小芊芊人生第1個學業獎

2016年2月16日 星期二  晴

小芊芊 ✎﹏ K1 Life
學校015-2016年度
上學期頒獎典禮

呢一日一定要好好紀念

係我的寶貝女得到人生的第1個獎項

學業獎 - 
中文科優異獎

寶貝女第1次得獎^^

其實由學校出通告有評估週開始

我不知不覺間變得好緊張

因為要返工的關係

跟小芊芊溫習的時間好唔見洗

但又唔想星期六日都掛住同佢溫習唔帶去玩

(畢竟她人仔小小才剛開始讀書)

加上去年年底進行的上學期評估週前

我又身體不適要住院

基本上我係冇花過時間同佢溫習

所以其實期望應該唔會太大

一早知道放農曆年假前會收到成績表

新年假期間學校會舉行頒獎典禮

心情一直好緊張

好希望派成績表日快d到

我仲問過daddy 〝你估小芊芊會唔會分到個獎?〞

daddy反應冷淡-_-"""
〝冇諗過佢會攞獎喎！〞

啊…有呢d 諗法都唔知好定唔好…

雖然我平日冇乜點問佢學過乜

睇完佢d簡單功課做晒就算

但我一直有跟班主任溝通

一個月放半日假去一次學校接佢放學

一個月打1-2次電話去學校找班主任

老師對佢評價一直唔錯

小芊芊係學校好靜 屬乖妹妹果類

同埋老師話佢學野好快

講野好清晰好有條理好有邏輯

所以我對佢確實係

有。期。望！

放農曆新年假前兩天

就是小芊芊學校派成績表的日子

那天我在公司忙碌中

還是要急不及待的打給婆婆問

婆婆矇查查的回覆我：

〝我見到兩張邀請卡〞

(有邀請卡即係小芊芊有得獎)
我仍然很緊張的問個究竟

因為成績表是全英文 不是全部她都看得懂

最後叫公公影晒啲成績表及通知書比我睇

心情即時輕鬆晒呢~~~

 好精緻既成績表

 好surprise收到邀請卡呀~~~

每班一共有8個獎項

班中頭3位各1名獎

中文科優異獎1名

英文科優異獎1名

優秀獎3名

而且成績表中有列班中排名

評估卷也同時派發

全部100分

小芊芊的成績我是很滿意的

我自問不是怪獸家長

從daddy對她得獎的心態或多或少讓我理解得到

我。為。何。如。此。緊。張。呢…

我媽對我的學業一直很嚴格
所以由幼稚園到小學我也年年得獎的

雖然我對小芊芊不是這樣教育

但心底裡仍是滿有期待的

她得了這個學業獎

感覺好像是我得獎一樣

daddy不概不會感受到我的心情

他大概覺得自己的女兒有得獎很心滿意足吧

從此我也想像到自己對女兒學業的壓力

畢竟我是沒有想過成績表會列出班中排名

當媽媽的總想自己的子女有進步吧…

我一定要好好的調整自己心理

總之要讓小芊芊在愉快中學習

✎﹏✎﹏✎﹏✎﹏✎﹏✎﹏✎﹏✎﹏✎﹏✎﹏✎﹏✎﹏

說回頒獎禮這一天

daddy抽了兩小時和小芊芊一起去學校

一入學校家長就要進入禮堂

小芊芊跟著老師

自己乖乖的上樓梯在課室準備

典禮好快開始
快到daddy連相都影唔切 -_-"""
實在太多獎項要頒發
家長同小朋友都好與奮

 頒獎典禮即將開始

獎杯和勳章放滿一枱


起初諗呢個只係一個豬肉獎 :P
但係論獎狀份量和大小
真係嚇左我一跳
頭3名係獎杯 優秀獎係勳章+証書
至於科目優異獎
竟然用一個大相框框住張獎狀~~~
好。浮。誇。呢！
我以為只係為影相而框住
原來係成個架咁比你帶返屋企
小芊芊咁細粒的住個框走黎走去好搞笑~~~
校長說得到呢兩個科目優異獎既小朋友
佢地既語文水平係相當高~~~
我也希望是如此啦^^

好大個獎狀呢！


Daddy因為有公事做
睇完小芊芊得獎就走左喇
所以最後得媽媽同小芊芊一齊影得獎合照
哎吔…真係好遺憾呢…
幸好無損小芊芊大好心情
因為她讀的班有相熟的同學仔同佢一齊得獎
d同學仔係咁圍住大家轉
一叫合照小芊芊攬住個獎係咁叫好重
見到佢地咁可愛真係好開心呢！

 典禮完畢 第1時間跟寶貝女合照

與同學仔合照 小芊芊大力的起獎狀呢~

這位高大威猛的同學仔跟小芊芊好friend架~

 小芊芊最喜愛的班主任

~~~OUR HAPPY MOMENTS~~~


回到家望住個獎
我同daddy係度傻傻咁諗…
年年都拎呢個獎真係唔係少野
所以daddy話不如以後都拎獎杯啦
獎杯容易收藏啲呀 XDDD