冬日郊遊馬屎洲

2015年12月13日  星期日  陰

小芊芊 ☆ 38Months 2Days

冬日郊遊馬屎洲

聖誕look係時候出場喇~~~

一直想帶小芊芊來馬屎洲

我記得我讀中六時來過field trip

最深印象是夏天來熱得由頭濕到落腳趾尾

所以我們這次等秋冬日子才來

剛好這星期六日剛過初一

是潮退水位較低的日子

我們決定出發了

小巴下車就有好清楚的指示往屎屎洲 :)

小芊芊話舊屎係佢最鐘意既栗子 XDDD

上山沒多久已清楚看到對岸的觀音寺

三門仔入鹽田仔 一路都是石屎路

在地上拾到一支開滿花的茫草

很開心的邊行邊掃地 -_-"

很快就看到我們的目的地啦！

往前走到由連島沙洲就可以過馬屎洲喇~

小妹妹只肯上樓梯 唔肯落樓梯 -_-"

媽咪 你睇下~~~

呢個係呢度既景點黎架！

每個人見到都一定要影一張~~~

由大埔墟火車站坐小巴到三門仔

由三門仔經鹽田仔行過馬屎洲

沿路沒太多樓梯 即使上斜也很平緩

入到馬屎洲都是平路

所以大家都走得很舒服

加上這天天陰陰的 很清涼

不冷又不熱 hea hea地郊遊

當然有太陽最好啦~

風景會更靚！

到沙灘喇…不過好污糟…

小芊芊話唔開心

因為我地冇帶沙灘玩具比佢畢沙…

這個彎就是把馬屎洲與鹽田仔連在一起的連島沙洲

其實我地今日都好熱鬧

喂~你地行快D啦！

海邊風好大 小芊芊一遇上風就一定要帶帽

佢最怕比風吹亂佢D頭髮 超貪靚…

又要驚又想擒石頭

一坐穩就識笑喇~

坐定定任影唔叫

支丫叉行行執到既 小芊芊當佢寶仲當佢係〝YEAH〞XD

沙灘上好多大大小小唔同紋理既岩石

岩晒小芊芊四圍擒 不過要好小心睇住佢

總之一坐穩佢就會擺pose話影相

睇下我幾chok

森林中的小靈精

百厭daddy做咩事呢?

佢咪冒住濕腿既危險幫我地影呢幅龍落水合照囉~~~

辛苦晒daddy~~~

馬屎洲是個地質公園

在馬屎洲每走數至十分數路就會有checkpoint

可以看到不同的岩石形狀與地質

遇上大潮退可以綑岸玩

我們就這樣輕輕鬆鬆的

在這裡玩了4個小時

唔綑岸可走陸路

潮退可以走沙灘

回程沿路折返

去馬屎洲 其實可以選擇坐舢舨往返三門仔

以各香港的地質公園來比較

這公園是最容易到達的一個

遠比西貢全部山長水遠兼要長途拔足的

這個無論車程還是腳程都要簡單得多

個人不知道是否就是這個原因

這裡的垃圾污染問題超級嚴重

我們由三門仔一路進入馬屎洲的沙灘綑岸

沿路不斷的看見滿地垃圾

小芊芊也很好奇的問我

為何這裡到處都有很多垃圾…

〝 記著啊！ 

我們都要做個乖孩子

好好保護大自然

到郊外時

自己的垃圾要自己帶走啊！〞

所以…

小芊芊每次有咩垃圾

都會第一時間

交到我手中

-_-"

☆☆☆ 完 ☆☆☆