花蓮生日行2015‧DAY1‧蘇花東岸遊

OCTOBER 2015

小芊芊 ❤ 3 YEARS OLD

花蓮童話國度 ‧ DAY 1

香港 → 台北 → 花蓮

清水斷崖‧太魯閣

七星潭‧花蓮

這次我們坐EVA AIR

平機票欠奉 因為我買得太遲…

既然港龍中華港航同長榮都差無幾

就揀左未坐過既長榮咯！

早機去晚機返冇蝕底

實行玩足3日2夜

坐最早航班早上7:30起飛

CALL的天未光4:45係屋企樓下等

再接埋媽咪青青妹

一行5人向機場GOGOGO！

5:45就到左機場

仲好滋悠咁慢慢食早餐

點知出左事…

我以為個Gate好近

所以遇左兩個字行過去登機

點知個Gate遠到要坐無人列車再行行行

行到去差啲比人叫名咁滯

行程一開始就樣樣衰衰咁 XDDD

一上機就派來一份手工勞作比小芊芊玩

仲有特別order既兒童餐

標準餐兒童餐標準餐 :)

兒童餐好難食下 基本上小芊芊只係飲左果汁咁大把

連唔想浪費食物果位千千媽

都接受唔到咁浪費左…

呢個餐望個樣都知冇咩可能會好食…架囉！

好彩上機前食左半個早餐打底 

台灣既大山出現咯！超靚既棉花海洋~~~~

去台北 話咁快就到啦！

✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤

台北天氣跟香港一樣

天。氣。晴

台北上星期才剛剛打颱風

我們很幸運這星期才出發

要不分分鐘企左係香港機場冇得郁呀~

在機場等師傅接待中

跟包車導遊陳師傅相認後

就馬上往花蓮走去

點對點的車程為4小時

途中我們本計劃遊兩個景點

都是太魯閣的著名景點

1. 清水斷崖賞太平洋

2. 九曲洞步道

包車去到宜蘭先來個lunch

小芊芊訓左 所以我一個留係車陪佢

老公打包左呢個雞扒飯比我

唔係得個樣 幾好食架 原來仲係健康餐

要知道山上的天氣

是變幻莫測的

陳師傅說山間一到中午過後

通常都會下大雨

我們到清水斷崖的時候

大約3點半

遠處的太平洋上萬里晴空

但在我們頭頂的卻是煙霧瀰漫

正在下著毛毛雨粉

先來清水斷崖效果圖一幅

實景係幾浩瀚壯麗的 

太平洋另一邊是藍天白雲

我們這邊就是這樣的天氣咯…

嘩哈哈哈~~~~

風起雲湧的山間天氣

之後車子駛往九曲洞步道就不得了

暗灰色的天空 +下著大雨

步道入口都封了

在這九曲三百彎的蘇花公路上

處處都留著上星期杜鵑蹂躪過的痕跡

不用想都知這裡下雨有多危險

多年來一直想去的九曲洞景區

就這樣泡湯了…T^T

✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤

不過呢我們的包車師傅人實在太好啦！

經他細心的查詢過各景點的天氣

馬上就帶我們遊東海岸

花蓮最著名也是唯一的縣級景點

礫石海灣‧七星潭

比香港大很多很多很多的沙灘

遠處的白雲起起落落的像高樓大廈

一個很美很美的海灣

那條長長的海岸線無止境的

面對著遠遠無邊際的湛藍太平洋

只見到有如澳洲海灘的

淺藍天深藍海配以連綿不斷的白雲

加上這裡獨有的石春海洋

很美好的一個景點

花蓮沒有沙灘的 就只有這樣的礫石海灘

這裡的石頭全部都很滑嘟嘟很可愛

越往岸邊走 石礫越大塊 越走越像走石春路

(這本身就是石春路吧 XDDD)

石頭是小芊芊至愛的免費玩具

近期喜愛乜都放入口既小妹妹

仲想當糖食埋佢地…

我們的小女兒在這裡玩到不亦樂乎

一開始只有我和小芊芊脫了鞋

然後我倆都忍不住把這裡當成大床

碌呀碌呀碌呀碌呀~~~~~

後來daddy跟青青姨也忍不住加入

其實真的很好玩

有時候只要是小芊芊想玩的

我也想讓她玩

但讓她玩時我絶不會讓她自個兒玩

玩~ 要有人陪著一起玩才快樂！

所以什麼麻煩污糟之類的想法

打從小芊芊出生那天開始

我都很自然很樂意的接受了

她說想在石灘上打滾

我必定奉陪的啊！

當daddy也跟我們一起滾的時候

開心的不只我們1家3口

未有陪玩的婆婆與青青姨看著我們

也開心得不得了呢~~~

daddy一豁出去 就同個女玩到痴左 XDDD

兩個忘我到咩儀態都冇晒 XDDDDDD

終於…

小芊芊一嚐左食石頭既滋味

嘩哈哈哈哈哈哈~~~~~

青青姨都嘆埋一份

都話左好正架啦！

望住個咁靚既景 邊個捨得走??? 比多幾粒鐘我地啦不如…

快樂

有時候就是這麼簡單！

陳師傅有兩位在唸大學的兒子和女兒了

他超級喜愛小芊芊的呢！

整天在說要抱抱她

小芊芊好識做 哄得師傅好開心^^

花蓮童話國度 ‧ DAY 1

~ TO BE CONTINUE ~

REVIEW：

千芊家之幸福童話 ❤ Oct2015