我們的第1次學校親子旅行

2015年11月21日  星期六  陰

小芊芊 ✰ K1 Life

K1學校秋季親子旅行

AM - 大埔海濱公園

NOON - 白石角香港科學園

PM - 嘉道里農場

出發時勁開心既古靈精怪芊 :D

上個月收到學校旅行通告

地點竟然係我們每年一行的嘉道里農場

其實由小芊芊1歲後

我們和曹姨姨庭叔叔已約定了

每年的11月中一起去嘉道里行山

小芊芊1歲和2歲都去過了

本來唔打算和小芊芊參加這個旅行

一來這個旅行費用一點都不平宜

再者本身已約定了後一天 (即22號) 去這兒行山

同埋小芊芊跟同學仔還未熟悉

但係又覺得話晒呢個係小芊芊既第1次

冇理由抹殺左佢呢個童年回憶家嘛…

昨晚已經指定話要帶呢個包包去旅行

仲自己執好晒要用既野放入去

✰✰✰ 最開心係daddy mami都跟埋一齊去 ✰✰✰

於是我交返比小芊芊自己決定

一問之下佢知道Miss Lee Miss Leung和同學仔都去

即刻同我講好想去

寶貝女話去咁就梗係諗都唔洗諗

即刻同意啦！

✰✰✰✰✰✰✰✰✰✰✰✰✰✰✰✰✰✰✰✰✰✰✰✰✰

8:45am學校集合

去到學校就先上課室講行程

然後就鴨仔團出發啦

老師講解行程中

我地今日旅行既時間表

然後每位同學仔一份旅巴貼紙和餐券

仲有小芊芊日唱夜唱既旅行歌歌詞

GO GO GO！

上午站先去大埔海濱公園

上回歸紀念塔

入昆蟲館睇昆蟲

再到草地玩集體遊戲

中午站去科學園酒樓午膳

下午站就係嘉道里農場

睇動物聽老師講解學習

行程絕對緊密豐富

完全冇時間hea呢！

雖然我地呢大半日純粹係平路和小斜路行

但係我地都覺得有點累 哈哈~

✰✰✰ 行程一開始就上來回歸紀念塔 ✰✰✰

其實呢個公園我地去過好多次

不過好似真係第1次上呢度哦~

✰✰✰ 跟住老師來到昆蟲館 ✰✰✰

✰✰✰ 之後就去草地玩集體遊戲啦 ✰✰✰

小朋友最愛玩彩虹傘

跟住老師唱歌仔

成日唔專心要擰轉頭望我 XD

教小朋友如何運用回收箱

仲倒晒D道具出黎叫小朋友分類

小朋友們個個都好投入

有板有眼架^^

✰✰✰ 離開公園向科學園出發 食個LUNCH先 ✰✰✰

係車上老師派貼紙 一人一大張呢！

黎到daddy日日lunch都黎既飯堂 XDDD

(daddy話估唔到放假都要返黎呢度啊！)

食飽飽上旅巴 睇下佢幾嘆！

(叫佢放返隻腳落黎唔睬我囉！

仲搞到佢隔離同埋隔離後面既同學仔

有樣學樣跟佢做 -_-")

✰✰✰ 嘉道里觀農場生態 ✰✰✰

聽姐姐講解1 - 如何保護環境

聽老師講解2 (英文) - 農場小動物

小芊芊想食脆脆 我慣手勢一定會幫佢拎

點知佢要自己來 將個背包掉前面自己拎個盒出黎

然後話：唔洗媽咪幫 我自己都識啦！ :):):)

哈哈哈 係屋企都係咁就perfect喇~

小芊芊實在太鐘意跳舞

之前停左兩個月冇學

就日日同我提住想跳舞想見Miss Yau

即刻同佢報返堂繼續學

聽老師講解3 (英文) - 田園農作物

又唔專心 一見到我就望到實 :)

一知道要回程 1秒內即暈！ XDDD

開心一天親子旅行

很充實地圓滿結束^^

✰✰✰✰✰✰✰✰✰✰✰✰✰✰✰✰✰✰✰✰✰✰✰✰✰

出發前兩星期

起初見小芊芊晚晚依依哦哦唱歌

(但只有音 d歌詞係芊芊話來的)

到上星期有一晚佢唱唱下

聽到好清楚幾句歌詞

〝手牽手往郊外去 嘉道里風景美和知識蘊藏…〞

一聽到〝嘉道里〞我就問佢係咪旅行歌

佢即刻好興奮 (因為終於有人聽得明！)

之後就日唱夜唱

兩大段歌詞 + 中英文version

一字不漏咁唱晒出黎

真心覺得學校好用心

每次學校有活動

老師們就會提早一兩星期前

跟小朋友灌輸該活動知識

中秋節有維期一星期的提花燈活動

Halloween party前兩星期教唱歌仔和節日知識

每次小芊芊事前都會回家後不停loop歌

前一日仲會好興奮咁話我知學校有party / 去旅行

今次學校旅行仲有埋

自家旅行歌

小芊芊仲好流利咁唱啱晒中英文版既歌詞

本身我對小芊芊學習上冇任何要求的

所以當我聽到佢唱呢首歌時

真係覺得好唔簡單呢！

除左增強小朋友對事物意識

亦都好欣賞老師背後的悉心安排

整個旅行唔係班主任與助教帶領

去到目的地自由活動咁簡單

佢地完全係出動全校既老師合作

係海濱公園玩既集體遊戲和物資搬運

還有係嘉道里既寓旅行學習既講解安排

雖然每年應該都係同一個模式

佢地已經係有系統運作

但深知佢地事前事後既工作量必定唔少

至少時間與精神也付出很多

我地從冇expect過

原來而家幼稚園既學校旅行

係咁有計劃咁有規模的喔！