2015年4月3日 星期五 晴
小芊芊 ♥ 29Months 23Days
Easter Holiday DAY 1
OCEAN PARK
我地出發啦~~~
早兩星期公公生日天
公公婆婆帶左小芊芊
公婆孫3人行去左海洋公園玩
回家後同我講海洋公園好好玩
成日同我講婆婆同佢坐左藍色摩天輪
仲有坐左魚魚旋轉木馬
似乎玩得好開心咁喎
於是我一早定好小芊芊兩歲半正日
同daddy再帶佢去海洋公園玩
3公婆孫去海洋公園當日
公公whatsapp過來給我看的照片
Easter期前一晚我地係婆婆家
hubby打來約我們明天10點在金鐘等
和他兩位同事的兩個family一齊去海洋公園玩
其實我一早批中左呢一日我會好唔舒服
唔舒服點帶住個女去玩呢?
但見佢咁想帶個女去玩又約好晒
我地又有annual pass 下個星期可以再自己一家去
咁就捨命陪君子啦~~~
而家去海洋公園影全家福好方便
周圍都有staff走埋黎話幫我地影相
今日真係好天到呢~~~~
到底同8月有咩分別 ?!?
青青姨聽到我地話去海洋公園
問我做乜好揀唔揀揀咁鬼多人去果日去…
去到門口 真係好多人呀
不過入到公園又唔係咁擠擁既
由於我真係唔係咁舒服既關係
要排隊超過半小時的項目
我地就留返下次先去
海洋館要等45分鐘先入得
所以我地pass左
小芊芊見到鯊魚先生話要合照
新開既樹熊館又係大排長龍
又留返下次先去咯~
至於同事們嘛…
其實3家人堆埋一齊玩真係唔係咁易
事關一個family渣車去10點鐘到公園要勁玩
另一個family渣車去遲D到講明hea玩
我地就坐車去差唔多12點先到公園
3個男人瘋狂whatsapp各自報告行蹤
見到就見盡量都撞下大家 -_-"
哈哈…咁hea既約會真係好鬼搞笑
小芊芊今次係第3次黎海洋公園啦
不過daddy mami同佢一齊黎都係第1次
我地都係悠悠閒閒咁hea玩
見唔多人排隊果d遊戲或者場館
我地先排隊去玩/睇
所以唔係玩左好多地方
不過都夠我地攰爆啦！
第1樣玩既就係旋轉鯨魚
自己一個坐笑成咁既…-_-" 好驚咩…
哈哈…大膽左好多架喇
早幾個月坐木馬攬到我實一實架
條魚一郁就好開心啦~~~
happy girl~~~
笑得幾開心 ^3^
話說呢隻豬 上次同公公來時
小芊芊已經好想擁有
回家後同我講好想要豬豬
婆婆話公公玩左50元攤位遊戲中唔到
所以空手而回 但小芊芊同婆婆講好想要…
我聽到那刻好想擲一隻回來呢…
於是我地見入場唔洗錢
daddy就豪一次送出一條紅衫魚
去同個女一齊抛圈圈
抛中兩個圈入可樂樽就有架喇
我個叻叻hubby真係抛中左兩個圈呀~~~
可以帶豬豬回家咯~~~
如果今日入黎要比錢
我地真係唔會咁大手筆架
而事實上屋企已經好多公仔 我好怕再有更多公仔
但呢隻豬造工好靚 我又真心幾鐘意喔
見到佢地咁特出 抱住個女都忍唔住要拎部手機出黎影下 XD
上到山 見迴旋塔條隊唔太多人就走去排
小芊芊最舒服 累就有得訓有得坐
太陽晒時 仲有專人幫佢遮陰呢！
排左幾個字就有得坐啦
好陽光 影風景很不錯
小芊芊見到個摩天輪話一陣要去玩
仲講明要坐藍色既 -_-"
不過最後唔夠時間冇去到
之後去左睇企鵝
大家睇企鵝都睇得好入神 :D
小芊芊話隻企鵝反轉左游 :D
我同daddy其實唔好玩主題公園
以前拍拖去旅行 次次去海洋公園迪迪尼
都係同事約 or 帶外地朋友去
至於今年有2張annual pass
都係hubby上年公司xmas party抽中既三獎
今日我地離開公園坐車既時候
我地兩個心靈相通咁提出
下星期都係唔好去喇
XDDDD
✪✪✪✪✪✪✪✪✪✪✪✪✪✪✪✪✪✪✪✪✪✪✪✪✪✪✪✪✪✪
夜晚有下場 同公公慶祝生日
好耐冇試過一家人食韓燒
小芊芊話個蛋糕好靚
係咁問今日係咪媽咪生日XD
✪✪✪ THE END ✪✪✪
沒有留言:
張貼留言