我愛消防車(上)

2015年2月1日   星期日   陰天

小芊芊 ♥ 27Months 21Days

黃大仙消防局開放日

今日係豹豹 look 小芊芊好鐘意呢條裙架~

又夠暖又好襯~

等巴士中…

由playgroup教識小芊芊消防車開始

小芊芊真係超級鐘意消防車

不過睇過消防局開放日日子

一直要等到2015年既1-2月

先有附近地區消防局既開放日

等到2月終於帶到寶貝女去喇~

一個大清早起來

執好自己先叫醒小芊芊

然後9點鐘就抱左佢出門口

Daddy今日下午要返大陸飲 

所以今日得我帶小芊芊

我除了有個好媽咪

仲有個超級好妹妹

青青姨真係好唔話得

知道得我帶住小芊芊山長水遠去消防局

即使佢之前去過所以冇乜興趣再去

但係都捨時間陪家姐外甥女

陪我地一齊逼一齊排隊

好滾動~~~

10點鐘去到消防局

竟然仲未開門！

入到去 個儀式係度採緊排@@"

所有地方都未開放

之但係就越黎越多人

好彩我堅持返出去買個早餐食先

如果唔係唔知幾時先有得食…

原來消防局好近我地落車果個站

枉我住左咁多年九龍都唔知 XDDDD

婆婆話平時小芊芊返學經過消防局

一見到呢個紅色閘就拉住婆婆

叫婆婆帶佢入去

寶貝女 媽咪同青青姨今日帶你入去玩啦！

小芊芊一見到呢個充氣消防車就好興奮

攤位遊戲未開放 儀式又未開始 周圍係行得既地方行下…

買完早餐再過來 剛好看到消防員救人表演

同埋沿游繩彈落地下表演~

原來個儀式11點先開始

攤位同消防車就12點先開始

即是說 我地企左係度兩個小時！

不過小芊芊真係好乖好乖

中間有好多人係度逼

我抱住佢攬實佢都比人撞到佢

佢有係度嗌好逼 不過都冇扭計

青青姨就陪我地逼 仲幫我排隊

我就幾乎全程抱住個女

一個上晝就KO左我左手手臂 XD

小芊芊最著意個充氣消防車

我地本來排緊隊去著消防服影相

不過小芊芊堅持要玩充氣消防車

呢個當然由佢話事啦

我又唔想青青姨咁辛苦係咁同我地排隊

所以我決定玩一樣就算

玩完去影下消防車

滿足晒小芊芊鐘意既野喇~

攤位一開放 我地本來去左排著消防衫

不過小芊芊好果斷咁同我講要玩充氣消防車

排左幾個字就玩得 唔算耐

我同小芊芊講

〝媽咪唔入得架 你係咪敢自己一個

入去同其他小朋友一齊玩?〞

小芊芊答我 〝敢架！〞

好搞笑 小芊芊一直係門口來來回回

每批入去只可玩5分鐘

小芊芊係呢5分鐘 不停入左去又走出來

走出來拖住我隻手

然後又走返入去玩

守住門口個工作人員都話佢好可愛

又要玩又要掛住媽咪 :)

肯自己入去同玩好叻叻架喇

平時玩乜都要我陪架

突然對佢有種 〝大個女咯〞既感覺…

呢間局D消防員全部都好高大靚仔 ^^

DADDY黎到會覺得自己好輸蝕 XDDD

見到咁多消防員

身為消防車粉絲既小芊芊

梗係好開心啦~~~

青青姨咁好 唔好陣係掛住影我地啦

點都要3個一齊selfie一下~~~

架架消防車都要擒下條梯

影親相都捉實我隻手

想同佢影下單人照都唔得~~~

摸住架車冇手拖我

就用口叫我唔好走~~~

一見有梯就要我抱佢踩上去

〝媽咪 有火呀!〞

玩到冇野好玩…咁玩都得啊?!? 

要走喇~~~係開放左既紅閘口影返張相先啦! yeah~

再來 又yeah~~~

影埋呢張 青青姨經已被奪命追人喇

bye bye~~~

因為青青姨2點有約

本來話1點3要走

不過影下影下就1點9

真係要走喇~~~

至於我地兩母女

繼續行程豐富

先去左隔離個鳳德公園玩

然後再去表姨屋企睇貓貓同龍貓

等到daddy打電話黎話返到香港

我地先返屋企

同daddy一齊dinner

♥♥♥ 完 ♥♥♥