昂平草原吹吹風

2015年5月3日  星期日  晴

小芊芊 ♥ 30Months 22Days

馬鞍山郊遊徑 → 昂平

五一假期第3日

我地一家三口keep住訓到10點先識醒

真係超級無敵的難得

小芊芊近來唔知搞乜

無論幾點上床都係12點先訓著

呢個位我真係好頭痛

不過我可以有咁充足既睡眠

真係兩年半冇試過啦 :D

今日safari郊遊look :)

望住正東方大窗子透進房間的大太陽

我地間房既朝早時份

經已冇可能唔開冷氣咯

而家都咁熱…

真係幾時得到8月呢？!？

咁熱既天氣要out door真係好難有動力

但咁好既天氣唔our door又好浪費喎

今個假期完全冇plan過活動

全部起身先諗即興出發

3日假期keep住咁好天

好天去行山是我家的常識吧 XD

五一那天fb很多朋友post了上山看風景的照片

我也想上山吹吹風看看風景啊

就來簡簡單單的行山郊遊啦

由馬鞍山郊野公園出發

上昂平草原咯

西貢昂平大草原

是我的第4次 hubby的第3次重臨啦

不過一家三口都係第1次來

加上一隻鐵腳

咁我同daddy就行得唔辛苦喇 :)

 郊野公園入20分鐘平路到起點

 呢套係親女裝黎架 :)

 好好天…好晒…

 有得食 小芊芊就會行耐d
(分左心唔記得要人抱 XD)

上行10分鐘 有小溪

洗下面涼快一下先 :D
(放心啦 小芊芊對腳仔好乾淨架 :D)

 最愛爬石頭
下次上埋石林玩先得

沿路都有樹 其實唔太晒 不過今天比較悶焗

可能天氣太熱

平日行山好興奮既小芊芊

今日上山全程叫我〝我地不如返屋企啦〞-_-"

不停係度企圖破壞我地行山興緻勃勃既心情 

但都算係咁 叫佢自己行

佢扭扭下都肯自己一小段一小段咁行

上左唔少大級既石級

屬於半小時輕量級行程

我地龜速而上花了個半小時到達喇 :)

我抱住小芊芊行時

真係行到大汗搭細汗

小芊芊望到我成塊面都充滿汗珠

問我 〝媽咪 乜你好熱咩？流晒汗既！〞

我反問〝乜你唔熱咩？〞

我心諗我抱住你痴到實你唔係唔熱吓話？

佢答我 〝一啲都唔熱喎！〞

呢個老積妹真係…-_-"

我呢D係咪叫攞苦黎辛呢…

 石級都好平緩 望住呢個實景 好舒服~

 只要有石級 小芊芊都肯行

 只係行得比較慢 :)

上到涼亭 即係話目的地好快就到
小芊芊繼續食
後邊係一條隱蔽既小路上石林
下次去~

 由呢度開始 沿路就好多牛屎
我地叫小芊芊小心 唔好踩屎
佢住篤屎諗左好耐野 大概係疑惑緊
〝典解呢陀屎咁犀利 大pat過我D便便咁多呢？〞
XDDDDD

最後10分鐘路程 繼續加油！

到喇 YEAH！！！

小公主與兩男保鑣

我們仨

今天天色晴朗

在昂平草原下的西貢一覽無遺

仲有清風送爽 超舒服

下次我一定要帶野餐墊

訓係度望住個天就可以hea一個下晝

上到黎望住呢度既風景

其實頭先點樣流晒汗咁行上黎

都忘記得一乾二淨咯~

草原好青綠

雖然幸運上到山有密雲
但都有燦眼既時候

密雲中的陽光

 看到個大西貢 遠處的東壩也看得見

陣陣涼風 汗水都吹乾了

 TODAY'S BEST SHOT :)

好有型既大金鐘

人不多 好似成個山頭都係我地既咁

Selfie~~~~

紅組與白組

至於小芊芊 真係唔讚得

話說佢每次落地自己行石級既時候

總會遇到一班半班行山朋友

因為小芊芊既年齡太突出

所以山友們經過必會聊下佢

仲有讚下佢〝哇~呢個妹妹好叻喎~〞

又會問下佢幾多歲 佢又會答下人〝兩歲半〞

d山友就會話〝兩歲半肯自己行好叻呀〞

真係吖…真係叻都咪講啦…

每次經過一讚完

佢地都未離開我地視線範圍

我地就會好快聽到追魂call…

〝mami抱！〞
〝daddy抱！〞

不過落山時已經6點
真係要行快d

唔抱唔得啦 XD

 原路回程 全程呢部份算係最唔好行
所以零難度

落到馬鞍山村終於可以飲清涼爽啦 ^^

♥♥♥ THE END ♥♥♥

朋友要趕往與家人食飯

落到山腰一直都截唔到順風車

唯有直往最近屋苑call 85的

8點前就直達流浮山巿集

朋友一家請埋我地一家食海鮮呢~~~

今晚好有口福呀！

返到屋企即刻開盆泡泡浴

小芊芊挨係個浴缸勁識嘆啊~~~

好似d美人出浴咁坐係度

仲同我講〝媽咪 我咁樣好舒服呀！〞

我吖…一身臭汗望住你真係唔方唔舒服囉 XD

 開定冷氣沖完涼達落床已經11點多

呢一刻 我同寶貝女
都覺得好滿足 :)

千芊家 ♥ 行山日誌 - 

行上山頂迎新年

元荃古道深井遊

2歲人仔行山記 ♣ 嘉道里農場

輕輕鬆鬆小山行

靚靚夕陽無限好♥

南丫島的後花園