2011年2月13日
約埋表妹 我地兩pair人今日再去睇場
1早就起身出門口
老豆豆問我地洗唔洗咁緊張
咁定好個日子 梗係拿拿臨book定啦
費事到book果時先話比人book左又要揀過嘛
昨晚臨訓前都係決定揀紅磡煌府
唯1係擔心我地最後要既圍數多過18圍
驚個場多過18圍會太逼
場地大門佈滿水晶燈
紅磡煌府有2個廳 1大1小
大既係海景廳 可以擺32圍
細既係鑽石廳 即係我地個場
不過因為婚展既關係 經理級的都去晒婚展做野
得個酒樓既員工姐姐招呼我地
先睇我地個場
我地個場唔會做茶市的 所以關晒燈
咁岩見到佢開左d燈光effect射黎射去
今次係個場兜左個圈 連toilet都入埋去睇
個新娘房睇左喇 好大 完全夠晒媽咪奶奶姊妹們一齊享用呀
個場仲好新淨 冇做茶市始終唔會折舊得咁快~
receition白雪雪的佈置襯淺粉紅 不用再花錢在外邊找人做了
場地好靚 男朋友很喜歡這個場的天花鋪滿水晶燈 好grand~
stage好闊落 不過不太喜歡灰色地毯
台兩側一邊是白鋼琴 一邊放了張貴妃椅
到時可以在這邊斟茶比親戚 影相very good!
新娘房好大 放晒D姊妹媽咪奶奶係度都冇問題~~
好大塊化妝鏡呢 喜歡~
再去埋海景廳望望
其實冇諗過要海景廳
不過表妹話擔心鑽石廳唔夠我地用 叫我地睇定先
岩的話一齊去婚展bargin比我地18圍包海景廳
就即管入去睇睇啦 反正做緊茶市開晒燈唔洗員工招呼
點知男朋友入去望左兩望 已經掉頭走…
佢話個場同鑽石廳個style差好遠
鑽石廳靚好多喎
我自己反而覺得ok
(因為我知個新娘房好大好靚 XD)
個場擺20-22圍可以非常之闊落
原來對場地冇咩要求果個係我…
(其實可能係我未對場地呢個item深入研究所致吧…)
不過話說回來
我自己都係喜歡鑽石廳多d
已經決定左紅磡煌府
去婚展落訂喇
我地要既日子 海景廳都未有人book
表妹幫我地問左多過20圍比我地轉海景廳
梁小姐都話冇問題
不過男朋友一聽到海景廳反應勁大
唔肯book呢個場
(哇~男朋友真係好堅持ga！我都O左咀)
我最後就要求梁經理係訂單寫明
席數多過20圍就比我地轉海景廳
落左訂 收埋部 ipad 要乍乍臨sale左佢套現先得
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
紅磡 完來都係1個唔差既地方
由我家去當然好方便 (我家去邊都咁方便ga la)
男朋友家都可以搭西鐵直去 (所以aunt冇反對)
好多親戚同friend都係住係東西鐵沿線
比去佐敦旺角方便ga
同埋都會廣場比較靜
冇出面油尖旺人流咁多 位置唔錯
仲有 我發現自己睇場最在意係個新娘房
我諗我結婚果晚 留得最耐既地方應該就係新娘房
為左媽咪奶奶姊妹們同自己都方便換衫 同埋走黎走去
新娘房最緊要闊落呀
最後
我地既大日子終於誕生喇
登登登登~
2011年12月28日
1228幾好記幾好意頭
同埋剛剛係聖誕假之後 星期三來的
要幫手既好朋友們為我地請1日假啦
我地自己係結婚前就有4日假期好好準備
好在係學校假期 親戚1家大細都黎到
同埋移左民既親戚多數都會係呢段時間返黎
可以黎到我地既晚宴
仲要早d通知朋友們唔好去大旅行
今年就我地1次去個短trip好喇
期待~~~
沒有留言:
張貼留言