小芊芊反轉嘉年華

2016年1月8日  星期五 雨

小芊芊 ★ 38Months 28Days

AIA The Great European Carnival 2016

呢日又大雨又凍

一整天落住唔大唔細既陣雨

天氣陰陰冷冷又濕漉漉

一直對機動遊戲之類的遊樂場冇乜興趣既我地

應曹姨姨早幾日既誠意邀請

雨濕濕都照去啦！

其實呢一日係AIA員工免費玩樂日

AIA員工憑園票可以去嘉年華玩足全日

就係中環海皮既AIA歐陸嘉年華喇~

我同hubby一齊咁多年

都係第1次去咋 XDDD

除左門票免費

嘉年華入面所有機動遊戲都全免

唔洗比coins (除左攤位遊戲)

其實曹姨姨 我與daddy都對機動遊戲一般般

尤其我地年紀咁大→←

齋企係度望住頭頂係度轉轉轉果d野…

已經wing wing地 XDDD

今日主要都係陪小芊芊玩

入場搵野玩啦~~~

一去到就話要玩旋轉木馬

仲話之前坐過會郁既馬

今次要坐唔郁既馬車 XDDD

真係完全估唔到

原來呢度有好多好多好多機動遊戲

根本就係為小芊芊而設架呢！

由於我地放工食埋dinner先入場

所以只係玩左短短兩小時

但呢兩小時小芊芊係不停咁玩

最爽既係唔洗排好耐隊

有好幾個遊戲小芊芊仲可以好快咁返兜玩多次

呢個好得意 細細版既轉轉輪

小芊芊排隊時見到坐上去D哥哥姐姐係咁叫 覺得好得意

所以到佢坐時一轉到上去 佢又學人大叫 超可愛~~~

到落黎仲同我講大叫好好玩 XDDD

staff 叫 hands up 個個都乖乖 hands up

本來係我同小芊芊一齊坐小飛象

怕唔識制高低所以由daddy陪坐

唔好講笑 最高既時候都升到好高

加上當晚好鬼大風 我自己一個坐真係怯怯地

年紀大左心血少 XDDD

小芊芊話呢個London Bus好悶 XDDD

事實係幾悶 就咁轉又冇燈光 最唔吸引係呢個

小芊芊開始識mcqueen

一見有樣既車就話mcqueen XD

咁梗係要坐啦

呢個遊戲轉彎轉得超急 daddy話我腰骨唔好唔岩我玩-_-"""

所以佢同個女玩左兩次！

再同曹姨姨玩多一次

轉彎時小芊芊講：

" 曹姨姨 我陪住你坐 你唔洗驚架 坐穩就得架喇~ "

XDD

青蛙跳 都玩左兩次~

最後呢個小小過山車 有好多架唔同款既靚車車

小芊芊好鐘意 一共連玩3次

小妹妹真係大個女啦！

知道有啲遊戲大人唔可以陪同一齊玩

佢都肯自己同d唔識既哥哥姐姐一齊玩

仲會好有主見 唔洗你提議遊戲比佢

佢見到有乜想玩就會出聲

玩既時候仲好enjoy好投入呢！

而且而且~~~仲好鬼膽大~~~

成日話想玩係我頭頂轉轉轉…

啲人係上邊叫晒救命果d大型機動遊戲……

佢話唔驚架喎…

仲話有佢陪我玩我就唔洗驚 XDDDD

小芊芊同我講左好多次好想玩呢個……

daddy 睇黎好快你就要面對架喇 XDDDD

個女叻過我好多好多呢~

聽住怇呢D童言童語

真係好窩心吖~~~

見到佢玩得咁開心

呢晚我真係唔捨得帶個女離開呀！

我好想陪佢玩晒全場佢都岩玩既遊戲呢！

下一年 曹姨姨一定要再預我地呀

我實會請日假一齊玩足全日架！

BYE BYE喇~~~

希望出年可以有機會玩個夠啦~~~