2016年2月19日 星期五 晴
小芊芊 ❄ 40Months 8Days
京都白川 Snowy Trip❄DAY 3
和服初體驗 ❀ 京都
和服初體驗 ❀ 京都
早一個月前在網上預定了
和服租著
難得和小芊芊來到日本
這次由大阪去京都又咁方便
我覺得3歲細細粒又識走黎走去既時候
著和服係最可愛的
這是我堅持要到京都的主因
點可以唔搵你賣下廣告~哈哈哈~~~
上網找資料才發現
京都租和服的店子多的是
很多很多攻略提及到哪家平宜哪家好
我選擇的條件很簡單
方便我辦預約就可以了
所以租著和服這方面我沒有心得
在網上預定的這家是最common的
岡本織物店-本店
http://okamoto-kimono.com/about/index.html
價錢我是完全接受的
一直密切留意京都和白川天氣
直到出發前一星期
發現這星期的氣溫急降10度
很擔心天氣太冷小芊芊唔適合著和服外出
很幸運 這天一早天清氣朗出太陽
雖然冷但天晴很重要
我預約的時間是第2輪的9:30
去到店子是真的把我嚇一跳
啲女人多到呢…
我看絶大多數是台灣人 也有些日本人
其實我從網上得到的資料
全部都來自台灣網站呢！
這回辛苦hubby了
他就是要苦苦的等呢！
真係幾值得一試
到店時小芊芊還在bb車睡覺
我先挑選好自己的和服款式及付款後
就夾硬抱起小芊芊走到更衣室
這隻來到日本頭一天真的睡多過玩
或許是我們不停舟車勞頓的原故吧…
要叫醒她真的太費心力
平日她未睡夠叫醒她的話我真有氣受
所以帶她入更衣室的時候她是爆喊的！！！
還好哄她10分鐘左右心情先回復狀態
成個人精靈晒就去揀和服咯
之前她一早說好要藍色的和服
小芊芊：揀藍色先 冇就要粉紅色 跟住黃色
不過佢一開始就揀左件粉紅色 但太長
再選藍色 大件左少少唔係咁稱身
之後揀左件黃色…
最後呢~~~揀左件桃紅色 (靚) (心心眼)
仲自己走去襯左件黃色外套
同埋波點手袋仔
火速衝埋去…玩…伏喱喱…
女仔是否天生就這麼愛美?
架上呢埋就係小芊芊SIZE既和服喇
我諗小朋友選凙黎講算多吧
起碼諗得到會揀既顏色都有選擇
我又發現小芊芊除左冇選擇困難症外
本身佢都幾有眼光 襯衫顏色襯得好靚呢！
我同佢一齊被換和服時
佢簡直冇時停 不斷係人堆中走來走去
店員姐姐要攬實佢先有機會同佢著衫 XDDD
仲要一邊著一邊問點解要著白色係裡面
又話人地綁得佢太緊之類…
好彩佢係小朋友 又細細粒又好笑容
加上一著完和服就聽到好多kawaii kawaii
咁人地先由得佢搞搞震…
成日隊隻腳仔出黎比人睇
仲話好鐘意對襪 要拎返屋企 -_-"
著完和服就排隊set頭
set頭不包在和服租著的package裡
要另外加錢的 大人小朋友同價
小芊芊要自己揀髮型同埋頭飾
佢簡直比佢阿媽我貪靚無限倍
仲拎住d髮型同我分析點解佢要揀呢個髮型
邊個髮型最唔好睇邊個髮型都幾好睇咁 -_-"""
人地唔知佢講乜齋聽都覺得好好笑
(最後梗係比姐姐band左啦 搵返個bb用的)
排到我地兩個就分開set頭喇
見人地搞緊佢個頭 小芊芊坐到定一定
落左髮卷個樣超級可愛呢！
無諗過佢d頭髮咁簿咁幼都set到曲髮啊~
店員姐姐們set頭真係快到冇朋友
睇佢同小芊芊個頭梳兩梳夾兩夾
我既小寶貝就變左個偽日本妹喇 XDDD
我都忍唔住覺得自己個女
真係好KAWAII呀！
係店內場景影幾張相後
就出去滙合daddy喇
陰公豬啦！原來daddy等左我地足兩個小時！
我覺得daddy見到我地出黎時既表情好好笑的
一知我地出黎果刻個樣本來好痛苦架
但一望多我地兩眼 (尤其望住小芊芊時)
佢雙眼發左光咁 XDDD
我好相信佢果一刻
一定覺得等兩粒鐘乜都抵返晒！
哈哈哈哈！
影返幅造型相
未有佈景都係度狂影
黎幅大合照先~~~ selfie~~~~
之後開始我地今日既行程咯~~~
日本Snowy Trip ❄ DAY 3
~ TO BE CONTINUE ~
REVIEW：
和服look真係好可愛啊~~~~~~
回覆刪除係呀,果度個個著和服既小朋友都好可愛~~~
刪除日本妹妹小芊芊, 真係好得意呀!
回覆刪除thanks ar fan ee^^
刪除