2014年2月2日 星期日
大年初三
小芊芊 ♥ 15Months 22Days
小甜心一朝早就勁開心
笑足全日
天氣好到不得之了
一大早就出發咯~
由新界西969貢出去交易廣場再轉260直入港島南
估唔到260又真係好快喎 半小時到步
周圍係好多野食 但又冇咩岩食
為左快d解決個肚 我地衝左入Mc記 XD
小芊芊有收穫 Mini甜筒仔一支
不過佢好乖乖 請晒比mami同daddy食 :p
小芊芊一直未食過雪糕的
這杯小甜筒本來都係諗住比佢食的
點知佢食左一啖之後
即刻推返個甜筒比我
想比多啖佢食
佢即刻耍手擰頭-_-"
於是乎行左陣market
daddy見芊芊呢排學識左踢波
即刻話行街時要買個出街用既波比阿女
結果一見玩具店就同小芊芊衝左入去
買左2個塑化波出來…(made in Taiwan架囉…)
有人話我個friend好送made in Taiwan既餐具 唔好比芊芊用
但有人自己又走去買made in Taiwan既玩具比自己個女玩…
今日我和小芊芊一起著既親子花花鞋
行完market就慢慢斜行上山
去我一直想帶小芊芊去既地方
Stanley Military Cemetery
因為呢地方好舒服 冇咩人 又有草地 影相又靚
一去到 小芊芊就lost control走呀走
落斜波都照衝 真係一額汗
一放低佢係地 我地是但一個都好唔得閒
想兩個訓係草地度住個天談心?
得! 等阿女訓左先啦!
想阿女訓?
得! 等阿女玩完離開呢度先啦!
哈哈哈~
我的古靈精怪BB芊
玩到太陽落山 我地又落山
天黑lu 冇時間帶小芊芊去公園仔sir滑梯呢…
行返去plaza兜左陣再去Murray House食野
食完同芊芊係度走來走去
仲諗住行多陣market買下野
點知望下時間已經9pm
開心既時間過得快到呢…
回家路途咁遙遠 唔走唔得啦
一話走 小芊芊即刻合埋眼仔訓訓訓
好訓到第二朝先醒 :)
一個美好既日落 :)
喂喂喂, 你倆父女食個飯je,洗唔洗咁痴纏呀?!?
見夜晚涼涼地 換返套賀年裝
著到今日第3日
都仲未影到張肆正既賀年相
媽媽我又點會放過小芊芊呢…
不過都係失敗左
一放佢係地 0.1秒極速閃閃閃-_-"
事後媽咪同嫂嫂問我做咩去埋d咁既地方
新正頭大年初三去墓地…
回家第二朝奶奶問我地去邊玩
我仲好爽口咁話去左軍人墳場 XD
其實我自己都醒唔起
係後來睇相時見到個風景先諗起
哈哈~我地一向百無禁忌
最緊要玩得開心嘛~~~
沒有留言:
張貼留言