長洲掃街一天遊

早幾天 老公想起踩單車
他說想帶小芊芊踩單車
小芊芊應該會很開心
還提議去長洲玩

其實小芊芊在我肚子裡兩個月大的時候
老公第1次帶我去長洲
那次是平日 人不多
上山有風景睇 又可以踩單車
幾好玩~~~

五一前一天 天陰陰仲落埋雨
一朝早睡醒 望望窗 都係天陰陰
涼涼地 我就覺得應該唔會點落雨
於是訓醒食個早餐就gogogo~~~

長洲掃街一天遊

1 MAY 2014

小芊芊‧18MONTHS 20DAYS

坐左隻慢船

成粒鐘先入到去長洲

我地蠢 應該事前睇定船期表同價錢

下次再入長洲 要買來回快船票

貴單程2蚊only 抵好多!

叫佢同爸爸合照

係都要用呢個樣影…

好得意咩???

今日決定係長洲掃街

我同老公都係頭1次係香港掃街咋!

所以都冇幫小芊芊準備晚飯

一於我地食乜佢就食乜

平日媽咪乜鬼零食都唔會比小芊芊濕口的

今日小芊芊好有口福呀

哈哈哈~~~

先來係船上面1個人仔飲左半盒鈣思寶

落左船 第1件要嚐試既美食就係…

充滿味精同油淋淋既炸薯片串

當然yummy啦!

超大魚旦太重喇!

費事比小芊芊拎到彈晒落地

由我黎賣廣告先

不過因為舊魚旦真係熱辣辣

吹一輪比小芊芊咬

一放入口就話熱熱 唔肯食

凍左都係唔肯食…

蝕桌XD

食住行 見到人晒蝦

諗住回程時買D新鮮蝦乾比媽咪做手信

點知最後唔記得左-_-"

行行下 (我地)

小芊芊 (比爸爸抱住) 訓左

係咁行 梗係悶啦

於是乎馬上去租單車先

60蚊3小時

抱住隻訓左既小豬

點都係坐住抱好過行住抱啦

邊踩車邊搵食

阿女訓左 我地食乜都得

再食大魚旦 冰菠蘿 蛋花大菜糕

yummy yummy

爸爸再買小食期間

小芊芊訓醒喇

發現自己係架咁既車度

覺得超級新奇!

佢超鐘意前座個單車座

見爸爸坐住踩單車好hyper

一停車就想上去

一見到爸爸走開架車就叫爸爸

然後拍個單車座

(即係叫爸爸快d返黎開車 XD)

全長洲最後一個日式煎菜餅

比我地買左

呢個餅勁好食 20蚊一底

好抵食 我同老公邊食邊讚

小芊芊都食得好滋味~~~

呢支小donut串 同一間shop買的

同樣地 好好味 即做熱哄哄的

起初小芊芊唔吼的 一見佢掉頭走

唔肯拎住影相

我地食淨半件 再比佢試

不過機會錯過左就冇喇

當佢發現呢個好好味既時候

太遲喇 很返2啖

唔夠喉都冇辦法 有蚊都冇用

因為我地呢串野亦都係全長洲最後1串

卡卡卡卡卡!!!

食飽飽 小芊芊開始扭落地

一落地見到爸爸架單車

開心到走黎走去

我就跟住佢追黎追去!

好難先捉返佢上車…

佢成日都想坐呢個位

爸爸就達成佢呢個心願

一坐上去開心到呢~~~

旁邊有家人個爸爸見到

小芊芊呢個高難度動作

仲驚過我地!

我地同小芊芊影梗相之際

佢幾乎想阻止我地影…

(佢一定係度諗：你地呢d 80後怪獸父母

真係乜都夠膽屎! 咁同個女玩都得既…)

哈哈~

過幾日就係太平清醮喇

呢個廣場起緊包山

好多包包 正運去堆包山

老公話呢d包應該係假的

但我又覺得好真喎!

呢度有好多小包山任遊客影

 見人少少又有張長椅

於是叫小芊芊乖乖唔好搞d包包

企係長椅度玩一陣

小芊芊好合作呀

成功係堆小包山度影左d靚相

(對白設計)

“話你地知! 我就係今屆包山王!!!”

嘿嘿嘿!!!

“大家好! 大家好!

山頂既朋友你地好!”

哈哈! 小芊芊回復真我喇!

整返個bb式笑容先~

噫~~~~~

再黎! 噫~~~ charm爆呀~~~

最後張長椅搬走左

小芊芊即刻走埋去周圍望

今日既大合照

SUPER HAPPY

天黑喇 又去搵食喇

我地食埋海鮮先走

搵左間貴DD 但唔洗等位既海鮮檔

叫左我最鐘意食既炒蜆

同埋我想食好耐既炒蟶子

再加一碟揚州炒飯同小芊芊一齊食

呢間兩樣都炒得好好味

海鮮餐埋單後剛好趕得切上快船

快船坐得好舒服

此時老公拎埋個飯後甜品出來

WOW

特大榴槤糯米糍

好好味好好味

呢個係食完煎菜餅之後再買既

同時仲買左一杯鮮芒果汁同埋第2杯蛋花大菜糕

但食完大菜糕後太飽喇

呢舊糯米糍就變左做壓軸甜點!

估唔到長洲小吃咁好味咁吸引

今日既心情和肚皮

都超滿足呀!

坐船既時候

小芊芊已經累到訓左

落船行去巴士站等車去到婆婆屋企

都仍然訓得超 lum 冇醒過

為左唔想嘈醒佢

冇換衫冇沖涼冇刷牙

由得佢一覺訓天光

今日玩得咁開心

小芊芊今晚上一定訓得好甜喇~~~