秋日踢水沙灘樂

2014年11月23日   星期日   晴天
小芊芊 ♥ 25Months 12Days

西貢區堆沙比賽2014‧清水灣二灘

來個秋日兔仔踢水look先 :)

就在早兩星期

青青姨係康文署網頁發現了

清水灣有堆沙比賽睇

話未睇過想睇下

我諗住小芊芊咁愛玩畢沙

一於帶埋佢去啦

順便去玩畢沙

一個風和日麗的大好晴天

我地下午悠閒地出發

比賽朝早10點至下午2點

我地諗住去睇成品

所以2點後先去到沙灘

起初還以為場面好浩大

不過見到的成品都好似好簡單咁

最有看頭就是全場總冠軍的城堡

係一班20多歲既青年堆的

見佢地一直研究邊度堆得唔好

看似好專業呢!!!

碧海藍天 水清沙幼

第1眼見到呢個冠軍作品

心諗：咁簡單架咋…我都堆到喎…

大白鯊都係簡單咁…

豬頭同獅子複雜dd啦…

呢隻龜都係簡左d吧…

不過小芊芊見到大龜身上同身邊果d小龜龜

好開心係咁話有好多龜龜

仲望住我講：

〝媽咪, 我想摸下d龜龜呀!"

呢條美人魚有返d睇頭喇~

美人魚挨住後呢座城堡

呢個似返一個堆沙品

呢個係全場總冠軍

真係有城堡有橋有樓梯有建築物有樹

仲有車有人有動物

好大陣容

呢班紅衫參賽者好有心機呢~

比賽完左仲見佢地坐係度討論緊自己既作品

小芊芊企係度欣賞左好耐

仲對個獎杯好有興趣 XD

小芊芊見到D作品都哇哇聲

個個作品都走去睇下

睇完同我講要畢沙沙

搵個靚位落腳比佢慢慢玩

玩玩下沙沙話要畢水水

於是帶佢去岸邊踢下水

踢踢下仲叫我帶佢行出d

我：媽媽唔行啦 媽媽唔識游水呀

芊：媽媽唔識游水我識游架!

哈哈哈哈!

有隻BB掛住畢沙沙

投入到乜都聽唔到

叫佢同青青姨影相佢都冇睬我…

乜畢沙沙真係咁吸引咩…

畢畢下沙話要畢水水

但帶佢到岸邊佢就拑實我唔肯落地

原因係佢聽到我同青青姨講d水好凍 XD

tum佢一陣終於肯落地喇

今次唔怕沙沙拮腳喇

呢度D沙夠晒幼

D水一沖埋黎

小芊芊勁開心

之後扯住青青姨姨話想行出D

見到D沙軟淋淋 想鑽隻腳仔入去

跟住"了"左D沙係腳面

咁又開心一餐

仲發現左自己D腳仔印

發現左之後博命咁踩 XD

踢水越踢越起勁

阿女 唔好踢濕條褲呀

媽咪唔記得左帶褲仔比你換呀!

玩玩下又話要洗手

要我載d水去花灑壺度比佢倒水

"媽咪, 我好想游水水…"

(同我講冇用 同你daddy講啦!)

今日好好太陽

海邊好好風 太陽下既涼風真係舒服

雖然涼涼地不過都有唔少人游水呢!

仲見到好多binkini靚靚走黎走去

原來秋日去沙灘好舒服

坐車唔多人沖腳沖沙又唔洗排隊

玩下沙踢下水曬下太陽野下餐

一個好寫意既下午

小芊芊晚上臨訓前同我講

"媽咪, 我真係好鐘意畢沙沙架!"

小寶貝 媽咪知喇~

我地一有時間一定會再黎玩架!

"媽咪, 青青姨, 要一齊踢腳架!"

☀☀☀ 完 ☀☀☀