朝早返工係街同個送花員擦身而過
佢捧住一箱花 裡面送剩2紮
我就心諗：唔知有冇我份呢?!?
第11年情人節 都老夫老妻啦
果箱野當然唔會有我份
今年我個office都冇收到花
d女人一係結晒婚 一係離左婚
一係男朋友都冇果種未結婚
so 1d紅粉心心既愛的氣氛都冇…
5點喇 全日老公都仲未打黎搵過我
咁我今晚果餐點呢? (媽咪昨晚自己主動話今晚唔會煮我飯-_-")
不過得個諗字 因為busy緊都唔得閒搵老公
But suddenly…
…
…
…
…
…
秘書小姐叫我望下果邊…
我見到有紮花向住我塊面
仲以為要簽收
紮花一移開 原來係老公仔~~~
at the moment 唔識比反應tim…
鬼有諗過老公會自己送花上黎比我
(最多都係諗住佢接我放工出去食飯)
我當然好lum啦 同埋紮花好靚好香 好鬼襯我!!!
(btw我同事竟然話紮花好襯我個女-_-"!!!)
等到我收工 就出左去尖尖
老公話本來想帶我去食蠔
but早個星期訂位已full
情人節真係好難諗地方食野
我又唔鐘意食西餐 食中餐又唔係咁想
最後呢 去左過去兩個月都去食過既KIMCHEE
第1次去食係上年12月慶祝結婚兩週年
第2次去食係上個月請來香港玩的上海朋友
第3次去食係今日元宵情人節
第3次食依然覺得好yummy
又坐得舒服 又唔算多人 個set又好食
呢間餐廳有分日本part & 韓國part
我地8點3去到 從來未見過呢度咁多人等位
等位既都係食日本料理的
我地食韓燒 所以一入去就有位比我地喇
不過韓國part都好full呀 d枱接住有人坐架
我們先兩次來成間野都極少人
坐成晚都係得幾枱客
今晚真係幾好氣氛
時間真係過得好快呢
我地兩個人既時光 真係超難得
上兩次都帶住小芊芊
我兩次都唔得閒食野 搞到個set食唔晒
今次食得勁舒服 食晒個set之餘仲食多左碟刺身
超級飽飽 同老公一齊捧住個肚出門口
其實過去果一年 我成日都覺得
老公對我唔夠好 老公唔再好似拍拖時咁疼我
但再諗 原來老公一直對我好好好好
今晚食完飯去搭車時老公話
"估唔到結左婚既情人節 我都係要送你搭車返屋企…"
我聽完個心真係幾upset…
Anyway 老公 我地今年一齊努力
希望明年我地可以有自己既靚靚廚房
以後既情人節我都可以煮唔同既菜式比你嘆^3^
回到家
我地既小情人飲緊奶正準備訓覺
我拿紮花入房放係床上
小芊芊飲完奶馬上哄住紮花
正當我以為阿女會辣手催花之際
阿女捧起紮花笑好開心呢~
(佢一定係以為我送紮花比佢!)
女孩子真係女孩子 天性來的
而家知道咩係花花 知道咩叫靚靚
一見到花花就心情靚靚
呢個前世小情人肯定會甜屎爸爸
♥ Happy Valentines' Day 2014 ♥
希望你倆快d 有自己的小天地啊!! 加油啊.
回覆刪除