♥ 兔年第1天之拜年提親記 ♥

文章日期：02/05/2011 12:02 am

2011年2月3日 大年初一

新一年既兔兔年
對於一向喜歡兔仔既
應該好好慶祝一番
不過年尾真係好忙
屋企過年前剛剛裝修好
工作由10開始未停過
忙到年卅晚放4點都要成7點先走得
過年都冇去辦年貨
都係早兩日同屋企人係百佳買左d薯片同朱古力咋
所以 今年既新年好簡單

大年初一
老豆豆同媽咪一早就起身煮齋
男朋友下午過黎拜年
我要落街陪男朋友揀生果砌果籃呀
揀左我同家人最喜歡食既生果
整左紅噹噹既果籃 好有份量
仲好有新年氣氛呢

呢個中型果籃好有份量架 隻隻都係精心挑選既靚生果
大部份生果都紅噹盪 簡直係新年既最佳點綴品！

精華呀~~~呢盒50蚊既士多啤梨真係好新鮮好大粒好甜

呢個果籃 除左用黎送比爸爸媽咪
可能係用黎提親 哈哈
今日男朋友同老豆豆講左喇
我地打算明年上半年結婚
唔擇日 因為想星期六日擺酒
起初都擔心父母唔喜歡我地唔擇日
不過媽咪話冇所謂 老豆豆都話我地喜歡就得

呵呵 可以揀日子~

不過 aunt有個小小要求 就係有兩個月唔揀得
農曆二月 - 我地兩個生日既月份
農曆三月 - 清明
跟住我記得有次同媽咪傾呢類野既時候佢又講過
農曆正月 - 唔好係新正頭擺酒
農曆閏四月 - 唔好係閏月結婚 唔係幾年先1次結婚週年
農曆七月 - 鬼節
農曆九月 - 重陽
如果計埋父母既生日 農曆二八十月都唔揀得
即係話一二三閏四七八九十月都唔得啦 (唔擇日都搞成咁…)


我唔想農曆五六月 因為我極度討厭熱！
男朋友唔想等咁耐等到12年年尾 即係農曆十一月同冬月都唔會揀
咁樣原來好簡單好多 仲易簡好多
因為而家得返年頭既兔年冬月(新曆12年1月頭到月中) 
同埋農曆四月(新曆4月尾-5月中)
12年1月就係我喜歡既兔年同埋冬天
12年4-5月就係雙春+閏月年 好意頭
就睇下呢3個月邊個假日好啦