夏末初秋掏沙樂

2015年9月13日   星期日   晴

小芊芊 ❤ 35Months 2Days

搬家後第1次出遊

什麼新環境都適應過來

我們一家夏眠的時間也完成了

接下來我們要迎接正在入秋的農曆8月

初秋夏末的第1個週日

我們長途拔涉的帶小芊芊去玩

她最最最愛的活動

我們一直在尋找

美麗的後花園

繼51假期找到南丫島的後花園

這天我們在西貢也找到一個

其實西貢有非常非常多的美麗海灣

不過很多都要行山才能到達

帶著小芊芊就不能太辛苦

這裡有車到 但車程一點也不短

雖然我們住近西貢 但不是一程交通就可到達

要找後花園也總得付出一點代價吧 :)

現在的家離西貢不遠

所以日後我們的郊遊活動

將由大帽山移陣到西貢各處啦~

下午3時多

我們hea hea的出發

去到後花園 4點正

太陽曬下來仍是暖暖的

所以海水很溫暖

最舒服是吹著帶點涼意的清風

望著整個被3面綠色包圍著的小海灣

踏在軟綿綿的濕沙上

很愜意^v^

我們用手抓沙

隨手就找到一堆白色的蜆

小芊芊畢沙沙越找越多蜆

開心得呱呱叫 :D

不單止小芊芊 連daddy都變了小朋友

開心的兩父女好像在尋寶似的

回想我小時候

最愛就是到沙灘執貝殼

確實很好玩

我地玩左一陣沙 收穫經已很豐富 :D

小妹妹玩得幾開心^^

坐我我們旁邊的媽媽 建了個花花城堡

好有心思 好美 :)

這裡隨處也找得到牠~

兩個小朋友各自各精彩

用手掏到泥都可以開心一番

小朋友既快樂真係好簡單呢！

用手掏完沙 不斷叫我睇下佢既成果

然後將d沙掉返落水話〝魚魚 你地快d食啦〞

叫魚食泥…XDDDDDDDD

這裡實在是水清沙幼

在裡每踏一步 都有很多小生命在你腳邊溜走

是一處教育小朋友的好地方

除了挖蜆 其實站在水裡

水到小芊芊小腿的地方

經已有很多魚魚在她腳邊游來游去

開心得小芊芊叫要捉魚

我ready喇！

我要落水喇！

趁我地唔覺唔覺自己越行越出

不過今日風平浪靜

所以我都由得佢自己係水中走

佢發現了腳邊有好多魚魚呢！

d魚魚游得好快 加上潮漲中水未夠清 手機好難拍呢！

呢張相其實仔細看經已有6條魚

  

今天我們來得太晚

很快就夕陽西下

天快要黑 我們都不能不走啦

小芊芊沒有扭計不肯離開

反而很開心的跟我講：

〝呢度好好玩呀！

媽媽, 下星期我地再黎呢度玩

好唔好呀？〞

白白淨淨既蜆仔好可愛

小芊芊既目標除左蜆

仲有一切佢未見過既新事物

就好似呢塊被磨蝕到不似蜆形既貝殼 XD

掉左一大pat泥落水 又開心大叫一餐 :D

古靈精怪芊 ^3^

要走喇 是時候放生喇

〝蜆蜆 乖乖啦 你地要返屋企喇 bye bye~〞

好愉快既一個下午 :)

很美的一個地方 我們會常來的喔 :D

見到呢個寶貝女玩得咁開心

媽咪daddy梗係話好啦

我地已經定好左

黎緊呢個星期六再來過

朝早來玩玩到下午走

要hea足一天架呢！

沙灘樂重溫：

青馬橋下的堆沙人

南丫島的後花園

秋日踢水沙灘樂

夏日沙灘時刻到~