2011年5月30日
今日book花車
未plan結婚之前
曾經係男朋友屋企樓下見到架好靚既古典車
紫色的 好sharp
我同男朋友講第時結婚租呢款車做花車
呢架叫倫敦的士
開始plan結婚的時候
反而冇諗呢款車了
book左酒席之後冇耐就係煌府book埋佢地架白色Rolls Royce
本來可以放下心頭大石
不過諗諗下又好擔心老爺車走長途有risk呀
後來酒席轉場時 我又問過經理架花車狀態如何
問完都係擔心 始終得1架花車 冇stand by
男朋友覺得都係疊埋心水搵過架
跟住又諗Rolls Royce 不過太貴了…
5000元3小時又唔夠用
7400元6小時真的不捨得
都係Benz或者BMW算喇
最多我cover多d花花係架車度
大家諗下諗下
有日我同男朋友傾傾下突然有個共同想法
(我地一向心有靈犀ga啦 哈哈)
我：男朋友 我都睇左d資料 不如租…
男朋友：係咪倫敦的士?
原來男朋友都睇過相同既資料
初初以為好細架好窄所以唔考慮
但睇左資料後都覺得ok
所以就即刻book時間睇車喇
約了阿達晚上8點鐘沙田睇車
我地好準時到 不過去錯左地點等
好彩兩個地點唔係隔好遠
4隻色齊晒呀 可以1次過睇晒~
去到停車場
見到5架倫敦的士5隻色放晒係附近既車位 1次過睇晒
Barbie粉紅 桃紅 粉紫 金色 純白
純白MG真係好classic 但係實在太小了
其他4款款色差唔多 好大架好寬敞
Barbie粉紅色架車入面既後座仲係鮮粉紅既絲絨座椅呢！
不過呢架車已經比人book左啦
我地只可以揀其餘4隻color
粉紫色果架入邊都係絲絨坐椅
不過冇粉紅色果張sofa咁靚~
左邊的桃和右邊的鮮粉紅色好sharp好搶眼呀
鮮粉紅花車入邊裝修得好靚
用了黑色絲絨地毯+鮮粉紅色閃石sofa
白色古董MG外形好classic
可惜太小 後座坐兩個人才剛剛夠位
後邊同側面睇 好的式好可愛
如果London taxi都有呢隻白色就好了~~~
最後當然book左啦
佢又唔收長途附加 又3200元送多3小時
3200元8小時 我地都覺得值得
只係擔心走我地條路線好有風險
始終又係老爺車 我地又港九新界遊一圈咁
阿達話如果冇乜斜路 其實都唔洗擔心
咁好彩 我地條路線都係走公路多
暫時hold定桃紅色 等淺紫色出場時再決定
遲d仲有架bling bling淺紫色新成員加入
我地到時可以再約睇車 睇岩有期就可以轉呢
搞掂主花車 黎緊婚展book埋旅遊巴就搞掂
而家可以諗下點樣整靚架花車啦 哈哈~
睇完花車 去左食Burger King
跟住行沙田中心 好好行 d boutique好ok喎
男朋友陪我行左陣 仲幫我揀左個靚靚手袋
我揀左1年多都未睇到個岩心水的
今日於有收獲呢 男朋友眼光真係唔錯~
心情大好呀！
沒有留言:
張貼留言