小芊芊2014夏水禮開鑼！

笑得好甜既小妹妹

覺得呢個老積妹真係大個女咯 !

2014年5月25日(星期日)

小芊芊 ♥ 19Months 14Days

小芊芊2014夏水禮開鑼 ！

星期六日難得好天氣
星期六係婆婆屋企hea左1日
星期日點都要出街啦 !
不過熱辣辣真係諗唔到去邊好

我最怕怕怕既夏天正式來臨喇 :( :( :(
感覺outdoor去邊都會中暑…
所以去邊就交比老公決定
老公諗左兩秒就reply我：
帶芊芊去搵舅父游水啦 !

媽媽我最近唔舒服不宜下水

所以今日由兩位猛保護小芊芊下水

睇佢左手一塊葉右手一塊葉

然後上落樓梯就左手爸爸右手舅父

一臉得戚 !!!

朝早雖然好天
但雷暴警告現正生效
會所游池close左
好彩下午個警告取消左
泳池開返可以游 1pm-5pm

今日真係好天到呢…
太陽伯伯直頭係大放光彩
冇水泡冇防曬既情況之下…
即管比小芊芊好難得咁吸收下維他命E啦 !!!
泳池人唔多 D水又夠晒暖
冇水泡就比佢自己浮下啦!

落水玩之前梗係要同爸爸虎虎影返d合照先啦

不過佢掛住玩d水

叫左佢好耐先肯望住我個鏡頭

影左10張先得1張係正經樣望鏡頭 -_-"

一落水經已好hyper

手手有水水 捽下爸爸先

呢張相影到小芊芊塊面脹卜卜

真係咁肥就好咯~~~

開始游水水喇 來個淺水區熱身先

準備去深水區喇

爸爸同小芊芊來個背泳式

佢好鐘意玩但係個頭一直係咁乎90度撐起

哈哈哈哈~~~

見按摩池冇咩人

帶小芊芊轉場~

呢個小朋友完全唔驚水

爸爸一捉起佢兩個手仔

佢就開心到係水中跳晒舞~~~

見爸爸潛個頭落水佢又想有樣學樣

呢度高左一大級

對小芊芊來說不會太淺又不會太深

佢係度來來回回咁走

係都唔比爸爸拖住佢

係都要上岸但係唔比爸爸拖

睇佢縮埋對手上岸個樣幾樣衰衰 !!!

哈哈哈~好鍾意呢個樣呀~~

一熟左環境就通街走捉都捉唔住

上水後走得極快

怕佢上水冷親既我

叫佢褸返條毛巾佢就越叫越走

差d跟佢唔到

睇少眼追唔切的話

佢肯定學識埋跳水 !!!

一落水就有個哥哥聊佢玩

d G4即刻走埋去睇實佢 XD

繼續游水水 韻律泳都操埋~~~

好快又游出大海喇~~~

睇落有姿勢又有實際喎 fing晒腳仔咁~~~

游到咁上下 又要玩自己上岸

呢件靚靚泳衣幾襟著

由8個月第1次游水

去年夏天 今年初清邁 到今年夏天

6-9M碼仲著得到喎!!!

呢條石屎橋被晒到應該辣腳板的

但係佢好有興趣

係都要爸爸拖佢行

行既時候係咁望左邊右邊池既哥哥姐姐

D人又係咁望住佢

好以行CATWALK咁

好搞笑!!!

由於佢見縫隙就要踩入去

所以爸爸同佢行呢條咁既橋行左好耐 XD

論盡既媽媽今次唔記得帶防曬

論盡既爸爸今次唔記得帶水泡

小芊芊大個女左

媽媽D緊張筋就開始有所鬆懈 :p

爸爸就梗加冇野好講…

防曬冇用唔多唔少都黑左少少

不過小朋友新陳代謝咁快

以小芊芊既皮膚一定會好快白返~~~

記得小芊芊8個月大時第1次下水

佢坐係個水泡度係冇反應的

冇開心又冇驚驚

第2輪去左清邁resort玩水

玩玩下嫌個水泡阻掟唔肯用

同爸爸直接落水玩

爸爸同我講 佢好多時都係兩隻手就咁輔助下佢

冇用力捉實佢的

小芊芊識自己係水度浮

♥ MY HAPPY LITTLE LADY ♥

今日小芊芊都有浸親飲左啖水

事緣爸爸話要潛個頭入水比小芊芊睇喎 -_-"

小芊芊想摸水中既爸爸

跟住就企唔穩浸左落水

我同嫂嫂叫住 但水中兩個男人反應慢囉 !!!

撈返小芊芊上來

一d驚都冇仲要繼續玩~

怕水既媽媽覺得小芊芊好大膽好叻叻呢

完全唔驚水 (真係羨慕呀!!!)

所以我地都諗住趁佢唔驚水既時候

密d帶佢落水玩

如果今年暑假搵到bb游水班就帶佢學埋

過埋今年暑假要in K1有排忙

等到出年1月

繼續清邁游水渡假