小芊芊 ♥ 18 Months成長印記

小芊芊‧18Months
2014年4月12日-5月11日
Week 79 - Week 83
547days - 584days

Height : 78cm

Weight : 9.2kg (20.2lbs)
Foot length : 12.5cm
No. of teeth : 6 (4 more growing up)

出牙仔

停左3個月 終於有牙仔出喇
現在依然係上排4隻門牙和下排2隻門牙仔
下排第3,4隻牙仔仍然未有動靜
但4邊牙肉內裡都腫腫地 仲feel到硬硬地
有4隻大牙要出黎喇
所以小芊芊呢排牙痕

好在咩都肯食 仲食得幾好
亦都好在好少咬人以外既野 :p
但成日周圍咬人肉 中招最多既當然係媽媽我啦
膊頭 手 大脾 甚至我個咀 (!) 佢都唔放過
其次係爸爸 婆婆 嫲嫲

呢個小朋友

最開心就係同佢係大床玩

彈黎彈去就笑到睇牙唔見眼

下面得兩隻牙仔

所以出盡力都係靠上兩隻同下兩隻門牙

佢見我叫痛都會收口

不過真係好鍾意咬

而家18個月差唔多晚晚都要咬下先安樂

餐食
•lunch : 3餸軟飯 / 粉 (大人standard碗滿碗份量)
•dinner : 3餸軟飯 / 粉 (大人standard碗滿碗份量)
•由爛飯轉食軟飯
•魚肉(紅衫魚鯇魚三文魚驢魚)/瘦肉 或3齋間餐食
•兩日飯1日字母粉 / 通粉 間住食 
•fruit: 香蕉 火龍果 西瓜 蓮霧
•snack: 卡夫芝士  面包  動物餅餅

1. 軟飯的開始
見佢出牙仔 肯定好想搵野咬/趙
於是叫婆婆同嫲嫲煮淋少少既大人飯比芊芊食
點知兩個都唔理我 我講我的 佢煮佢的
一般老人家思想 冇牙仔怕佢消化唔到

我比其他在職媽媽更有難處
媽咪同奶奶都唔比我同廚房有接觸
兩邊都唔比我煮野比個女食 (要由佢地煮…)
我只可以不停用梵音催眠佢地 (當然功力未夠!)
婆婆還好 起碼肯將食物大粒砌
小芊芊都有野趙下
但嫲嫲依然連菜都砌到碎一碎
小芊芊基本上吞就可以
叫左好多萬次先肯將水了了的"爛飯" 轉做結tat tat既軟飯…

2. 多點雜糧
一開始食固體的時候
已提出間餐食粉面 / 飯
不過當然兩老又唔理我啦… (無限個無奈!!!)
直到我向奶奶講健康院姑娘講關於bb食既情況
佢忽然抛句 : 咁我隔一兩日煮通粉 / 字母粉佢食啦!
由佢提出真係好 我唔洗再講到口乾喇~~~

3. 終於肯食返水果喇

呢期捲土重來肯食返蕉蕉
想食時仲會主動指住香蕉叫蕉蕉 / nana
切左粒既西瓜 火龍果 蓮霧 都肯食
近來奶奶經常買榴槤
小芊芊一聞臭臭果就耍手擰頭 走都走唔切
不過甜既生果我都盡量少比佢食
即使香蕉 一起斑就唔會比佢食
咁細個都係唔好食咁多甜野

4. 零食

零食佢唔問我基本上唔會比佢食
最近比佢食下紫菜 (少鹽的 只限食2塊仔)

酒樓點心我到而家都唔想比佢食住
就算食都要過水先
什麼蛋tart 蛋糕 終於肯試下 but唔好食
砵仔糕有咬口 好鐘意食
雪糕仲係嫌凍 食一口就推開
健康的雜糧如芝士 烚粟米 烚蛋 最愛 

呢包食唔停口既非油炸菜條

小芊芊超愛吃

每次只會比佢食幾條

我一打開佢就搶左包條自己慢慢食

要引開佢注意先收得返

我而家都唔會叫奶茶咖啡飲

因為佢已經識搶杯飲

唯有叫檸水啦 (唔落糖的)

第1次比佢飲就學識左咩叫酸

每飲一口就叫一次 "酸酸"

奶奶

•2號奶 : 早餐7am / 宵夜10pm

•每餐5安
•cut左下午茶奶
經我和婆婆親身頭幾次試幫芊芊戒下午茶奶成功後
接住平日既日子婆婆和嫲嫲堅持skip呢餐奶
一個星期後小芊芊扭訓午覺經已冇要奶奶喇
即使佢話要奶奶 我就同佢講
" 大個女啦 可以唔洗飲奶奶啦 "
跟住小芊芊就好乖冇再扭食喇

我放假既時候 早奶都會skip
整麥皮+蛋 / 鈣思寶+家樂氏 比佢食
都ok呀 都食大人1碗份量

夜奶係一個習慣
佢比較愛呢支奶奶
一沖完涼就奶奶奶奶叫
暫時未諗住stop佢 遲d先

訓覺

•婆婆家：媽咪返工(8:30)佢就起身

•嫲嫲家：9-10點起身

•午睡：多數3-5pm, 飲完下午茶奶就訓

1. 睡眠質素

係夜訓 不過晚晚都可以一覺訓天光
我放假時10點上床11點入睡7點醒 都訓到8個小時
平時就10點上床11點入睡9-10點醒 訓到10個小時

2. 自己睡午覺

嫲嫲湊 - 午睡仲會抱住訓

婆婆湊 - 自己訓

其實我一直唔係咁信芊芊會自己上床訓
有日係婆婆屋企 差唔多3點
小芊芊開始扭眼訓 唔肯玩又憫憫地咁
婆婆就同佢講 "乖乖 拎個枕頭仔去婆婆床度訓啦!"
阿女真係走左去我張床度拎自己個枕頭仔
然後走去婆婆房擒上床 仲即刻訓埋tim
媽咪好勁呀! 可以train佢自己上床訓
連我都唔知自己個女會識得咁樣訓覺架!

3. 夜晚爸爸陪住訓都ok

而家夜晚訓覺唔一定要我喇
(只要媽媽陪覺覺豬既階段實在過得太快喇 :( …)

爸爸陪訓覺 不過唔係咁快訓到

我一入房佢就好開心

仲試過推開爸爸叫我訓 (因為爸爸訓住我平時陪佢訓果個位)
哈哈哈哈

有兩日b trip過左12am至返到屋企
1晚係爸爸陪住訓 1晚係婆婆陪住訓
雖然磨好耐至訓著 但都叻叻喇

4.  知道10點要訓覺

其實小芊芊最多野講既候就係訓覺前
我陪佢訓 佢會不停講外星話
吧吱吧吱吧吱 balibalibali belibelibeli咁樣…
當我覺得煩煩地既時候
我就話 : 望下個鐘 10點喇 小朋友要10點訓覺架!
跟住佢就會訓返正個位置咪實對眼比我睇!
然後好快 佢又繼續balibalibali belibelibeli…
如是者 我要不厭其煩講多2-3次 "10點喇小朋友…"
講到差唔多11 點 佢先會正式入睡
XDXDXD

放假有媽媽係度 叫佢訓午覺真係好難

呢日因為前1日打5合1所以發燒燒

好彩唔高燒 最高38度 燒足1日後就退晒喇

唔肯貼退熱貼 要訓著先貼到

但醒左又即刻比佢撕掉…

weewee & poopoo 

1. poopoo質量有改善

•日子不定 - 有時連續兩日有 有時隔3日都唔去

•時間不定 - 有排定時朝早10點去 但隔一排又變左食食下晚飯去…

•texture - 多數又黃又軟 

呢期肯飲水水同食nana

poopoo好左 多數都金黃色同淋身的

2. 叫佢poopoo都會做

而家見佢當日冇poo過
都會提下佢叫佢poo下
叫左 佢又會聽下 走埋一邊谷
不過硬係唔明白 點解poo完仲可以腚住塊屎片周圍走
有時叫佢換片片佢仲走佬唔肯換
真係服左佢!

3. 甘甘條仍須出動

有日見佢谷過兩次poopoo都冇poo到
但我又冇為意 因為佢昨日poo得好自然
點知佢一整日都谷唔出
夜晚我地抱佢出左去食飯
我地食食下飯佢就扭 平時好少咁扭

知佢谷poopoo 就由得佢用下力
我地就繼續食野
then佢就谷到面仔紅晒 仲爆喊
真係嘈住其他人 所以爸爸食完就抱佢出去

由於我地手上只有一塊片同一盒濕紙巾
爸爸急急腳去manning買左盒甘甘條
又竟然比爸爸買到我地一直搵唔到謝醫生開比芊芊既甘甘條牌子
(好囉 唔洗再問謝醫生攞喇~~~)
阿女先破涕為笑咋!
今個月 算係咁啦 希望越黎越好啦!

4. 初試potty小成就

上個月比廁板仔佢試坐唔成功
婆婆買左個好樣衰既potty回來
點知小芊芊好鬼鐘意喎 真係估佢唔到

初初買返黎 佢係都要企入去
再唔係就放d lego入去… -_-"
我地教佢坐坐 然後講shushu / weewee
佢一坐落去就講shu… shu… shu…
真係成功左 shu左weewee出黎呢!

係婆婆家既早上 每朝婆婆幫佢解片
就叫佢坐係potty度 多數都有wee wee
初初一wee完佢就走佬
婆婆比張tissue佢同佢講要抹抹
之後就識拎張tissue先坐potty
wee完 / 或者未wee又想起身既時候
就gut起pat pat仔用tissue抹抹
學得好快呀!
不過通常朝早肯坐
下午佢又未必肯坐

婆婆買既樣衰potty

其實大大話話買過3個款

價錢由99-2XX

但都唔及呢個18蚊雞既膠質燙煲 !

既然係1個過渡期 

貪靚既媽媽就算啦 最重要阿女受落

婆婆話我呢d野都影一餐

阿女第1次自己完成既weewee喎

梗係要影低佢啦 !

認知能力

•眼 耳 口 鼻 頭髮 牙牙 面珠登 頸頸 膊頭 膝頭 腳板 patpat 手指 腳指識晒

•街上事物：車車  燈燈  花花  星星   垃圾桶

•玩具：波波 Kitty 杯杯

•動物：識講  bird bird  蛙蛙  馬馬   魚魚fish fish  貓貓  汪汪

  兔兔  monkey  bear bear   pig pig   鴨鴨  羊羊   獅子  老虎 

  大笨象 長頸鹿  鼠鼠

•物件：

  支支樽 - (至愛第1位) 最鐘意洗手液 一見到就要洗手 
  牙刷 -  (至愛第2位) 叫牙刷做牙牙 一拿起牙刷就放入口 不過未識刷

  梳 - 見到梳就拎起梳自己個頭 一係搵我個頭梳

  拖鞋 -  最喜歡阿姨對拖鞋 阿姨一返屋企就拎對拖鞋幫阿姨著

  鞋鞋 -  想出街時 就拎對鞋比我地 示意要我地帶佢出街

  牙簽 -  爸爸有盒專用膠牙簽連牙線

               爸爸一食完飯就要我帶佢去拎盒牙簽比爸爸撩牙  

  紙巾 -  會用黎抹咀 抹枱 抹地

  眼鏡 -  我同佢講過一次 媽媽訓覺覺要除眼鏡

               之後每次佢見到我訓覺冇除眼鏡 佢就會幫我除

               仲好好手尾咁摺好我副眼鏡放係床頭~

  鐘鐘 -   知道爸爸媽媽8點要食飯 知道10點要訓覺

                沖完涼佢就會指住個鐘 我話已經10點喇 佢就會叫我熄燈訓覺
  垃圾 - 知道垃圾污糟唔會掂 如果話佢知手上的東西係垃圾佢會掉去垃圾筒
              婆婆家個垃圾袋係廚房 佢會拎舊垃圾去廚房門口交比婆婆掉
  開門 - 知開門要敲門 佢會用力拍

•人物：兩邊家人稱呼都識晒   出街見女性會叫姨姨  

              bb 男仔 女仔 老師

表達能力

•識擰頭 - 唔好/唔做/唔肯/唔識 就擰頭
•明白你問咩 答到佢會答
•你唔比佢做佢想做既野 佢會發爛搵野掉
  同佢講咁樣唔啱 佢知自己唔啱 但佢會同你講 "啱" XD
•佢做唔到佢想做既野 佢會發憫憎
  要叫佢冷靜 再慢慢教佢一齊做
•知自己做錯野 你罵佢佢會頭dupdup
  你罵完佢見你收左聲 佢會抬頭望住你 然後"噫"咁笑…
  (佢個陷阱樣好得意的 跟住我就嬲佢唔落喇…)

說話能力

•物件 - 星星 杯杯 車車 波波 Kitty clock clock 鞋鞋 襪襪 書書 筆筆
•食物 - 奶奶 水水 蛋蛋 包包 思思寶(鈣思寶) 餅餅 蕉蕉
              nana(banana) 芝芝(芝士) 果果

•動物 - 馬馬 蛙蛙 鴨鴨 bird bird 魚魚 fish fish 豬豬(擺豬咀樣) owl owl
             鼠鼠 兔兔 bitbit(rabbit) 雞雞 羊羊 喵喵 wowwow狗 啤啤

•人物 - 爸爸 媽媽 嫲嫲 婆婆 姨姨 虎虎 母母 倲冬(公公) dordor(哥哥) 姐姐 BB
             初初一叫佢叫公公 佢係都擰頭唔肯講 (因為唔識講)
             終於識叫公公喇 (超細聲由喉嚨腚發出黎) 開心屎公公
             仲未識叫叔叔

•表達 - 有 冇 謝謝 hi~ go! yeah! byebye ning ning (good morning) nite nite (good night)
             食 飲 熱 飽(摸住肚仔講) 味(好味) 打打 摸摸 咬咬 酸酸                 
•問佢：
知唔知? - 知
明唔明白? - 白
曳唔曳? - 曳曳
叻唔叻? - netnet (仲要豎起食指講)

好唔好? - 好
啱唔啱? - 啱 (高音調)
驚唔驚? - 驚驚 (拍心口)

靚唔靚? - 令令

活動能力

•走路 - 好左少少 但都係唔穩 用腳尖走路多 鐘意人抱佢多過行

•上落樓梯 - 好鐘意 多數係樓梯前放佢落地佢都肯行

                     扶佢一陣行得順仲會連住步伐咁上或者落

•擒 - 識搵物件輔助之下擒 (識擔櫈仔更上一層樓)
         擒床 擒組合櫃拉手柄 擒sofa 擒床仔 擒窗花
         進入呢個階段 我係度睇住就比佢擒一陣
         比日我叫嫲嫲唔准佢擒的 婆婆就一定會no佢
         爸爸逗住佢雙手的話 可以由爸爸對腳開始擒到上膊頭 ! (馬騮妹1名)

•畫 - 拎起筆畫野有力水左好多 識自己拎紙或者書書黎畫

•搯 - 用匙羮畢飯都畢得好好 可以自己食到好多啖飯喇

•吹 - 吹蠟燭(容易) 吹風車仔(用下力吹到) 吹泡泡(要較大力 都用到力吹)
         知道d食物熱佢都會自己走去吹吹先食
•識踩識踢 - 之前都未分到踩同踢 叫佢踢波佢就踩住個波 而家識分喇
•學跳 - 而家教佢跳 佢見我跳起佢就上下un 未識彈起咁跳

•平衡力唔錯 - 上playgroup走平衡木好定(當然要扶) 一見斜物就坐係度sir XD
                         行唔同觸感既板板或者墊墊都敢徒腳踩落去喇
                         (之前一見就彈起雙腳唔肯踩架)

渣筆都幾識用力

知道畫野要畫係紙度

有時佢自己畫左落枱度會話我知 "曳"

好可愛!

之前佢見到溝渠唔敢行的

而家好d喇 都係唔敢踩 但係會攬過去

行街街時一見到盲人輔助線就要跟住行

我同爸爸叫極佢都唔啋我地

經常行錯晒方向

而家見有位比腳企就擒

擒左上去就會以為自己好叻咁

回頭望住你笑

呢包米佢好鍾意

婆婆買左返黎比佢見到

即刻住兩大包通屋走

1包都重重地架 bb仔兩隻手拎1包都算係咁

佢1隻手拎1包

拎住兩包野通屋走都唔野少

貪靚妹
小芊芊女仔得不得了
都話同媽媽一樣超級貪靚
• 每次買衫衫比佢 一見到就拎住唔放話靚靚
  拎住左睇右睇 跟住仲要kisskiss
• 出街同佢換衫 唔想著果件衫或者鞋就會唔制唔肯著
  拎兩件比佢揀 會即刻拎住鍾意果件
  如果兩件都鍾意 佢會選擇困難症發作
• 試過比兩對鞋佢揀 佢左揀右揀
  最後每對比一隻我 要我同佢著!
• 每次shopping 都要自己拎戰利品
• 最愛玩媽咪盒耳環 某幾對佢至愛成日拎住叫我戴
• 知香水香香 成日想搞我d香水
• 好鐘意著我d鞋 尤其我對花花布鞋同埋高跟鞋

 

之前教佢係屋企著拖鞋

所以佢成日拎我地d拖鞋黎著

呢對花花鞋係佢既至愛

我每次著親出街佢都會指住我對鞋話靚靚

而家識著大人鞋

成日想開鞋櫃拎我呢鞋出黎

我一拎出黎佢即刻要套腳仔入去~

成日聽到我著高跟鞋咯咯聲

小芊芊好有興趣

要我同佢著 著完又唔比我扶住佢行

自己行到咯咯聲勁開心

我以前成日諗

唔知阿女幾時會玩我d高跟鞋呢

因為我細個果時都好鍾意著大人高跟鞋

咯咯聲咁行好好玩

估唔到小芊芊都咁快識呢~

嗲嗲妹
• 最叻嗲人抱 而家比其他人抱抱下
   一見返媽咪就雙手打開要媽咪
• 有時撞親跌親 第一個會要媽媽抱
• 朝早訓唔夠 陣係要媽媽抱 爸爸都唔得
(暫時媽咪都仍然自我感覺良好 芊芊都係媽咪第一 ^v^)
• 有時玩玩下會雙手捉住我個頭要我望住佢
   然後佢會笑得好燦爛好開心
• 有時撩人玩 佢會偷偷望你然後好甜咁偷笑
• 叫人叫得好溫柔 尤其叫媽媽同埋婆婆 婆婆勁中意芊芊叫佢
• 講野好嗲 話自己 "啱" "叻叻" "靚靚" 勁嗲~
• 起初成日學我打 (拍) 爸爸 之後我教佢爸爸要錫同摸摸
   爸爸先會開心 咁佢就得閒去摸摸爸爸 lum屎爸爸b

同爸爸玩自拍

係見到鏡頭既爸爸同自己鬼咁開心

勁多表情好好玩

而家扭計簡直出神入化

d表情仲好好笑 假喊假到爆

"乍帝" 喊時邊喊邊裝你反應 (睇下你有冇就範)

當然媽媽我係唔會就範啦

好既係佢唔會扭好耐

同埋仲可以用其他野吸引佢轉移視線

冇話要扭到得到為止

學習能力快

踏入歲半界線既小芊芊
已經覺得佢連果丁點BB feel都冇埋
17個月同18個月既分別大到你唔信
呢個階段既小芊芊
學習能力同模仿能力真係超班
冇人教佢做 但只要你做野既時候比佢留意到
即刻識得照做
同時佢對大人好細微既行為都會好留心望
例如我地用拆信刀拆信 婆婆用鑊鏟炒菜
廣告見到姐姐用姻脂掃掃面 姨姨刷牙吱牙膏等等…



模仿能力強
有晚我執衣櫃執到斷氣
埋左一句怨言 "Shit!"
跟住我隨即聽到一聲不正確回音 "she~" !!!
呢個回音頓時把我嚇個半死
說話唔可以亂講就係呢d XDXDXD
但又好奇怪 把口從來唔識收既我真係做到懸崖勒馬架喎!
之不過呢... 家下連發泄語言都唔可以講
做媽媽真係唔簡單呢!

爸爸著襪佢又要

去到公園

係呢幾級野磨左好耐

一時又要企一時又要坐

我就係咁抱上抱落扶上扶落

我咁樣同佢玩仲攰過自己玩

哈哈~

呢個pose係姨姨影比我睇的
姨姨話佢hold左呢個pose好耐
阿女 你腳仔有咩問題呢 :p

行步路都勁多動作表情

同佢影相真係冇ending time架 !