大年初四‧元朗公園小花展

2014年2月3日   星期一 
大年初四
小芊芊‧15Months 23Days

連續3天外出
話咁快明天又要上班喇
所以今天決定小休一下
下午就近近地與姊妹Rachel到元朗公園走走

在家食完午飯
小芊芊習慣要午睡
趁佢午睡 就推左佢出元朗公園
呼吸住D綠油油既清新空氣訓
醒左肯定會精神D :)

公園山頂鋪滿好多花
雖然範圍唔大 但係品種非常多
見到咁多唔同顏色既花感覺好開心呢!
等小芊芊醒左一定要同佢影相相

呢度有一片小花海

桃花開得好燦爛

白色粉紅色既茶花開到成舊廁紙咁~

連櫻花都有 好厲害呢!

不過呢棵係小櫻花 好細棵

小芊芊一見到布類物體就會好hyper

連帶爸爸都好hyper 晚晚係床上同個女玩cum棉胎-_-"

啲小bb好鐘意比大人吊高

一抱呢個小妹妹上去單槓欄

就笑到收唔到聲!

訓左個零鐘 小芊芊就起身食奶
跟住係草地走左一陣
然後邊玩邊上山
今日勁熱 下午高達23度
我同老公都頂唔順著左係清邁買既情侶短袖tee :)

為左應下節 我地一上到山
就同小芊芊著返套厚dup dup既賀年裝
以快速既速度同小芊芊博命影相
熱屎佢呀陰公豬 XD

終於 冇白費到呢套咁靚既賀年裝
小芊芊一著住就小甜心上身
圍住山上的姨姨姐姐轉轉轉
拼埋去D咁鮮艷既年花度
佢絕對冇比下去 仲好出色tim

~~~~~~~~~~ 芊 ~ 比 ~ 花 ~ 嬌 ~~~~~~~~~~~