2014年3月22日 星期六 晴
小芊芊 ♥ 17Months 11Days
元朗石崗 ♥ 農場鮮奶 ♥ 石崗軍營
今年天氣似冷非冷
農曆年又咁熱 之後又咁凍
搞到我心中有數既花期都亂晒大龍
加上而家返工搭地鐵咩綠色植物都睇唔到
差d miss左我個1年1度英雄花之約!
好彩我個好姊妹上星期帶一帶我去錦上路
先驚覺點解我至愛的英雄花已經開晒!!!
so今個星期既2日假期 留左日比佢
點知老公一個唔該北上 留低我地兩母女
我地等佢d英雄都唔等佢啦
所以捉左婆婆同青青姨陪我地一齊去
上完playgroup返婆婆家餵飽小芊芊
跟住磨一輪就出發喇
先係錦上路個小跳蚤行左陣
食左碗我地三個都覺得唔好食既豆花譜
再直接飛的士入去農場鮮奶食個tea先
佢話會一試就忘記豆腐花
但我試完就好掛住豆腐花囉!
小芊芊一見到盒鮮奶就好開心~
食茶葉蛋食得好滋味 好快食左成隻蛋白
佢唔係想食燒賣
係食食下見到青青姨搣茶葉蛋
佢又吼住阿姨隻蛋
即刻擘大口想食
(自己果隻未食完又喉住人地果隻!)
呢個樣真係好搞笑!
農場鮮奶真係幾好飲 芊芊好鐘意飲
食完野就帶佢去睇羊羊
係地下執條草比佢教佢餵羊羊
佢就係咁拎條草撩隻羊 哈哈~
未到目的地 主角已經不及待出現~
食完tea 慢慢行過去英雄樹路
第5年來這裡跟英雄花約會了
小芊芊計埋係我個肚入邊既時候都已經係第3年來啦
(以後我都每年這時候都會帶小芊芊來這裡的)
雖然已經成地都係 好過冇啦 起碼仲有一小半係樹上面
如果等老公的話 睇怕要下一年先可以見-_-"
小芊芊未識賞花
不過識抛花 (點都好過摧花 XD)
仲抛得好開心tim -_-"
3月除左英雄花 宮粉都開得好虛hum
放佢落地走 諗住佢會執花花玩
點知佢掛住玩泥-_-"
已經落左好多 遍地都係花
好彩係未落晒 我地仲趕得切黎賞樹上的花
見到個大花心 第1時間捧佢去花堆
青青姨較準時機即影
如果唔係邊見得到佢正面> <"
睇下~到我行過去佢度
佢已經想起身走佬
我掉佢隻兔入花叢先勉強影到呢幅合照 XD
其實呢度既草地比較多大塊石 凹凸不平好易仆到
不過一放佢落地佢又係咁走呀走
佢咁開心又冇理由唔比佢落地走呢
唯有係咁追住佢睇實佢
又有心心出現
叫佢過黎影啦 隻bb越叫越走 > <"
跟住走返返黎無啦啦抛隻兔去個心心度
雖然冇望鏡頭 但又幾合作喎!
抛花抛左成個下午
抛完勁開心 仲笑到卡卡聲
走時見到呢位阿姨
她一見到小芊芊就問我可唔可以比佢抱下
她的丈夫是軍人 懷孕4個月
問了我很多關於本地生育的情況
聊了好一陣子
玩到夕陽西下 街燈亮鳥 係時候bye bye啦
想影返張拖住阿女既背影
一放落地走都走唔切 哈哈~
都係阿姨叻 成日都捉到時機影
3年前 男朋友拖著我走過這裡
3年後 我拖著我們的女兒在這裡走
時間就這樣過
背影是幸福的
♥
REVIEW ♥
沒有留言:
張貼留言