15 Feb 2012 (Wed) Snowy
DAY 7 ♥ Kemi．SAMPO Icebreaker Cruise Tour
吃早餐 收拾行李 check out
然後在酒店的lobby寄存行李
時間差不多了 在reception call taxi
出發去Ajos Harbour
10多分鐘就到了碼頭
離上船還有15分鐘的時間
雪到今天還在下 這個荒蕪的地方 白茫茫一片
暫時只有幾輛準備接載的旅遊巴 和我們兩人
早來可以遠遠睇住呢首大大破冰船駛進來 睇下我幾渺小~~~
(配合當時渺無人煙冰天雪地的環境 有點像鬼船…)
碼頭4周1遍荒涼 除了雪和暗暗的太陽 什麼都看不清看不見
自遊行來玩SAMPO的人不多
大大部旅遊巴隨著上船時間快到而到達
旅行團來玩的比較多
吹一陣風 遠遠看到一艘大船向碼頭駛來
SAMPO來啦 船越近岸 變得越來越大
船頭看起來像艘巨型海盜船呢！
我們和船埋岸的景象拍了些照片
不錯呀不錯呀 哈哈！
這個Icebreaker tour
是Kemi每年1-4月的期間限定活動
Sampo亦是現今世上最大的一艘觀光破冰船
要到每年冬季波羅的海進入結冰時期 它才有機會出動
要有足夠厚的冰層才有冰可破啊！
趁登船時間未到 梗係把握時間影下外景
見到SAMPO太hyper了 博晒命影
呢幅掃全景可以睇到碼頭的整個環境
登船前…再影!!!
12:45 參觀船身 睇破冰
13:45 lunch time
15:00 這時間…我們應該是最後1批落水的遊客…
(為免唔夠時間玩 所以唔理咁多 幾帶都早d去排隊)
我們是跟Snow Restaurant dinner一起book的
4小時的Icebreaker cruise tour
由12pm-4pm 期間分組由tour guide帶領
先介紹船的歷史 到船艙參觀
見見船長後 再到高處看破冰
之間有半小時-1小時的lunch 吃件包點飲淡creame soup
最後有個最最最重要的活動
做龍蝦仔在波羅的海中暢泳呀！
仲可以走走結了冰的海面呢~
我們的tour guide是位金髮大眼
白白淨高高瘦瘦的芬蘭男士
同group還有一對香港夫婦 他們也是自由行來芬蘭的
之後還遇到一對韓國新婚婦和昨天在火車站碰過面的香港情侶
那對香港情侶是在海上中途上船呢
他們join了Sampo + snowmobile 的 tour
所以他們一會做完龍蝦仔
就要下船踩車回程啦
導遊未到前 在船身周圍遊
整艘船共4層
整個波羅的海都是冰 我們正向未被破冰的海面進發~~~
雪越落越大 天色暗暗的 還好看得見太陽
不過海面能見度很低呢~~~
遠處的海面上來了一隊snow mobile
是玩sampo的另一個tour package
snow mobile+sampo tour 破冰船會駛過去接佢地上船
探探船長
參觀控制室
經已駛到去未破冰既海面啦~~~
準備破冰~~~
破到crack crack聲~~~
Lunch時間到 4人一桌 坐我地對面的
是一對來自南韓的年輕夫婦 自遊行黎芬蘭慶祝結婚1週年
我們order左一份三文魚湯 一份鹿肉湯
吃埋餐包 飽飽~~~ (完全不用額外加錢食主菜)
我們被安排了2:30才換衫下水
為怕排隊太久 我們飲完湯就自己先行去排隊
遇到了香港情侶 我們兩pair就約好大家互相為對方影相
咁樣我就可以和老公一起下水拍照啦~
實 在 太 好 了~~~
我們先做拍攝者 可惜女生等龍蝦衫等得太久啦
男生換好衫已被催下船落海 所以我們只好先幫男生拍照
男女分開房間排隊的
幫男生拍照後女生還在等換衫
所以我和老公都去排隊先
排隊的時間就和那位韓國女生聊了幾句
原來她和她老公是結婚一週年來芬蘭玩的
早幾天跟我們一樣上了北部
可惜大家都看不到北極光
由於我們身型比較矮小 所以要等S碼龍蝦衫
所以女士排得特別耐 老公後來都要排S碼呢
還怕我換好衫老公還在等 豈料到我換的時候
我看到老公在隔離房排第1呢 下1件衫就到他了
好開心啊 可以一起下海啊！！！
wawawa~~~ 波士頓龍蝦上身呀~~~
由頭包到落腳包到hum
老公果件仲誇張 連口都包埋
(上手即除然後即套在你身上
包埋個口都唔知衛唔衛生既…)
我落水先啦 ~~~
落住大雪係冰凍既波羅的海暢泳 一d都唔覺得凍
件龍蝦衫真係好防水好防凍 仲好好浮力
我呢個超怕海水的人落到海1d都唔驚
老公都落左水啦 太多一樣樣既紅色物體啦…
不過我呢個時候仲未搵到佢
(著住件咁既野又落埋水 隻隻龍蝦都差唔多樣!!!)
聽到船上幫我地拍照既夫婦大叫
我先知原來老公執到粒寶石
好大粒寶石~~~
我仲係度搵緊老公 搵到但我背住左佢 唔知點遊過去佢度
越游越離行離辣 游游下原來得返我地兩個
個tour guide仲係咁叫我地快d上水……
梗係扮聽唔到 搵到老公先算~~~
終於痴埋左 但係老公已經掉左粒寶石T_T
搵到老公 係個海度攤返陣先
(成船人我諗我地兩個玩得最耐
完全無理會個guide催我地上水!!!)
yeah~~~TK凱旋回歸!!!
勁hyper!!!
我換好龍蝦衫 等不及老公就被工作人催下船了
我坐在冰上 就被人一推 下了海
浮下浮下 又望下望下 都見不到老公
那對香港情侶在船上拍我們
我聽到他們說 "你老公在你後面呀！"
但我擰頭看又找不到…
原來老公去了執鑽石！
他竟然攬住粒大鑽石又唔比我
自己影完相游左去一邊拋走粒鑽石先去搵我 哼哼！
不過最終我們都相遇啦
仲浮在海上拖住手影了合照和短片呢
其實我們找大家的時候經已過了每人飄浮2-3分鐘的時間
工作人員應該已在背後不停叫我們上岸 我們沒留意啊
就這樣游了好幾分鐘 比其他龍蝦仔賺左呢~~~
上岸的一刻 我們拖著手向船上的鏡頭揮手
感覺好似楊利偉光榮回歸呀 哈哈哈哈！
脫了龍蝦衣 趁還有時間
我們就爭取時間下船拍照
還可以近距離接觸Sampo船身
好滿足的一個破冰旅程呀
除左龍蝦衣 拿拿臨再落船近距離影sampo
仲有人落水玩緊 即係我地仲有時間影相
單人雙人遠照近照一掃全景影齊 上船lu~~~
呢個給我地既紀念品唔少得ga~~~
落船啦 1人1張証書
和我們高大靚仔的tour guide合照
下船後 我們找其他的士司機幫忙call車
這次可以和我們同group的香港夫婦一起拼車
他們的酒店在我們的酒店附近
所以都一起車到我們的酒店下車
車費就可以平一半啦
今天的活動完結 接下來的時間
先回酒店換衣服 去S-market shopping
然後慢慢拉行李去火車站
坐7:45pm的over night火車返Helsinki
我地坐19:40的overnight train返赫爾辛基
飄雪蜜月 ♥ DAY 7 ♥ Kemi
♥♥♥ THE END ♥♥♥
飄雪蜜月 ♥ 前言
白雪雪的蜜糖月兒 ♥ 倒數ing…
飄雪蜜月 ♥ OUR JOURNEY
白雪雪的飄雪蜜月 ♥ 藍十字國 + 東歐小國 ♥ 甜蜜之旅
飄雪蜜月 ♥ REVIEW
飄雪蜜月 ♥ 向北國出發 (DAY 1)
飄雪蜜月 ♥ 赫爾辛基的藍天和白雪 (DAY 1)
飄雪蜜月 ♥ 冬日下的芬蘭堡 (DAY 1)
飄雪蜜月 ♥ 走進北極圈 (DAY 2)
飄雪蜜月 ♥ 我們的白色二人世界 (DAY 2)
飄雪蜜月 ♥ 這裡只有雪、雪和雪！(DAY 3)
飄雪蜜月 ♥ 下雪了！(DAY 3)
飄雪蜜月 ♥ 兩小時穿梭了兩個世界 (DAY 4)
飄雪蜜月 ♥ 冰天雪地的童話世界 (DAY 4)
飄雪蜜月 ♥ 沒有極光的晚上 (DAY 4)
飄雪蜜月 ♥ 鹿鹿載我們遊雪地(DAY 5)
飄雪蜜月 ♥ 跳進第2個童話國度 (DAY 5)
飄雪蜜月 ♥ 我們在北極圈線上 (DAY 5)
飄雪蜜月 ♥ 與Huskies抱抱~~~ (DAY 6)
飄雪蜜月 ♥ 傳說中的聖誕老人拖著我們的手呢！ (DAY 6)
飄雪蜜月 ♥ 第10年的情人節晚餐 (DAY 6)
