2014年12月7日 星期日 陰天
小芊芊 ♥ 25Months 26Days
大埔海濱公園
我的純潔小白兔 ^3^
佢好鐘意條頸巾
初初買回來佢第1眼望見時
同我講 " D彩色波波咁靚既 , 邊個架? "
今日天陰陰冇乜計劃
就咁帶左隻小白兔去大埔海濱公園行下
lunch係新達廣場搞掂
見商場的聖誕裝飾係雞仔
幾隻大雞仔吸引左小芊芊
係度玩左好耐先捨得跟我地走
去到公園途中就訓著左
今日專登拎返架小芊芊坐駕出黎
隔左半年冇用過
小芊芊仍然興趣不大
一開始坐左陣就 "媽媽抱"
老公推出推入我睇見就唔慣
覺得顧住個細仲要顧埋架車好唔方便
老公一句 "等佢訓左你就知!"
呢一句應驗得好快!
等佢訓 lum左一放佢落車
well~~~放低左25磅既大石頭
拖住老公沿海旁行左1小時
終於可以遇親子於拍拖
真係好耐未試過咯~
又到千千媽最愛既聖誕節
小芊芊一黎到呢個zone
就自己走黎走去
想叫停佢望鏡頭
越黎越難!
笑~ 最近個個都話小芊芊似我
SUPER VERY HAPPY (似我幾好呀 XD)
我睇返佢D相就覺得
佢好似我細個影相果個樣
遲下搵返D相簿出黎對比下先~
影完呢一幅
佢係咁話好驚要我地放佢落黎
幾大都影多幾幅先放過佢 :p
一叫佢笑就笑得甜甜地
再叫佢笑就e起棚牙
再再叫佢笑就會咪實對眼笑 XD
係呢個冰屋入邊有個哥哥聊佢
佢就一野推開人 惡C得佢…
我同佢講哥哥想同你一齊玩咋喎
佢先釋放返D善意去摸下哥哥
呢個妹妹有時真係幾惡
真係要再比多D心機教導下佢先得
" 媽咪, 我要拆禮物! "
左圖 : 比佢一下就托起左綠色舊禮物
右圖 : 但想揭開個綠色大盒但唔成功
好苦惱咁搵我地求救 XD
❃☃❃☃❃☃❃☃❃☃❃☃❃☃❃☃❃☃❃
其實佢咁樣訓
點都舒服過訓我膊頭
我都想出街眼訓時有架咁既車比我訓 XD
醒左 搵片草地落腳先
小芊芊今日淨係掛住玩波波…
MERRY CHRISTMAS!!!
笑得勁開心!
DADDY吹左個大既比佢
佢就比左我
然後同DADDY講 " 我要細細個 "
跟住DADDY吹左好多個細既比佢
雪人呀~
我同DADDY研究過
佢D眼睫毛至少有1CM長
出街好多人第1句同我講既就係
" 你女女D眼睫毛好長喎 "
我都不得不羨慕 : 真係超長!
捉泡泡佢一向興趣不大…
反而好鐘意自己吹…
佢經常性望住D泡發呆…
然後……
而家捉都費事捉
索性mou係地下篤飄落係草地上既泡泡
話佢懶好定話佢醒好呀…
吹蠟燭就叻
吹泡泡未識掌握唔係次次得
吹左好多口水出黎 XD
今日出街街食茶點時間大解放
燒賣話唔好食要食魚蛋
佢係咁話好好味
我要同佢搶過先有得食 -_-"
近期大愛之一
栗子第一魚仔餅第二
食芝士魚仔餅指定動作
每次兩隻手仔一齊拎
小芊芊稱呢個單槓為 "打鞦韆" XD
真鞦韆佢冇咩興趣
呢款 " 自制鞦韆 " 勁愛玩 :)
圖一 : 又要玩又要驚 (叫DADDY放手 但DADD放手就話驚)
圖二 & 圖三 : DADDY放手 佢又跟住放手 然後要DADDY接住佢
之後hyper到不停話要咁樣玩 -_-"
愛刺激既小妹妹
每次見到呢類玩意 或者搖搖板之類的
一定有我份
佢會不停咁欽點我
坐前座 / 後座 / 背住佢坐 / 面對住佢坐
XD
好耐冇見過呢種繩網
小芊芊未識玩
不過擺左佢上去之後
佢同我講好好玩
之後睇下人地放風箏
小芊芊最近上課學郊遊
又做左隻風箏勞作
小芊芊望住D人放風箏好開心呢
雖然今次未有準備
加上DADDY上星期扭親手腕
等DADDY好返之後
係時候拎返我地那些年果隻
彩色大眼魚風箏出黎
同阿女去玩咯!
❃☃❃完❃☃❃
沒有留言:
張貼留言