我家的佻皮小花女

2016年1月16日   星期六   雨

小芊芊 ❀ 3Y3M5D

小芊芊第2次當花女

兩隻小可愛^^

等這一天我等得頸都長了

2016年我家第1樁喜事

我親愛的細佬娶老婆啦！

呢個細佬其實係我堂弟

不過我地親到好似親姐弟咁的

所以細佬結婚

係我人生其中一件大事黎架~~~

一朝早我地就去叔叔屋企

準備飲我既弟婦茶 XDDD

中午同親戚飲茶後就齊齊出發到荃灣

坐專車入愉景灣觀禮和飲宴

細佬去年落訂教堂時

就已跟我說要找小芊芊當花女

有了上一次表哥婚禮的經驗

今次堂舅父婚禮前一星期

我就briefing一下她要做花女行教堂

仲要佢帶領花仔一齊行呢~~~

她一直都好期待架！

小仙女出場啦~~~

(要讚下自己先~條紗裙真係買得好~

料厚夠暖又有lace 長裙長度啱啱好

完全好似度身訂造咁 平靚正之選~)

仲可以襯埋婆婆之前買比佢既毛毛外套

(呢個頭花上次表哥婚禮買的

不過最後冇用到 今次又夾唔到色

都係冇機會出場…)

我預早選好了一長一短既靚裙仔

最後決定唔到要邊條

於是比返佢自己揀 :p:p:p

本來堂舅父諗好想佢著短裙仔的

不過小芊芊堅持要長裙

仲同我講要渣花球

婚禮前兩天紗裙仔先拎到手

幾驚唔合身再買買唔切

出乎意料條紗裙好靚好fit身

著起長度剛剛好唔會阻住行路

小芊芊著起好似小仙女吖~

一去到教堂即刻換好衫先

專車去到教堂門口

舅母和我馬上入教堂讓小芊芊換裙仔

一出來就碰上花仔啦

花仔好可愛 比小芊芊細幾個月

因為比較怕羞 所以要小芊芊拖住一齊進場

本來細佬想小芊芊邊行邊拋花瓣

最後決定拖住手進場

間教堂白雪雪 好靚~好靚~

你估下花女係度做乜？

咪係度show隻舅母啱啱行街時買比佢既

介指仔囉！

睇佢兩個幾有交流~~~

望住佢地個背影好得意

真面仲可愛 兩個又肯拖手又肯笑

仲肯企定定任你影

好似佢地係主角咁 XDDD

儀式一開始

兩隻小可愛手拖手行得定定的

carmera man將鏡頭close up既時候

小芊芊突然間拖住小花仔向前衝

daddy係前排 小芊芊就甩拖飛左去daddy度…

賴。低。左。花。仔。。。

全場都笑晒 話佢地

好。得。意。。。

呢隻hyper妹…全日都好hyper…

完全估佢唔到囉…

進場一刻~~~

好浪漫好warm既婚禮^^

mission搞笑地completed

小朋友既野真係冇人預料得到

今次搞笑暴走

好過上次爆喊出唔到場啦 XDDD

細佬話家嘛 唔好喊就得架喇

今次冇喊架 仲勁hyper好好玩

行禮之前同婚禮d兄弟哥哥hi晒five咁

同小花仔拖住手仲有傾有講

家下竟然仲識吸引全場觀眾笑！

觀禮完畢 有馬車坐~~~

兩隻馬馬好靚仔好大隻呢！

由於太大風幾凍下

加上小芊芊太hyper冇時停

我捉佢捉到好攰

戶外相都冇乜心機影

拿拿淋入左酒店

對上一次做花女只係事隔7個月

(重溫：婚禮中的隱形小花女)

返左學+識野多左+懂跟人相處

明顯地醒目左好多

只係…千千媽唯一想怨言一下…

女啊女…

你有返d淑女風範好唔好啊？！？

晚上飲宴 小芊芊仍然hyper

叫佢同堂舅父舅母影相 佢就搞搞震

細佬弟婦 祝你地幸福快樂！

快d生個小表b同小芊芊玩啦^^