爸爸平日夜返既時候得我一個同小芊芊沖涼仔
為左唔想做 "放木板開盆量水溫" 呢幾個動作
我諗左個1石2鳥快捷方便既好方法
就係好溫馨咁同阿女一齊落水沖涼 XD
大前日第1天試試
見天氣暖暖地都ok 唔怕佢凍親
一放小芊芊入浴缸 100000個惶恐!!!!!! (佢震到我以為地震!!!)
開埋花灑 喊埋tim
我都跳埋入浴缸 拎唔到野比佢玩 點好呢?
見缸邊有個潄口杯就拎左比佢載水
跟住佢就乜都唔理掛住玩
我就好順利咁同佢同自己沖好身
點知一閂水掣 個bb爆喊!!!
how come?????
唯有同佢抹完身 用毛巾蓋住佢上半身
開水掣比佢繼續玩
等我著埋衫就硬住頭皮聽佢d吵鬧既哭聲
捧返佢入房 拎支奶奶去制止佢
誰知…佢連奶奶都不要鳥…
係床頭一野抛左去床尾
雙手繼續攬住佢心愛既載水水杯 XD
第二日 冇咁驚喇
見到隻杯仲好開心叫我開水掣
昨日 直頭唔驚tim
我比多左時間佢玩
同埋好叻叻 同佢抹好身我就同佢講 :
"今日玩到呢度 我地明天再玩過啦 !"
閂水掣 佢冇喊冇扭喇
仲好開心咁迎接佢支奶奶呢!
呢日係企係度洗白白既第2日
特地有請爸爸為小寶貝留倩影 XD
我拎個花灑去邊
小芊芊就追住個花灑去裝水
玩完水杯 發現隻手都可以掂花灑頭d水
又玩一餐-_-"
玩玩下發現左爸爸影佢!
小芊芊 : 走呀! 做乜影我呀?!?!
真係好喇
估唔到咁快可以同阿女共浴
爸爸真係恨唔黎咯~~~
等我呢個星期買埋支泡泡浴露返屋企同阿女慢慢浸先
wakakakaka~~~~
沒有留言:
張貼留言