2015年11月25日 星期三 晴
小芊芊 ✰ K1 Life
學校生日會 (10月11月之星)
當佢肯望鏡頭影相既時候
真係可以要乜表情有乜表情 哈~
前一晚放工回家
跟小芊芊聊天
千千媽：明天生日會喎係咪呀?
小芊芊：係呀 老師話我有份生日 要著靚靚
我會同蛋糕影相架 仲有禮物袋呀！
看著她的樣子
滿開心與期待的 :)
小芊芊係今次生日會小主角之一
千千媽我當然又整色整水一番啦
繼小芊芊Halloween包古古力比同學仔
見佢做包裝女工做得咁開心
今次我又預備左d得意野
等佢包得再開心d
相信收到既老師&同學仔
都會好開心 :D
見我影相 佢隊個頭埋黎要影埋一份 :D
其實我好想親自整小食
雖然我或者可能其實係一個地獄廚神 XDD
但我比較喜歡花心思令人開心
尤其是小朋友
奈何…雙職媽媽真係唔夠時間花
我諗如果我堅持要自己整
我應該要將我既訓覺時間100%奉獻！
本來就每晚訓6小時+每小時一醒
然後朝早無論幾早起身
最後出門都係裙拉褲甩既我嘛…唉…
其實學校講明唔主張家長整食物類帶回校
所以我寧願花心思平平地又簡簡單單咁
買啲得意可愛特別既零食
讓小芊芊親手包裝
送比老師&同學仔
WE ARE READY！
今次小禮物主角係
細細粒圓碌碌既 mini donuts！
真係又好味又討人喜愛架
收到貨見到實物既一刻
真係連大人都覺得好開心
拎住兩大盒迷你甜甜圈既我
好心急要即刻拎返屋企比小芊芊睇
一大盒細細粒真係睇見都開心 仲好想食tim！
一返到屋企
即刻拎晒d包裝材料出黎
小芊芊已經急不及待問我點做
我地母女二人洗手後就動工啦~
一大一小女工夜媽媽10點鐘OT中
放甜甜圈入袋 → 扎蝴蝶結 → 貼名字貼紙 → 入盒
我地兩個完全係好enjoy做呢d
daddy眼中好無聊既事 :p
所以呢個一D浪漫感都冇既男人
一早就入左房訓覺 XDDD
上碟品嚐一下先 :p
小芊芊一邊貼名字貼
一邊問我張貼紙係咩英文名
一提到邊個熟既名就講下
佢同個同學仔係學校發生過咩事
仲講到原來有個男同學曾經打過佢tim
到貼老師名既時候我先知
原來學校換左個net teacher……
〝Mr XXX冇教我啦 而家係Miss XXX教英文呀~〞
自家製人名貼紙
男同學仔們一盒
女童同學仔們一盒
仲有兩位class teacher^^
小芊芊講明一定要送架！
佢日日都話我知Miss Lee Miss Leung好錫佢~
小芊芊講明一定要送架！
佢日日都話我知Miss Lee Miss Leung好錫佢~
估唔到呢個親子活動
除左可以讓小芊芊親身感受到分享
仲可以極速增進我地母女之間既感情 :)
平時我都有問佢返學發生咩事
但可能問題大空泛
佢通常都冇乜野答到我
而家咁樣講一講d同學仔名字
佢反而好多野講返我知
又會拎住d名字貼問我呢個英文係咩名
同埋up個英文名問我即係邊張名字貼…
好amazing既互動呢^^
個個都有 點少得佢果份
最後包左一大半
小芊芊由好堅持撐到終於頂唔順
11點多自己入左房訓覺
呢日朝早一出廳見到個紙袋
即刻霸住話出門口時要自己拎上校車
返到學校要自己送比同學
睇得出佢好興奮呢！
入好晒其中一盒喇 訓覺前影幅相先~~~
仲有盒細既係婆婆青青姨佢地既
晚上放工回家
佢即刻話我知d冬甩仔全部都係佢自己派的
唔係老師幫佢派咕喎~
又話同學仔收到個個都話好靚&好開心
Miss Leung仲讚佢今日著得好靚
小朋友既世界真係好簡單
小小既心思就可以得到大大既滿足
✰✰✰ 10月生日之星 ✰✰✰
小芊芊這一次的快樂
源來自佢跟同學仔分享
媽媽我只係花左小小既心思
可以帶比小朋友大大既滿足與快樂
我都覺自己有少少成就感吖^^
