❆☃❆MERRY CHRISTMAS❆☃❆

 

 

2014年12月20日   星期六   晴天
小芊芊 ♥ 26Months 9Days
尖沙咀星光大道

 

其實我很喜歡

看聖誕燈飾

小時候每逢聖誕節

daddy mami就會一家去尖東看燈飾

一直很喜歡這個活動

 

 

拍拖那9年

印象中大學時代的聖誕節

還在走堂 (XD) 與考試中渡過

畢業後的聖誕節

我們差不多每年都在祖國雲遊中

好像…好像…看過兩年燈飾咁大把 :)

 

 

 

好少買黑色tone比小芊芊著

(我總覺得小朋友著彩色才可愛^^)

黑白格look有點兒老積

不過今年流行就來1次啦 :)

 

 

 

 

結婚後的聖誕節

都在湊女中渡過 哈哈!

去年我們進行了商場裝飾大巡遊

今年聖誕節開始

小芊芊識行識走冇時停喇

當然要延續媽咪小時候既聖誕傳統啦~

 

 

尖沙咀碼頭 星光大道 尖東夜遊

遊到11點幾先返到屋企

一直有說燈飾冇以前咁靚

其實我又唔覺得冇以前咁靚

維港夜景本身就靚

有燈飾是錦上添花吧!

加上剛好看到在頭頂出現的

文化中心聖誕投射表演

這地方

仍然好有聖誕氣氛呢!

 

 

呢個小妹妹一見到商場聖誕樹…

下面d禮物

就走埋去周圍摸

咁樣都可以玩一餐!

 

 

 

起點係海港城

今年呢個火車頭一般般

不過對小芊芊黎講就好吸引

 小芊芊好想入火車入面

成日企係個門口度望

daddy二話不說捐左廿蚊

我地可以係火車頭前影相之餘

仲可以帶小芊芊入去玩

 入左個萬花筒隧道

周圍都閃閃令的

其實呢度冇野好玩

但小芊芊勁開心

係咁係萬花筒入面走黎走去

 咁樣影隧道正面好迷幻 XD

影側面都好靚

小芊芊一lur落地

然後暴走

睇漏半眼都唔得!

靚靚親子裝^^

襯埋後面個背景

 

 

 

❆☃❆☃❆☃❆☃❆☃❆☃❆☃❆☃❆☃❆☃❆☃❆

 

 

 

今晚天清氣朗

睇夜景一流呀!!!

文化中心既聖誕滙演都好靚

沿路看香港島夜色

海旁比較冷

不過咁先有聖誕氣氛 XD

小芊芊見到呢d車話要影相

九龍這邊

看燈飾就要行到去尖東才有看頭

今年SINO GP係靚靚Hello Kitty燈飾

Kitty有兩幅

呢幅都好靚

不過小芊芊掛住影另一幅…

邊幅咁吸引小芊芊啊？

就係呢幅囉!

一見到就要我地同佢一齊唱生日歌

然後數123吹爉燭

唱左好多次都唔肯走 :)

 

 

 

❆☃❆ 完 ❆☃❆