2011年5月2日 星期一 晴
今日約了我們的父母飲茶
媽咪想我們1家人都出席
所以都叫埋男朋友1家1起來
熱鬧點好 開始有辦婚禮的感覺
嘻嘻~
約左2點係紅磡皇府飲下午茶
順便帶家人睇下我地個靚場
皇府原來收2點半呢 ooo...
所以轉左上樓上彩福飲茶
我仲擔心2家人會有dead air呢
好彩 細佬老豆哥哥都有計傾下^^
重點既野都約略提出左
我應該冇咁擔心啦…
飲完茶 去皇府睇場
嫂嫂同青青之前已經同我講覺得個場細左d
都驚我地擺20圍好逼 搞到我1直都好擔心
不過媽咪老豆同aunt都覺得個場靚
冇咩comment
然後 男朋友又提出話去埋海景廳睇睇
1睇…唔得了…
老豆1入去就話呢個場好！
我只係話要入新娘房 新娘房係個台後面的
好大大大大大大大大 同埋好靚 勁好呀!
然後可以由新娘房直接上台
aunt企係個台度望
然後好興奮咁問我地仲咩唔揀呢個場
掛滿水晶燈的門口
樓底高 場地四四正正無柱 老豆同aunt一看就喜歡這裡
stage上的教堂backdrop是玻璃+彩色LED燈光 很特別
其實這邊的白色窗花設計我也幾喜歡的
看上去這個場一點都不酒樓feel
場地前後都有prochater
reception的deco好ok
新娘房好大好大好大 全個場最喜歡這裡:p
好大個個化妝台呀
係近娘房都可以看到場地情況 係呢度影下姊妹相都唔錯呢~~~
有新娘房專用toilet 服侍週到
仲有按摩花灑呢!
跟住 男朋友就即刻要找經理…
(又係之前有人1野就reject左揀呢個場
又係之前有人1入黎睇現場就掉頭走都走唔切…)
最後 梗係轉左場啦
難得兩家人都鐘意喎
好彩…
當日表妹醒目
我地先有要求sales係張單上面寫明可以免費轉場咋
老豆豆話呢個場樓底高夠闊落
近門口果邊可以做麻雀區入席時唔洗轉酒席檯
當然 敬酒都可以舒舒服服咁唔洗迫黎迫去啦
我對呢個場本身都ok的
係唯1賓客toilet比較遠
最好梗係可以換下backdrop果2幅銀色同紅色布啦…
不過鑽石廳係grand d同埋溫馨d
如果擺15-18圍 細場真係無得彈
總算解決左我自book左場到而家1直以黎既憂慮
大家都唔洗再就住請賓客喇~
同經理confirm時 我順便問埋花車
之前同錢小姐book左架白色靚車
由於我地big day當日會港九新界走大運 都幾長途
所以擔心老爺車款會捱唔住
連經理都答唔到我地佢既穩陣性
有risk呀 都係要找架後備安心d
家長見左 場都confirm好
我地應該係時候投入喇喎
到底幾時開始有mood呢?
婚禮籌備回顧：
我們的大日子誕生了！
幾時係我地既大日子呢?
沒有留言:
張貼留言