同佢warm up熟左環境先
而佢又知要抱佢果個爸爸媽媽都識既先肯比抱
而佢又知要抱佢果個爸爸媽媽都識既先肯比抱
所以而家我都冇咁擔心喇~~~)
果度個個都好鐘意小芊芊
按腳阿姨見小芊芊對按腳好有興趣咁
臨尾幾分鐘 佢話要幫小芊芊按腳仔10分鐘喎~
阿姨仲叫我唔駛擔心 佢只係好輕力
送的啊~~~呢個妹妹仔真係得
送的啊~~~呢個妹妹仔真係得
咁都扼到10分鐘免費foot massage
真係唔駛怕會悶親佢喔!
阿姨幫小芊芊做緊10minutes free foot massage呢!
睇下小芊芊幾enjoy~~~
(咁既樣 其實似眼訓多d
時值小芊芊既訓覺時間呀 哈哈!)
DAY 3‧完
沒有留言:
張貼留言