拍拖12週年之長洲海邊遊

2014年11月2日   星期日   晴天
小芊芊 ♥ 24Months 22Days
芊爸芊媽拍拖12週年之長洲海邊遊

我們的拍拖紀念
本是踏正過去的星期日
小芊芊那兩星期發燒加上嚴重傷風
我們紀念日那天只好留在那小小的房間渡過
這星期recover好喇
望住這個秋天風和日麗的晴空
向老公提議帶我們去的目的地出發

長洲今年第2次來
我和老公是第3次來
從2年多前第1次來就發現了的好地方
加上可以踏踏家庭車和掃小吃
我們都愛上了這個香港小島

這次一上岸就吃了5隻大蟶子
滿足了我的貝類海鮮慾後
就租了台家庭車遊島
上次小芊芊19個月還在用bb車
未肯自己落地走所以沒有向山上走
今次雖然都係抱多過行
不過行少少山路完全冇難度喇~

出發啦~

坐船期間既大半個小時

小芊芊不斷要我們輪流抱佢去船邊看浪花

佢又唔夠高自己企係度睇

我地想好好坐下都唔得…

一落船係lunch time

有少少肚餓

為左夜晚唔同人爭位坐

我地選擇中午食海鮮

叫左5隻巨形蟶子

好滿足^^

小芊芊一見到呢檔串珠仔好興奮

逐件拎黎玩

好彩店主好好人任得佢玩

佢呢個又話靚果個又話靚

不過最都好乖

我話 "玩完喇 我地去坐單車喇

放佢地返原位 同佢地講byebye啦"

佢放好之後就同逐件串珠講byebye

沿住張保仔洞既方向上山

會經過public toilet同bbq既地方

停低既呢個時候

小芊芊話要玩泡泡槍

一拎出黎唧 即刻變左

全長洲最受歡迎小朋友

不分國籍不分性別

個個圍住佢等佢開槍 XD

後記：

D小朋友玩到唔捨得走

佢地父母叫都唔肯走

結果我地3個同班小朋友玩左幾個字

最後我地話要上山喇

小朋友們就乖乖跟d大人走

去張保仔途中有條樓梯向下走的

因為下邊望落去係d大石頭好冇路咁

所以冇咩人會行呢條路

我地第1次黎行落去既時候

就覺得好似返左祖國行山咁

要捐窿要行石隙 (當然同祖國相比小型好多)

仲有迷你版一線天

過左一線天就發現呢個好廣闊既地方啦

行行下又話要玩泡泡槍

呢度冇遮冇掩仲好大太陽

難得有個有蓋坐椅

放佢係度慢慢玩先

我好鐘意呢張相呢 個表情可愛~~~

睇佢幾認真 有瞄準發射架~

之後抱左佢落大石頭度繼續玩

呢度冇咩人可以點走都得

岸邊好多滕壺

帶小芊芊去認生態

小芊芊都好好奇

係咁篤佢地

開始潮漲 見到d浪花拍上黎好開心

d浪差唔多沖到上腳邊

佢仲話要落去玩水 哈哈!

呢邊有個貴妃池

小芊芊都好有興趣

如果唔係d石邊有咁多滕壺

我地可以放對腳仔落去浸下鹹水 :)

呢邊除左滕壺 仲有好多蠕動緊既螺仔

小芊芊好眼利見到佢地郁

所以我執左d上黎比佢認識下

佢係咁話呢度有果度有係咁叫我拎上黎

今日曬左少少

但望住個海吹下海風

坐一個下午都好舒服

我同阿女係度影返幅

在大石中心呼喚愛先

要抱住個未識爬大石既小朋友

上返去水泥路唔係咁易

因為千千媽都要daddy幫手先上到

daddy一顧二唯有放低個女扶左老婆上去先

呢個小朋友好乖乖

企定定係度睇住媽咪上去

呢幅係離開前

daddy試下小芊芊上唔上到大石先

試左ok先扶我擒上去

兩母女安全到平地喇

小芊芊睇住爸b擒上黎

呢d咁小型既 就由得佢自己擒啦

玩玩下同我地講佢要訓覺

真係好搞笑~

落山踩單車返出碼頭附近喇

買左d小食搵位坐低開餐

我地叫栗子怪拎住包栗子影張相

佢就冇我地咁好氣鏡頭都唔望下咁敷衍我地-_-

食住栗子影kitty格仔餅

佢唔影我地自己影

總算有返少少拍拖時既"純真"

(我係指行為 XD)

食完野小芊芊又話要望海

之後同佢去左個遊樂場玩

快門狂按先搵到幅咁童真既泡泡照

XD

夕陽無限好

坐船回家lu~~~

❤❤❤完❤❤❤