18 Feb 2012 (Sat) Snowy
DAY 10 ♥ Hotel Katajanokka‧Helsinki
在監獄中渡蜜月的我們 :D
昨晚是我們飄雪蜜月的最後一夜
來了一晚特別的蜜月住宿
這裡是來芬蘭旅遊的香港人
必會到此一住的 -
BEST WESTERN PREMIER
Hotel Katajanokka
特色在於他本身是監獄一所！
對於這所酒店
我會認為絶對是Helsinki的其中一個特色景點
酒店前身的監獄身份 10年前仍然存在
在1837-2002期間
監獄名為 Helsinki County Prison
2002年此監獄關後於2006年重修
2007年以酒店身份重生
我們的飄雪蜜月手信大晒冷！
地下果塊就係由DAY 5開始
帶住佢趴趴走既鹿皮~~~
其實都唔係買左好多野 多數都係朱古力
要知道芬蘭冇咩特產 Fazer朱古力算係了吧…
honeymoon最後一日還有節目
所以一早起來要爭取時間玩呢個
芬蘭最特色住宿景點
Hotel Katajanokka
人氣爆登既監獄酒店
整棟building都原始地保留原身監獄既面貌
所以d窗全部都好細好高
酒店既入口
酒店的外表與內部的主要設計
仍保留原汁原味的監獄面貌
只有房間的空間有所改動
房間都是把監倉打通令空間變大
再把每個房間增設浴室
而房間內的高樓底及小壁窗都是原貌保留的
大門口
reception姐姐著住件漢堡神偷制服
膺Tripadvisor
2011年最佳酒店
所以話呢度係來芬蘭必住的呢！
地層係2樓 reception左邊也有客房
整店咁企理 meeting room都爆滿咯~
我們住4樓 4樓全是客房 有電梯上樓的
酒店內部全維持監獄的面貌
很長很大的天井
酒店燈光很充足 給人感覺很舒適
我們住其中一邊的尾房
418
房間不算很大 但很舒服
特別之處係有兩隻高窗 一隻矮壁窗
這一只壁窗很有趣
不是每間房都有的呢…
toilet很tready很乾淨
係我地房門口影返幅合照先~
可以由天井的樓梯走往下層
我地邊行邊拍
對呢間特色酒店任何地方都覺得新奇
係外國住到特色酒店
實在係一件幾興奮既事 XD
就好似…
大鄉里出城咁 XDDDD
(我係話自己咋 XDDDD)
酒店到處都讓人有監獄的感覺
並不是陰森恐怖那種
酒店燈光足夠 很光猛的 感覺十分舒適
工作人員的制服是漢堡神偷style
連地下層的餐廳所用的餐具
都保留著監獄味道 - 不鏽鋼的說！
JAILBIRD係酒店唯一餐廳
也是食早餐既地方
酒店到處都有呢d監獄既設計
1樓其實屬於basement吧
怎說呢??? 這層都有客房的
不過有3分2層係地下裡面
餐廳都幾大 由於太早既關係
早餐才剛開始 暫時得我地兩個包場
好豐富咁喎~~~
飲品都有唔少選擇
歐洲的酒店 有超多種類既面包選擇
時蔬火腿芝士煙三文魚必有
煙三文魚食到你唔想食 XD
還有多種水果
為左讓你感覺完全置身於監獄
連餐廳既食具都好監獄feel的~~~
一桶一桶的粟米片 好似執米咁 :D
我地既buffet囚犯餐 XDDD
在這樣的監獄中渡蜜月
算是這旅程最特別的體驗吧！
酒店其實好近巿中心
行去火車站大約20-25分鐘左右
火車站去酒店可以坐平民電車4號線
由 Central Railway Station 去 Katajanokka
10分鐘左右到酒店門口
2.5歐1小時內乘搭
可以上車後向司機買票
影完相之後我地要搭火車
去呢個旅程既最後一個地方
所以我地要check-out &寄存行李先
預鬆左時間 所以唔搭電車去火車站喇
我地花左20分鐘既時間慢慢行過去
順便沿路睇下芬蘭城巿人既民居環境
大清早冇咩人 (基本上任何時間都係冇咩人…)
慢慢行周圍望乜都睇下 幾舒服架~
我地沿電車路行去火車站
如果唔想行 可以坐呢架4號電車出入巿中心
沿路都會見到好多古舊特色建築物
呢部交通安全既攝錄機就好時髦啦！
classic VS trendy
每個在冰天雪地下既郵筒頂上
都會有舊咁既雪 :D
仲以為係現代化消防車 咁鬼型 …
原來係升降梯安全工作車
影完假消防車影埋呢部警車 XD
影下玩下 就到火車站喇~~~
飄雪蜜月 ♥ DAY 10 ♥ Helsinki
♥♥♥ TO BE CONTINUE ♥♥♥
飄雪蜜月 ♥ 前言
白雪雪的蜜糖月兒 ♥ 倒數ing…
飄雪蜜月 ♥ OUR JOURNEY
白雪雪的飄雪蜜月 ♥ 藍十字國 + 東歐小國 ♥ 甜蜜之旅
飄雪蜜月 ♥ REVIEW
飄雪蜜月 ♥ 向北國出發 (DAY 1)
飄雪蜜月 ♥ 赫爾辛基的藍天和白雪 (DAY 1)
飄雪蜜月 ♥ 冬日下的芬蘭堡 (DAY 1)
飄雪蜜月 ♥ 走進北極圈 (DAY 2)
飄雪蜜月 ♥ 我們的白色二人世界 (DAY 2)
飄雪蜜月 ♥ 這裡只有雪、雪和雪！(DAY 3)
飄雪蜜月 ♥ 下雪了！(DAY 3)
飄雪蜜月 ♥ 兩小時穿梭了兩個世界 (DAY 4)
飄雪蜜月 ♥ 冰天雪地的童話世界 (DAY 4)
飄雪蜜月 ♥ 沒有極光的晚上 (DAY 4)
飄雪蜜月 ♥ 鹿鹿載我們遊雪地(DAY 5)
飄雪蜜月 ♥ 跳進第2個童話國度 (DAY 5)
飄雪蜜月 ♥ 我們在北極圈線上 (DAY 5)
飄雪蜜月 ♥ 與Huskies抱抱~~~ (DAY 6)
飄雪蜜月 ♥ 傳說中的聖誕老人拖著我們的手呢！ (DAY 6)
飄雪蜜月 ♥ 第10年的情人節晚餐 (DAY 6)
飄雪蜜月 ♥ 破冰船下的波士頓龍蝦 (DAY 7)
飄雪蜜月 ♥ 坐郵輪遊東歐小國 (DAY 8)
飄雪蜜月 ♥ 愛上彩色的古城 (DAY 8)
飄雪蜜月 ♥ 漫活細味在古城 I (DAY 9)
飄雪蜜月 ♥ 漫活細味在古城 II (DAY 9)
沒有留言:
張貼留言