我們的佛誕度假式假期 (上)

2015年5月24日  星期六  雨

小芊芊 ❤ 31Months 13Days

三正半山2日1夜度假婚宴

GO GO GO~~~

度假婚禮聽就聽得多

主人家或包機票或包住宿

即使去峇里布吉沖繩等等有多吸引

大前提是賓客都需要有假期

佛誕的3天假期

是表哥表嫂精心計劃的婚宴假期

第1天參加了表哥的婚禮

第2天即今天

我們不用飛…就近近地來了個

2天1夜度假之旅

由深圳灣出發北上

40分鐘車程

我們來到了今晚飲宴的目的地

三正半山酒店。東莞塘廈

原本我們只參予教堂觀禮

因為自小芊芊出世後

我從沒打算回祖國

也沒打算給小芊芊申請回鄉証

不過收到邀請後

我們都對表哥所介紹的酒店有點興趣

想帶小芊芊去玩咯！

今次係我地一家三口

第1次北上 :)

收到婚宴邀請卡的同時 附上婚宴假期既catalog

我地選擇24日早上出發 玩2日1夜

話咁快就到 :)

先說天氣

昨天由教堂行禮開始

雨一直下到晚上

今早時晴時雨 還好不大

去到酒店雨停了 還有放晴時

這些潮濕翳悶的天氣

去酒店度假最適合不過呀~

長輩們的住宿是3日2夜

食住行由主人家包辦

所以爸媽昨天觀禮完畢就包車上酒店了

同輩需自付房費

所以我們選擇住1晚 第2天朝早北上

哥哥嫂嫂就即晚回港

☂☂☂☂☂R☂☂☂E☂☂☂L☂☂☂A☂☂☂X☂☂☂☂☂

沒想到酒店咁近

車程才沒到1小時

小芊芊超hyper 全程扭落地

由於3歲以下不佔座位

我比佢舞左半個鐘經已唔想再理佢

daddy即刻將佢掉左比一齊出發既舅父舅母

點知佢地應酬左小芊芊一陣就到喇

車程短短唔錯唔錯~~~

主樓係普通園境房&湖景房

內裡環境都好靚好舒服

更沒想到酒店比想像中靚

酒店既設施&環境

比得上清邁山區的度假酒店呢！

我們本來向表哥訂了池畔親水客房

這類房間要坐電瓶車去親水區

不過婚宴團記錄我們所訂的是園景房

也沒所謂吧 很多親戚也是同一層

要游水自己行去泳池也可以

之不過…錯有錯著呢！

酒店安排了我們入住大房間

我們的園景房 比其他的都要大啊！

有大大個衣帽間 有個大偏廳 更開心是

有張大大大大大大大大大大床！

8呎闊既大床啊！

雖然房間大不過清邁的resort 

但我地都係第1次訓咁大張床咋~~~

老豆一聽到我地間房號就話〝你地間房好大間咕喎〞

因為表姐尋晚就係住呢間房架喇

佢地今朝早就轉左去池畔親水房

露台係園境 好綠化囉 so冇野睇

個衣帽間超大 絕對大過香港住緊果間劏房 XDDD

 浴室都係好大 沖涼超舒服

老公話間房唔用廣角鏡根本影唔到點大法 :P

小芊芊一入房見到咁大張床就即刻沖左上去跳…

8呎大床 千千媽肯定係最開心果個！

☂☂☂☂☂R☂☂☂E☂☂☂L☂☂☂A☂☂☂X☂☂☂☂☂

放下行李就馬上變身

小Elsa又急不及待出場喇

直奔lobby門外坐電瓶車往親水區

大家齊齊由表姐間房個露台直奔下池

親水區好大 池水都好乾淨

泳池可以通去好多地方

下邊還有熱水按摩池和兒童歡樂堡

不過公公話兒童水上樂園係暖水

太多人覺得污糟所以帶小芊芊返泳池

小芊芊過一過去玩左陣

額頭仔已經比唔知咩蟲咬左兩達仔…

露台房門開左果間

就係表姐間池畔親水房

公公話今日邊度都唔去 下午要同小芊芊去玩水水

呢度有淺水區比小朋友玩

兩公孫幾開心 :)

為左帶小芊芊呢堆游水私伙套裝

我地2日1夜都要拖個大喼黎…

剛剛停雨冇耐 其實D水唔算好暖

不過小芊芊根本都唔怕凍

見水就想跳落去

我唔方便冇得下水禮囉 :(

呢個view無敵啦！

就咁send呢張相出街

人家又以為我地去左清邁 XDDD

小芊芊好忙 得閒同呢個游下 

得閒又叫果個同佢游

泳池有通道通去第2個世界…

兒童歡樂堡 超大超靚仲超多人 仲要係暖水

不過公公話人太多又係暖水 d水唔多乾淨

雖然叫兒童歡樂堡 不過好多位會比水兜頭淋

同埋好多滑梯都好高 小芊芊話驚 未啱佢玩

☂☂☂☂☂R☂☂☂E☂☂☂L☂☂☂A☂☂☂X☂☂☂☂☂

玩左兩小時左右

就返房間沖涼裝身出發去飲喇

場地好大樓底好高

5點半恭候6點半開席

呢啲時間安排真係好好

成晚都食得好舒服

中間安排下睇片片同埋小遊戲

慢慢食到散席都係9點半左右

哥哥嫂嫂與一些賓客係酒店門口就有車返香港

表姐話呢個係〝所謂〞國際會議中心 XDDD

表哥表嫂既囍宴就係呢度舉行啦~

場地好大 12圍酒席 好闊落好舒服

❤ 好可愛既擺設&小禮物 ❤

小芊芊既春田花花飲LOOK

我地家族大合照 其實有一半人沒有北上

不過都佔兩圍 一樣熱熱鬧鬧~~~

氣氛好好呢~~~

食物質素當然及不上香港

去飲一向都唔係志在食

小遊戲 BINGO卡抽獎

兩份大獎竟然都係男主家席既人中左

老豆豆係第1位中獎者 :)

至於我地一家

散席後就返我地間大房hea

然後10點半齊齊大字形攤係床

教。教。豬~

三正半山2日1夜度假婚宴

~TO BE CONTINUE~