小芊芊 ♥ 28Months
2015年3月12日 - 2015年4月11日
Week126 - Week131
888 - 918 days
我的寶貝藍精靈^^
Height：87cm
Weight：12kg (26lbs)
Foot length：14.5cm
No. of teeth：16
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
飲食方面
奶 - ILLUMA 3 早晚各1餐 每餐5安
正餐 - 都係咁 食得晒 但食飯要食1小時或以上
食粉粉面面就肯自己食下 通常半小時食晒
小芊芊試左佢人生既第1條朱古力條 XD
當佢見到條朱古力條時
係咁望住我同我講話〝芊芊唔食得架…〞
其實佢好想食但又唔敢食
呢位好乖既小朋友又識得適可宜止
我話食兩條好喇
佢真係食兩條就收口 :)
開始肯食下水果
不過都係要叫要tum先肯食少少
奶 - ILLUMA 3 早晚各1餐 每餐5安
正餐 - 都係咁 食得晒 但食飯要食1小時或以上
食粉粉面面就肯自己食下 通常半小時食晒
小芊芊試左佢人生既第1條朱古力條 XD
當佢見到條朱古力條時
係咁望住我同我講話〝芊芊唔食得架…〞
其實佢好想食但又唔敢食
呢位好乖既小朋友又識得適可宜止
我話食兩條好喇
佢真係食兩條就收口 :)
開始肯食下水果
不過都係要叫要tum先肯食少少
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
VVPOOPOO
VV基本上都控制得好好
急既時候識得叫我同佢去potty
自上月發現佢寧願忍vv都唔肯去片片
即刻係淘左個流動potty比佢
果然比換片片方便好多
乾濕紙巾都慳返唔少
至於poopoo叫做改善左少少
因為29月個月正式為佢引入西梅汁
每日一杯西梅汁
先係婆婆屋企住既日子試左先
的確係有明顯既效用
早排真係隔4-5日先見佢話想去poopoo
飲左西梅汁後每日或者隔日就想poopoo喇
而且poopood texture好健康的~
(扮野中 真係扮到7情上面…)
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
能力與發展
說話方面係超乎我想像的
除左發音同口吻cope到跟我地一模一樣外
運用語句更是完全恰當的
好多時我同daddy / 婆婆聽完都好surprise！
根本冇諗過未足3歲既人仔會咁識講野
TROUBLE TWO到無朋友
叫佢唔好做呢樣佢就專登做比你睇
做比你睇都算
仲要講〝我要做XXX〞…
好鐘意食非食物既物體
唔知係咪發牙痕
除左佢覺得污糟既物體
其他佢都會毫不留情咁往口裡送…
例如泡泡浴畢畢下泡畢埋黎食
又或是係沙灘畢畢下沙畢埋黎食咁…
真係快手到捉佢唔住
冇佢咁好氣問佢好唔好食…
佢又會答我唔好食囉！ -_-"
playgroup派成績表
所有要學既野都掌握得好…
唯獨唱歌仔 - 評分係未能掌握…
於是順便搵老師問下小芊芊既學習水平
老師叫我放心 因為佢所有野都發展得好好
尤其是說話能力&理解能力
可以放心比佢讀我地幫佢揀果間學校
希望小寶貝到時會讀得開心啦
〝點解冇0既?〞
平日間唔中婆婆會帶佢去行下
去到呢度唔洗抱架 佢自己仲識帶你周圍行 :)
佢話訓覺要有鼻寒個喎@@"
成日點完自己名叫到之後
就點我地個名要我地講到
講完到佢就會拍手話〝好野〞
然後就會講〝XX請坐, 乖仔！〞
我次次一聽到佢叫我地乖仔都忍唔住笑~~~
尤其行街街 見到高左級既圍欄或花槽之類的
本來扭抱緊既佢就會自己話要落地行上去 :)
仲有好鐘意玩跳彈床
玩充氣果D仲開心
未識得不停咁連跳 試到一兩下
通常跳完坐係度又起身再跳
大肌肉發展得好好~~~
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
出神入化的唱功 :)
平時係屋企自己玩時
小芊芊乜都唱得一餐
不過一叫佢唱黎聽下佢就停口…
有樣野都覺得好意外
一首日聽夜聽既歌佢喜歡的話會non-stop咁聽
但一日未識歌詞佢係點都唔會唱出口的
但係會不叫你唱比佢聽
到佢識唱肯開口唱時
係全首歌既歌詞識晒+發音準確
28個月最愛唱中文歌洗白白
仲有Row a Boat 中英文版
同埋 5 Little Monkeys Jumping On The Bed
好鐘意講醫生對白〝Oh！No more monkeys jumping on the bed！〞
29個月每日一曲英文曲：
The Wheel On The Bus
Rain Rain Go Away
Sally The Camel - 好鐘意講〝no humps〞
除左正經咁唱到整首歌
然後仲陸續會出現各種不同類型既版本
有歪音版的氹氹轉菊花園
(用有大陸口音既廣東話channel去唱)
仲有連歌詞都改埋既London Bridge Falling Down
等等等等… XDDD
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
小芊芊語錄
雖說做父母要身教
不過父母既壞習慣又唔係一時三刻可以改得甩
有時我講左出口既野 真係收唔返
佢係我唔知既情況下學左一D都唔出奇
但令我驚訝既情況真係時有發生
因為佢唔係念口黃 而真係知係咩時候講…
例如我有次話佢食飯成日都成剩一兩啖
問佢食埋佢得唔得架
佢答我〝求其啦…是旦啦…〞-_-"
婆婆見小芊芊擒椅子
然後又坐住咁線落地下
婆婆話佢：你唔好再擒喇 一陣跌屎你呀…
(其實「跌屎你」呢句野由細話到大)
跟住之後有日婆婆企上椅子度掛衫
小芊芊指住婆婆同婆婆講：
〝你企咁高小心跌屎你呀〞
婆婆話唔知好嬲定好笑
但我就覺得超好笑 XD
有日一早起身佢就衝左出廳
我係房門口大叫〝你好同我出去著返對拖鞋啦〞
其實對拖鞋係我腳邊
佢見到就hehehomhom咁走過黎我腳邊
邊著拖鞋邊望住我同我講：
〝媽咪 你玩我咩！〞
未得清醒既我仲以為自己講緊野
d語氣同語調同我講出口既一模一樣架！
話說小芊芊呢排晚晚冇12點都唔肯訓
daddy呢排都成日開OT好夜先返
有晚daddy11點幾返黎一打開房門就聽到阿女唱歌
馬上反應〝你有冇搞錯！咁夜仲未訓？〞
說時遲那時快 個八妹仔用同樣既口吻回應：
〝你有冇搞錯！你做乜唔著衫！〞
結果剛沖完涼既daddy要立即撤退出大廳
等掠透個身著返件衫先敢入房
笑足我幾分鐘呢！ XD
〝媽咪 我要咁樣影張相呀！〞
我好叻架！ 我叻過你架！〞
〝真既飯飯係食既 假既飯飯係AUM既〞
(AUM既意思係份食 唔放入口的)
媽咪你幫我同鹿鹿影相吖
我要做10個表情影相呀~~~〞
跟住不停咁做10個表情比我影 ^3^
仲要係用可憐MODE的
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
LITTLE PREETY
每次見到靚靚床就要訓上去
好期待快D有間靚公主房比寶貝女
婆婆成日話呢個笑容太OVER
我唔覺架 仲好鐘意tim！
因為呢個係寶貝女發自真情既開心笑容
只要小芊芊開心
做咩表情我都咁鐘意 :)
每次玩煮飯仔都好專心
彩色波波池係小芊芊至愛
我都好愛係波波同小芊芊影相
佢係波波池個表情永遠都係好鬼開心^^
I LOVE YOU TOO呀寶貝女~~~
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
SLEEPING BEAUTY
仲有一時時出現既霸王式睡姿 XDDD
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
FAMILY HAPPY MOMENTS
仲開心過阿女 ^^
當日佢地教小朋友既主題係《家庭》
開始時老師問小朋友最喜歡的人是誰
小朋友有些答婆婆 嫲嫲 公公 姐姐…
老師讚小芊芊最叻
因為只有佢答老師 〝媽咪〞
我聽到之後心都甜晒呀
開始有少少覺得自己都算係一個成功既媽咪
我會繼續努力加油架^^
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
MY LITTLE SWEETIE
睇下我地既笑容係越來越開心架^^
而家好識蝦daddy架 XDDD
唔經唔覺就兩歲半
小寶貝真係大得好快好快
我要抓緊時間好好珍惜我地貼身相既日子
時間啊時間…
你可以唔好走得太快嗎？
2 YEAR OLD MONTHS REVIEW
"最喜歡的人是誰....小朋友有些答婆婆 嫲嫲 公公 姐姐…" <---姐姐是指工人定真的姐姐啊?
回覆刪除如果係工人姐姐，果位媽媽一定好心碎了.....><""
眼睫毛長長....靚靚呀 ^^
婆婆話應該係指工人姐姐 XD
刪除其實如果肯花時間陪子女 就算有工人姐姐都會最愛daddy mami吧~~~
最喜歡的人是誰.....小芊芊答老師 〝媽咪〞... (俾我會感動到喊囉!!)
回覆刪除我最鍾意係小芊芊的睡覺LOOK, 因眼睫毛好好好長呀!
我聽到開心左幾日呀, 真係好touching呀~~~
刪除我覺得個個bb訓覺個樣都特別可愛架^^
不過小芊芊d眼睫長到有時會拮到眼仔…