初冬大棠賞紅葉

2014年12月14日   星期日   晴天
小芊芊 ♥ 26Months 3Days
大棠郊野公園楓香林 

 

開始要加點聖誕氣氛

芊芊喵出來了啦!

 

 

今日天氣好好

天氣涼涼地

小芊芊勁好訓

最近每朝都訓到9點後的

難得可以讓我們有足夠時間訓啊

 

醒來見到窗外的太陽

急不及待去洗衫

然後嘆老公外賣的麥噹噹通粉

搞掂好間房就出發咯

 

好溫暖既大太陽

還有風和日麗既大藍天

完全係郊遊既好日子啦 !

今日冇帶車仔

好彩全平路好好行

於是我抱一下 daddy騎一下 小芊芊自己又行下

都行得好舒服

同小芊芊講今日黎睇紅葉

叫佢睇下邊度有紅色橙色黃色既樹樹

有就話我地知

估唔到行一陣就見到喇~

來幅自拍先 不過拍極都唔係好拍到 XD

初見紅葉

沿路個個見到都好興奮

小芊芊做緊咩呢???

YEAH!!!

" 媽咪 我YEAH到喇!!! " XD

呢張係今日BEST SHOT呀!

沿路都間唔中一棵棵紅下橙下咁

不過好疏落

楓香林先係今日既目的地

~~~~~~到喇~~~~~~

剛開始轉色 未完全紅得晒

但大部分都變黃喇

估唔到都幾有睇頭~~~

向上影最靚

呢度好多人爭住影呢

其實一早定左今日去大棠郊公園

但純粹係想帶小芊芊去行下

我完全冇為意呢個時候既大棠

已經有紅葉欣賞

甚至老公上網查路線時

問左我一句 " 唔知大棠有紅葉睇未呢? "

入冬以黎都未夠凍邊會有紅葉

我斬釘截鐵咁話佢

" 咪傻啦! 咁暖既天氣有鬼紅葉咩? "

(嘻嘻~ 要自打咀巴了~)

仲以為因為大棠有個哈爾濱冰雪節

所以沿路上山有好多人

點知去到郊野公園都係咁多人

乜香港人咁熱愛郊遊架咩?

點解咁多人架呢?

直到surprise地見到咁多紅葉

先知原來d人黎睇紅葉~

其實由郊野公園門口行到去楓香林

超級慢慢行都係半小時左右

我地影完相就原路折返

一邊行一邊不停叫食粟子

叫佢影相唔肯影

我話影佢口入面粒粟子

呢隻粟子喵即刻乖乖合作

回程路上小芊芊好精神

落地行既時候多過抱

小芊芊叫我拖住佢行

然後又對我發號施令…

一時叫我大踏步

我大踏步啦…佢又叫我唔好咁大步

跟住又叫我行好d -_-"

巴巴閉閉咁

一行到攰就話要騎駁馬

一落地就好難睇實佢

叫佢返黎係冇用的

要咁樣拑實佢先制止到佢亂走

好靚既日落

返到去起點既涼亭休憩點

趁Daddy去toilet

小芊芊就係度周圍走

由郊野公園一直向下走

到大棠荔枝園入口的K66巴士總站

人多啊! 龍尾越來越長

我們等第二架巴士就上到喇

等開車的時候

小芊芊望到呢幅廣告

問我 " 媽咪, 好多企鵝果度係咪有sir滑梯玩架? "

睇黎小芊芊真係好想玩sir滑梯呢!

最後補上一張芊喵兔 :)

❆❆❆ 完 ❆❆❆